ਲੈਮਨ ਗ੍ਰਾਸ ਜਾਂ ਨਿੰਬੂ ਦੇ ਘਾਹ ਦਾ ਮਹੱਤਵ ਉਨ੍ਹਾਂ ਦੀਆਂ ਖ਼ੁਸ਼ਬੂਦਾਰ ਪੱਤੀਆਂ ਕਰ ਕੇ ਹੈ। ਪੱਤੀਆਂ ਦੇ ਵਾਸ਼ਪੀਕਰਨ ਨਾਲ ਤੇਲ ਪ੍ਰਾਪਤ ਹੁੰਦਾ ਹੈ
ਲੈਮਨ ਗ੍ਰਾਸ ਜਾਂ ਨਿੰਬੂ ਦੇ ਘਾਹ ਦਾ ਮਹੱਤਵ ਉਨ੍ਹਾਂ ਦੀਆਂ ਖ਼ੁਸ਼ਬੂਦਾਰ ਪੱਤੀਆਂ ਕਰ ਕੇ ਹੈ। ਪੱਤੀਆਂ ਦੇ ਵਾਸ਼ਪੀਕਰਨ ਨਾਲ ਤੇਲ ਪ੍ਰਾਪਤ ਹੁੰਦਾ ਹੈ ਜਿਸ ਦਾ ਪ੍ਰਯੋਗ ਕਾਸਮੈਟਿਕਸ, ਸੁੰਦਰਤਾ ਉਤਪਾਦ, ਸਾਬਣ, ਕੀਟਨਾਸ਼ਕ ਅਤੇ ਦਵਾਈਆਂ ਵਿਚ ਹੁੰਦਾ ਹੈ। ਇਸ ਤੇਲ ਦਾ ਮੁੱਖ ਘਟਕ ਸਿਟ੍ਰਾਨ (80-60 ਫ਼ੀ ਸਦੀ) ਹੁੰਦਾ ਹੈ।
ਨਿੰਬੂ ਦਾ ਘਾਹ ਗਰਮ ਅਤੇ ਸਰਦ ਹਰ ਜਲਵਾਯੂ ਵਿਚ ਸੁਚਾਰੂ ਰੂਪ ਵਿਚ ਹੁੰਦਾ ਹੈ।
Lemon Grass
ਆਮ ਤੌਰ ’ਤੇ 250-300 ਮਿਲੀਮੀਟਰ ਮੀਂਹ ਇਸ ਲਈ ਢੁਕਵਾਂ ਹੁੰਦਾ ਹੈ। ਇਹ ਪ੍ਰਮੁੱਖ ਰੂਪ ਵਿਚ ਮੀਂਹ ’ਤੇ ਆਧਾਰਤ ਸਿੰਜਾਈਹੀਣ ਹਾਲਤ ਵਿਚ ਉਗਾਇਆ ਜਾਂਦਾ ਹੈ। ਇਹ ਘਾਹ ਹਰ ਤਰ੍ਹਾਂ ਦੀ ਮਿੱਟੀ ਵਿਚ ਉੱਗ ਜਾਂਦਾ ਹੈ। ਪਰ ਇਹ ਖੜੇ ਪਾਣੀ ਵਿਚ ਨਹੀਂ ਰਹਿ ਸਕਦਾ। ਇਸ ਲਈ ਚੰਗੇ ਪਾਣੀ ਦੇ ਨਿਕਾਸ ਵਾਲੀ ਜ਼ਮੀਨ ਦੀ ਚੋਣ ਕਰਨਾ ਚੰਗਾ ਹੁੰਦਾ ਹੈ। ਦੋਮਟ ਮਿੱਟੀ ਇਸ ਦੀ ਖੇਤੀ ਲਈ ਬਹੁਤ ਚੰਗੀ ਹੈ।
Lemon Grass
ਢਲਾਨ ਵਾਲੇ ਖੇਤਰਾਂ ਵਿਚ, ਜਿਥੇ ਮਿੱਟੀ ਖੁਰਦੀ ਰਹਿੰਦੀ ਹੈ, ਉਥੇ ਇਸ ਦੀ ਖੇਤੀ ਕਰਨ ਨਾਲ ਮਿੱਟੀ ਦਾ ਖੁਰਨਾ ਬੰਦ ਹੋ ਜਾਂਦਾ ਹੈ। ਇਕ ਹੈਕਟੇਅਰ ਵਿਚ ਬਿਜਾਈ ਕਰਨ ਲਈ ਪੌਧ ਤਿਆਰ ਕਰਨ ਲਈ 4 ਤੋਂ 5 ਕਿਲੋ ਬੀਜਾਂ ਦੀ ਜ਼ਰੂਰਤ ਹੁੰਦੀ ਹੈ। ਅਪ੍ਰੈਲ-ਮਈ ਤਕ ਇਸ ਦੀ ਨਰਸਰੀ ਤਿਆਰ ਹੋ ਜਾਂਦੀ ਹੈ। ਜੁਲਾਈ ਦੇ ਪਹਿਲੇ ਹਫ਼ਤੇ ਵਿਚ ਇਸ ਦੀ ਬਿਜਾਈ ਕਰੋ।
Lemon Grass
ਫ਼ਰਵਰੀ ਤੋਂ ਮਾਰਚ ਦੌਰਾਨ ਖ਼ੁਸ਼ਕ ਮੌਸਮ ਵਿਚ ਇਸ ਦੀ ਸਿੰਜਾਈ ਦੀ ਜ਼ਰੂਰਤ ਪੈਂਦੀ ਹੈ। ਪਹਿਲੀ ਕਟਾਈ 3 ਮਹੀਨਿਆਂ ਬਾਅਦ ਕੀਤੀ ਜਾਂਦੀ ਹੈ ਅਤੇ ਇਸ ਤੋਂ ਬਾਅਦ ਹਰ 2 ਤੋਂ ਢਾਈ ਮਹੀਨਿਆਂ ਬਾਅਦ ਕਟਾਈ ਕੀਤੀ ਜਾਂਦੀ ਹੈ। ਪ੍ਰਤੀ ਹੈਕਟੇਅਰ 10 ਤੋਂ 25 ਟਨ ਤਕ ਘਾਹ ਪੈਦਾ ਹੁੰਦਾ ਹੈ, ਜਿਸ ਵਿਚੋਂ 60 ਤੋਂ 80 ਕਿਲੋ ਮਿਲਦਾ ਹੈ।
