ਮੱਝ ਵੀ ਦੁੱਧ ਚੁਆਈ ਮੁਕਾਬਲਿਆਂ ’ਚ ਬਣਾ ਚੁੱਕੀ ਹੈ ਆਪਣਾ ਰਿਕਾਰਡ
ਫ਼ਤਿਹਗੜ੍ਹ ਸਾਹਿਬ : ਕਹਿੰਦੇ ਹਨ ਕਿ ਸ਼ੌਂਕ ਦਾ ਕੋਈ ਮੁੱਲ ਨਹੀਂ ਹੁੰਦਾ, ਸ਼ੌਂਕ ਭਾਵੇਂ ਖੇਡਾਂ,ਘੁੰਮਣ ਫਿਰਨ ਦਾ, ਖਾਣ ਪੀਣ ਦਾ ਜਾਂ ਫਿਰ ਜਾਨਵਰ ਪਾਲਣ ਦਾ ਹੋਵੇ। ਅਜਿਹੇ ਹੀ ਕੁਝ ਜਾਨਵਰ ਪਾਲਣ ਦੇ ਸ਼ੌਕੀਨਾਂ ਨੇ ਸ਼ੌਂਕ ਦੇ ਨਾਲ-ਨਾਲ ਇਸ ਨੂੰ ਆਪਣਾ ਕਿੱਤਾ ਵੀ ਬਣਾ ਲਿਆ ਹੈ। ਜੀ, ਬਿਲਕੁਲ ਅਸੀਂ ਗੱਲ ਕਰ ਰਹੇ ਹਾਂ ਝੋਟੇ ਦੀ, ਜਿਸ ਦੀ ਕੀਮਤ 10 ਲੱਖ 30 ਹਜ਼ਾਰ ਰੁਪਏ ਹੈ।
Bull
ਜ਼ਿਲ੍ਹਾ ਫਤਿਹਗੜ੍ਹ ਸਾਹਿਬ ਦੇ ਪਿੰਡ ਖੋਜੇ ਮਾਜਰਾ ਵਿਖੇ ਪਾਕਿਸਤਾਨੀ ਨੀਲੀ ਰਾਵੀ ਕਿਸਮ ਦਾ ਝੋਟਾ 10 ਲੱਖ 30 ਹਜ਼ਾਰ ਰੁਪਏ ਦਾ ਵੇਚਿਆ ਗਿਆ ਹੈ, ਹੈਰਾਨੀ ਦੀ ਗੱਲ ਇਹ ਹੈ ਕਿ ਇਸ ਦੀ ਉਮਰ ਅਜੇ 3 ਸਾਲ ਹੈ। ਝੋਟੇ ਦੇ ਮਾਲਕ ਬਹਾਦਰ ਸਿੰਘ ਨੇ ਦੱਸਿਆ ਕਿ ਇਹ ਕਿਸਮ ਪੰਜਾਬ ’ਚ ਬੇਹੱਦ ਘੱਟ ਦੇਖਣ ਨੂੰ ਮਿਲਦੀ ਹੈ ਅਤੇ ਦੇਸ਼ ਦੀ ਵੰਡ ਤੋਂ ਬਾਅਦ ਇਸ ਦੀ ਜ਼ਿਆਦਾਤਰ ਕਿਸਮ ਪਾਕਿਸਤਾਨ ਵਿੱਚ ਹੀ ਰਹਿ ਗਈ।
Money
ਮਾਲਕ ਨੇ ਦੱਸਿਆ ਕਿ ਇਸ ਦੀ ਮਾਂ ਮੱਝ ਵੀ ਦੁੱਧ ਚੁਆਈ ਮੁਕਾਬਲਿਆਂ ’ਚ ਆਪਣਾ ਰਿਕਾਰਡ ਬਣਾ ਚੁੱਕੀ ਹੈ, ਜਿਸ ਨੇ ਡੇਢ ਲੱਖ ਰੁਪਏ ਤੱਕ ਦੇ ਇਨਾਮ ਵੀ ਜਿੱਤੇ ਹਨ।
Bull
ਮਾਲਕ ਨੇ ਦੱਸਿਆ ਕਿ ਅੱਜ ਦੀ ਨੌਜਵਾਨ ਪੀੜ੍ਹੀ ਜੋ ਆਪਣਾ ਦੇਸ਼ ਛੱਡ ਕੇ ਵਿਦੇਸ਼ਾਂ ਨੂੰ ਜਾ ਰਹੀ ਹੈ, ਉਨ੍ਹਾਂ ਨੂੰ ਆਪਣੇ ਦੇਸ਼ ਵਿੱਚ ਰਹਿ ਕੇ ਅਜਿਹੇ ਕਿੱਤਾ ਮੁਖੀ ਅਤੇ ਪਸ਼ੂ ਪਾਲਣ ਵਰਗੇ ਧੰਦੇ ਅਪਣਾਉਣੇ ਚਾਹੀਦੇ ਹਨ, ਕਿਉਂਕਿ ਇਸ ’ਚ ਵੀ ਕਮਾਈ ਹੈ।
