ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ ਲੁਧਿਆਣਾ ਹਰ ਸਾਲ 2 ਕਿਸਾਨਾਂ ਮੇਲੇ ਆਯੋਜਿਤ ਕਰਦੀ ਹੈ
ਪਟਿਆਲਾ 23 ਮਈ (ਬਲਵਿੰਦਰ ਸਿੰਘ ਭੁੱਲਰ) : ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ ਲੁਧਿਆਣਾ ਹਰ ਸਾਲ 2 ਕਿਸਾਨਾਂ ਮੇਲੇ ਆਯੋਜਿਤ ਕਰਦੀ ਹੈ, ਜਿਸ ਵਿੱਚ ਕਿਸਾਨਾਂ ਨੂੰ ਵਧੀਆ ਕਿਸਮ ਦੇ ਕਣਕ ਅਤੇ ਝੋਨੇ ਦੀ ਬੀਜ਼ ਤਕਸੀਮ ਕਰਨ ਤੋਂ ਇਲਾਵਾ ਉਨ੍ਹਾਂ ਨੂੰ ਵਾਤਾਵਰਣ ਪੱਖੀ ਫਸਲਾਂ ਬੀਜਣ ਦੀ ਨੇਕ ਸਲਾਹ ਵੀ ਹਰ ਸਾਲ ਖੇਤੀ ਵਿਗਿਆਨੀ ਕਿਸਾਨਾਂ ਨੂੰ ਦਿੰਦੇ ਆ ਰਹੇ ਹਨ।
rice
ਇਨ੍ਹਾਂ ਦਿਨਾਂ ਵਿੱਚ ਹੁਣ ਜਦੋਂ ਕਿ ਕਿਸਾਨ ਝੋਨੇ ਦੀ ਪਨੀਰੀ ਲਗਾਉਣ ਵਿੱਚ ਰੁਝੇ ਹਨ ਤਾਂ ਖੇਤੀਬਾੜੀ ਯੂਨੀਵਰਸਿਟੀ ਲੁਧਿਆਣਾ ਦੇ ਵਿਗਿਆਨੀ ਪੰਜਾਬ ਦੇ ਬਹੁਤ ਸਾਰੇ ਪਿੰਡਾਂ ਵਿੱਚ ਕਿਸਾਨ ਕੈਂਪ ਆਯੋਜਿਤ ਕਰ ਰਹੇ ਹਨ, ਜਿਨ੍ਹਾਂ ਵਿੱਚ ਉਨ੍ਹਾਂ ਨੂੰ ਵਾਤਾਵਰਣ ਪੱਖੀ ਝੋਨਾ ਬੀਜਣ ਅਤੇ ਉਹ ਕਿਸਮਾਂ ਬੀਜਣ ਦੀ ਸਲਾਹ ਦਿੱਤੀ ਜਾ ਰਹੀ ਹੈ, ਜਿਹੜੀਆਂ ਘੱਟ ਪਾਣੀ ਨਾਲ ਪੱਕ ਜਾਣ ਅਤੇ ਪੱਕਣ ਲਈ ਘੱਟ ਸਮਾਂ ਲੈਣ।
rice
ਯੂਨੀਵਰਸਿਟੀ ਦੇ ਖੇਤੀ ਵਿਗਿਆਨੀ ਕਿਸਾਨਾਂ ਨੂੰ ਇਹ ਸਲਾਹ ਦੇ ਰਹੇ ਹਨ ਕਿ ਉਹ ਇਨ੍ਹਾਂ ਦਿਨਾਂ ਵਿੱਚ ਸਿਰਫ ਪੀ.ਆਰ. 121, ਪੀ.ਆਰ.122, ਪੀ.ਆਰ. 123, ਪੀ.ਆਰ. 124, ਪੀ.ਆਰ. 126 ਅਤੇ ਪੀ.ਆਰ. 127 ਦੀਆਂ ਕਿਸਮਾਂ ਬੀਜਣ ਅਤੇ ਰਿਵਾਇਤੀ ਝੋਨਾ ਪੂਸਾ 44 ਦਾ ਵਿਚਾਰ ਤਿਆਗ ਦੇਣ। ਖੇਤੀ ਵਿਗਿਆਨੀ ਨੇ ਇਹ ਵੀ ਕਿਹਾ ਕਿ ਪੂਸਾ 44 ਦੂਸਰੀਆਂ ਕਿਸਮਾਂ ਨਾਲੋਂ ਪਕਣ ਵਿੱਚ ਬਹੁਤ ਸਮਾਂ ਵੱਧ ਲੈਂਦੀ ਹੈ ਅਤੇ ਉਸ ਨੂੰ ਪਾਣੀ ਦੀ ਵੱਧ ਲੋੜ ਪੈਂਦੀ ਹੈ ਬਾਕੀ ਪੂਸਾ 44 ਨੂੰ 20 ਜੂਨ ਤੋਂ ਬਾਅਦ ਬੀਜਣ ਦਾ ਬਹੁਤ ਫਾਇਦਾ ਨਹੀਂ ਹੁੰਦਾ। ਇਸ ਕਰਕੇ ਪੰਜਾਬ ਦੇ ਕਿਸਾਨ ਸਿਰਫ ਪੀ.ਆਰ. ਕਿਸਮ ਦੇ ਝੋਨੇ ਦੀ ਹੀ ਕਾਸ਼ਤ ਕਰਨ।
