ਵਾਇਰਲ ਹੋ ਰਿਹਾ ਇਹ ਵੀਡੀਓ ਫਿਲਮ Deep Blue Sea 3 ਦਾ ਇੱਕ ਦ੍ਰਿਸ਼ ਹੈ ਜਿਸਨੂੰ ਹੁਣ ਗੁੰਮਰਾਹਕੁਨ ਦਾਅਵਿਆਂ ਨਾਲ ਸਾਂਝਾ ਕੀਤਾ ਜਾ ਰਿਹਾ ਹੈ।
RSFC (Team Mohali)- ਸੋਸ਼ਲ ਮੀਡਿਆ 'ਤੇ ਇੱਕ ਵੀਡੀਓ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ। ਇਸ ਵੀਡੀਓ ਵਿਚ ਇੱਕ ਵਿਅਕਤੀ ਕਿਸ਼ਤੀ ਤੋਂ ਛਾਲ ਮਾਰਦਾ ਹੈ ਅਤੇ ਉਸਨੂੰ ਓਸੇ ਦੌਰਾਨ ਇੱਕ ਵਿਸ਼ਾਲ ਸ਼ਾਰਕ ਨਿਗਲ ਜਾਂਦੀ ਹੈ।
ਮੀਡੀਆ ਅਦਾਰੇ ABP Sanjha ਨੇ ਵੀਡੀਓ ਸਾਂਝਾ ਕਰਦਿਆਂ ਲਿਖਿਆ, "Video: ਸਮੁੰਦਰ 'ਚ ਛਾਲ ਮਾਰਦੇ ਹੀ ਹੋਇਆ 'ਸਕੈਂਡਲ', ਐਡਵੈਂਚਰ ਦੀ ਚੁਕਾਉਣੀ ਪਈ ਵੱਡੀ ਕੀਮਤ |"
ਮੀਡੀਆ ਅਦਾਰੇ News 18 Hindi ਨੇ ਵੀਡੀਓ ਨੂੰ ਲੈ ਕੇ ਖਬਰ ਪ੍ਰਕਾਸ਼ਿਤ ਕਰਦਿਆਂ ਸਿਰਲੇਖ ਲਿਖਿਆ, "Viral Video: समंदर में छलांग लगाते ही हो गया 'कांड', एडवेंचर की चुकाई बड़ी कीमत, रोंगटे खड़े कर देगा दृश्य"
News18 Hindi
"ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਵਾਇਰਲ ਹੋ ਰਿਹਾ ਇਹ ਵੀਡੀਓ ਫਿਲਮ Deep Blue Sea 3 ਦਾ ਇੱਕ ਦ੍ਰਿਸ਼ ਹੈ ਜਿਸਨੂੰ ਹੁਣ ਗੁੰਮਰਾਹਕੁਨ ਦਾਅਵਿਆਂ ਨਾਲ ਸਾਂਝਾ ਕੀਤਾ ਜਾ ਰਿਹਾ ਹੈ।"
ਸਪੋਕਸਮੈਨ ਦੀ ਪੜਤਾਲ;
ਇਸ ਵੀਡੀਓ ਦੀ ਪੜਤਾਲ ਅਸੀਂ ਕੀਵਰਡ ਅਤੇ ਰਿਵਰਸ ਇਮੇਜ ਸਰਚ ਦੋਵੇਂ ਨਾਲ ਕੀਤੀ। ਸਾਨੂੰ ਆਪਣੀ ਸਰਚ ਦੌਰਾਨ ਇਹ ਵੀਡੀਓ ਕਈ ਪੁਰਾਣੀ ਪੋਸਟਾਂ 'ਤੇ ਅਪਲੋਡ ਮਿਲਿਆ ਜਿਸਤੋਂ ਇਹ ਸਾਫ ਹੋਇਆ ਕਿ ਵਾਇਰਲ ਵੀਡੀਓ ਕਾਫੀ ਪਹਿਲਾਂ ਤੋਂ ਵਾਇਰਲ ਹੁੰਦਾ ਆ ਰਿਹਾ ਹੈ।
ਸਾਨੂੰ ਸਰਚ ਦੌਰਾਨ ਸਭਤੋਂ ਪੁਰਾਣੇ ਪੋਸਟ 2020 ਦੇ ਅਪਲੋਡ ਮਿਲੇ ਜਿਨ੍ਹਾਂ ਨੂੰ ਇਥੇ ਅਤੇ ਇਥੇ ਕਲਿਕ ਕਰ ਵੇਖਿਆ ਜਾ ਸਕਦਾ ਹੈ।
ਅਸੀਂ ਵੀਡੀਓ ਨੂੰ ਲੈ ਕੇ ਕਈ ਪੋਸਟ ਖੰਗਾਲੇ ਅਤੇ ਉਨ੍ਹਾਂ ਪੋਸਟਾਂ 'ਤੇ ਆਏ ਕਮੈਂਟਾਂ ਨੂੰ ਪੜ੍ਹਿਆ। ਸਾਨੂੰ ਇਸੇ ਤਰ੍ਹਾਂ ਇੱਕ Instagram ਅਕਾਊਂਟ ਮਿਲਿਆ ਜਿਸਨੇ ਇਸ ਵੀਡੀਓ ਨੂੰ ਸਾਂਝਾ ਕਰਦਿਆਂ ਜਾਣਕਾਰੀ ਦਿੱਤੀ ਕਿ ਇਹ ਵੀਡੀਓ Deep Blue Sea 3 ਦਾ ਦ੍ਰਿਸ਼ ਹੈ। Instagram ਅਕਾਊਂਟ "kinotime.kz" ਦਾ ਇਹ ਪੋਸਟ ਹੇਠਾਂ ਕਲਿਕ ਕਰ ਵੇਖਿਆ ਜਾ ਸਕਦਾ ਹੈ।
ਹੁਣ ਅਸੀਂ ਇਸ ਜਾਣਕਾਰੀ ਨੂੰ ਧਿਆਨ 'ਚ ਰੱਖਦਿਆਂ ਅਸਲ ਵੀਡੀਓ ਕਲਿਪ ਲੱਭਣਾ ਸ਼ੁਰੂ ਕੀਤਾ। ਸਾਨੂੰ Youtube 'ਤੇ ਇਸ ਸੀਨ ਦਾ HD ਵਰਜ਼ਨ ਮਿਲਿਆ। ਅਕਾਊਂਟ "Toxic Hollywood" ਨੇ ਇਹ ਪੂਰਾ 1 ਮਿੰਟ 10 ਸੈਕੰਡ ਦਾ ਸੀਨ ਸਾਂਝਾ ਕਰਦਿਆਂ ਸਿਰਲੇਖ ਲਿਖਿਆ, "Best Scene in Deep Blue Sea 3"
Youtube Video
ਮਤਲਬ ਸਾਫ ਸੀ ਕਿ ਵਾਇਰਲ ਹੋ ਰਿਹਾ ਵੀਡੀਓ ਅਮਰੀਕੀ ਫਿਲਮ ਦਾ ਦ੍ਰਿਸ਼ ਹੈ।
ਦੱਸ ਦਈਏ ਕਿ IMBD 'ਤੇ ਇਸ ਫਿਲਮ ਦੀ ਸਾਰੀ ਜਾਣਕਾਰੀ ਮੌਜੂਦ ਹੈ। ਇਹ ਫਿਲਮ ਸਾਲ 2020 'ਚ ਰਿਲੀਜ਼ ਹੋਈ ਸੀ ਅਤੇ ਇਥੇ ਮੌਜੂਦ ਫਿਲਮ ਦੀਆਂ ਤਸਵੀਰਾਂ 'ਚ ਵਾਇਰਲ ਵੀਡੀਓ ਦੇ ਦ੍ਰਿਸ਼ ਦੀ ਤਸਵੀਰ ਮੌਜੂਦ ਹੈ ਜਿਸਨੂੰ ਹੇਠਾਂ ਵੇਖਿਆ ਜਾ ਸਕਦਾ ਹੈ।
Deep Blue Sea 3 IMBD
ਨਤੀਜਾ- ਸਾਡੀ ਪੜਤਾਲ ਵਿਚ ਸਾਫ ਹੋਇਆ ਕਿ ਮੀਡੀਆ ਅਦਾਰਿਆਂ ਵੱਲੋਂ ਫਿਲਮ ਦੇ ਦ੍ਰਿਸ਼ ਨੂੰ ਅਸਲ ਘਟਨਾ ਦੱਸ ਕੇ ਸਾਂਝਾ ਕੀਤਾ ਗਿਆ। ਵਾਇਰਲ ਵੀਡੀਓ ਫਿਲਮ Deep Blue Sea 3 ਦਾ ਇੱਕ ਦ੍ਰਿਸ਼ ਹੈ।
