ਜਿਨ੍ਹਾਂ ਖੇਤਾਂ ਨੂੰ ਪਾਣੀ ਲੱਗਾ ਸੀ ਉਨ੍ਹਾਂ ਦੀ ਕਣਕ ਹਵਾ ਨਾਲ ਵਿਛੀ : ਕਿਸਾਨ
ਚੰਡੀਗੜ੍ਹ (ਐਸ.ਐਸ.ਬਰਾੜ): ਪੰਜਾਬ ਖੇਤੀਬਾੜੀ ਮਹਿਕਮੇ ਦਾ ਮੰਨਣਾ ਹੈ ਕਿ ਪਿਛਲੇ ਦੋ ਦਿਨਾਂ ਵਿਚ ਹੋਈ ਬਾਰਸ਼ ਅਤੇ ਚੱਲੀਆਂ ਤੇਜ਼ ਹਵਾਵਾਂ ਨਾਲ ਕਣਕ ਦੀ ਫ਼ਸਲ ਦਾ ਮਾਮੂਲੀ ਨੁਕਸਾਨ ਹੋਇਆ ਹੈ। ਕਿਸੇ ਵੀ ਇਲਾਕੇ ਵਿਚ ਤੇਜ਼ ਹਵਾ ਅਤੇ ਗੜ੍ਹੇਮਾਰੀ ਨਾਲ ਕਿਸੇ ਵਧੇਰੇ ਨੁਕਸਾਨ ਹੋਣ ਦੀ ਕੋਈ ਸੂਚਨਾ ਨਹੀਂ ਮਿਲੀ।
ਪਰ ਕਿਸਾਨਾਂ ਦਾ ਕਹਿਣਾ ਹੈ ਕਿ ਬਾਰਸ਼ ਅਤੇ ਤੇਜ਼ ਹਵਾ ਨਾਲ ਉਨ੍ਹਾਂ ਖੇਤਾਂ ਵਿਚ ਕਣਕ ਦੀ ਫ਼ਸਲ ਨੂੰ ਨੁਕਸਾਨ ਜਿਨ੍ਹਾਂ ਖੇਤਾਂ ਵਿਚ ਪਹਿਲਾਂ ਪਾਣੀ ਲਗਾ ਸੀ
file photo
ਅਤੇ ਫਿਰ ਬਾਰਸ਼ ਅਤੇ ਤੇਜ਼ ਹਵਾ ਨਾਲ ਉਨ੍ਹਾਂ ਖੇਤਾਂ ਵਿਚ ਕਣਕ ਦੀ ਫ਼ਸਲ ਲੰਮੀ ਪੈ ਗਈ। ਮਾਲਵੇ ਦੇ ਕੁੱਝ ਇਲਾਕਿਆਂ ਦੇ ਕਿਸਾਨਾਂ ਨਾਲ ਫ਼ੋਨ ਉਤੇ ਗਲ ਹੋਈ ਤਾਂ ਉਨ੍ਹਾਂ ਦਸਿਆ ਕਿ ਜੋ ਕਣਕ ਲੰਮੀ ਪੈ ਗਈ ਹੈ, ਉਹ ਹੁਣ ਸਿਧੀ ਨਹੀਂ ਹੋ ਸਕੇਗੀ। ਕਣਕ ਜੇ ਬੂਟਿਆਂ ਨੂੰ ਆਏ ਸਿਟੇ ਜ਼ਮੀਨ ਨਾਲ ਲਗ ਗਏ ਹਨ ਅਤੇ ਹੁਣ ਇਨ੍ਹਾਂ ਸਿਟਿਆਂ ਨੂੰ ਧੁੱਪ ਅਤੇ ਹਵਾ ਨਹੀਂ ਮਿਲੇਗੀ ਅਤੇ ਦੂਸਰਾ, ਸਿਟਿਆਂ ਨੂੰ ਪਾਣੀ ਲਗਦਾ ਰਹੇਗਾ। ਇਸ ਨਾਲ ਕਣਕ ਦਾ ਝਾੜ ਜ਼ਰੂਰ ਘੱਟ ਨਿਕਲੇਗਾ।
file photo
ਉਨ੍ਹਾਂ ਦਾ ਇਹ ਵੀ ਮੰਨਣਾ ਹੈ ਕਿ ਇਸ ਵਾਰ ਦਸੰਬਰ ਤੋਂ ਫ਼ਰਵਰੀ ਦੇ ਅੰਤ ਤਕ ਜ਼ਿਆਦਾ ਠੰਢ ਪੈਣ ਅਤੇ ਧੁੱਪ ਘਟ ਨਿਕਲਣ ਕਾਰਨ ਕਣਕ ਦੇ ਬੂਟਿਆਂ ਦਾ ਕਦ ਛੋਟਾ ਰਹਿ ਗਿਆ ਹੈ। ਇਸ ਨਾਲ ਝਾੜ ਉਪਰ ਕੋਈ ਮਾੜਾ ਅਸਰ ਤਾਂ ਨਹੀਂ ਪਵੇਗਾ, ਪਰ ਇਸ ਦਾ ਫ਼ਾਇਦਾ ਇਹ ਹੋਇਆ ਹੈ ਕਿ ਛੋਟੇ ਕਦ ਵਾਲੀ ਕਣਕ ਤੇਜ਼ ਹਵਾਵਾਂ ਦੀ ਮਾਰ ਤੋਂ ਬਚ ਗਈ ਅਤੇ ਕਣਕ ਲੰਮੀ ਨਹੀਂ ਪਈ।
wheat
ਜ਼ਿਲ੍ਹਾ ਅੰਮ੍ਰਿਤਸਰ ਅਤੇ ਤਰਨਤਾਰਨ ਦੇ ਇਲਾਕਿਆਂ ਵਿਚ ਵੀ ਤੇਜ਼ ਹਵਾ ਨਾਲ ਕਣਕ ਲੰਮੀ ਪੈਣ ਅਤੇ ਨੁਕਸਾਨ ਦੀਆਂ ਖ਼ਬਰਾਂ ਮਿਲੀਆ ਹਨ। ਇਸ ਸਬੰਧੀ ਜਦ ਖੇਤੀਬਾੜੀ ਮਹਿਕਮੇ ਦੇ ਡਾਇਰੈਕਟਰ ਸੁਰੇਸ਼ ਕੁਮਾਰ ਐਰੀ ਨਾਲ ਗਲ ਹੋਈ ਤਾਂ ਉਨ੍ਹਾਂ ਕਿਹਾ ਕਿ ਬਾਰਸ਼ ਅਤੇ ਤੇਜ਼ ਹਵਾ ਨਾਲ ਕਣਕ ਦੀ ਫ਼ਸਲ ਨੂੰ ਕੋਈ ਖਾਸ ਨੁਕਸਾਨ ਨਹੀਂ ਹੋਇਆ। ਜਿਨ੍ਹਾਂ ਖੇਤਾਂ ਨੂੰ ਪਹਿਲਾਂ ਪਾਣੀ ਲਗਾ ਸੀ, ਉਥੇ ਅਮੂਲੀ ਨੁਕਸਾਨ ਹੋ ਸਕਦਾ ਹੈ।
Wheather in Punjab
ਉਨ੍ਹਾਂ ਦਾ ਕਹਿਣਾ ਹੈ ਕਿ ਜੋ ਕਣ ਕ ਲੰਮੀ ਪਈ ਹੈ, ਉਹ ਠੀਕ ਹੋ ਜਾਵੇਗੀ ਅਤੇ ਪੰਜਾਬ ਵਿਚ ਫ਼ਸਲ ਨੂੰ ਕੋਈ ਨੁਕਸਾਨ ਨਹੀਂ। ਉਨ੍ਹਾਂ ਦਸਿਆ ਕਿ ਇਸ ਸਾਲ 34:90 ਲੱਖ ਹੈਕਟੇਅਰ ਰਕਬੇ ਵਿਚ ਕਣਕ ਦੀ ਬਿਜਾਈ ਦਾ ਟੀਚਾ ਮਿਥਿਆ ਗਿਆ ਸੀ ਪਰ ਬਿਜਾਈ 35:08 ਲੱਖ ਹੈਕਟੇਅਰ ਵਿਚ ਕੀਤੀ ਗਈ ਹੈ। 182 ਲੱਖ ਟਨ ਕਣਕ ਉਤਪਾਟਨ ਦਾ ਟੀਚਾ ਨਿਰਧਾਰਤ ਕੀਤਾ ਗਿਆ ਹੈ ਅਤੇ ਉਤਾਪਦਨ ਵਿਚ ਕਿਸੀ ਕਿਸਮ ਦੀ ਕਮੀ ਨਹੀਂ ਆਵੇਗੀ।
KS Pannu
ਪੰਜਾਬ ਸਰਕਾਰ ਦੇ ਸਕੱਤਰ ਕਾਹਨ ਸਿੰਘ ਪੰਨੂੰ ਨਾਲ ਗੱਲ ਹੋਈ ਤਾਂ ਉਨ੍ਹਾਂ ਵੀ ਸਪੱਸ਼ਟ ਕੀਤਾ ਕਿ ਕਿਸੇ ਵੀ ਖੇਤਰ ਵਿਚ ਫ਼ਸਲ ਦੇ ਨੁਕਸਾਨ ਦੀ ਸੂਚਨਾ ਨਹੀਂ ਮਿਲੀ। ਜਿਥੋਂ ਤਕ ਹਵਾ ਅਤੇ ਬਾਰਸ਼ ਨਾਲ ਕੁੱਝ ਖੇਤਾਂ ਵਿਚ ਕਣਕ ਲੰਮੀ ਪੈਣ ਦਾ ਸਬੰਧੀ ਹੈ, ਉਹ ਬਹੁਤ ਹੀ ਮਾਮੂਲੀ ਖੇਤਰ ਹੈ ਅਤੇ ਇਹ ਫ਼ਸਲ ਵੀ ਕੁੱਝ ਦਿਨਾਂ ਬਾਅਦ ਠੀਕ ਹੋ ਜਾਵੇਗੀ।
