Actor Arjun Bijlani : ਕਿਹਾ ਕੋਈ ਨਹੀਂ ਆਇਆ OTP ਖ਼ਾਤੇ ’ਚੋਂ ਉੱਡੇ ਪੈਸੇ ਲੱਖਾਂ ਰੁਪਏ
Actor Arjun Bijlani : ਨਵੀਂ ਦਿੱਲੀ - ਕੁਝ ਦਿਨ ਪਹਿਲਾਂ ਟੀਵੀ ਐਕਟਰ ਅਰਜੁਨ ਬਿਜਲਾਨੀ ਵੀ ਸਾਈਬਰ ਧੋਖਾਧੜੀ ਦਾ ਸ਼ਿਕਾਰ ਹੋਏ ਸਨ। ਉਸ ਦੇ ਖਾਤੇ 'ਚੋਂ ਹਜ਼ਾਰਾਂ ਰੁਪਏ ਗਾਇਬ ਹੋ ਗਏ। ਅਰਜੁਨ ਬਿਜਲਾਨੀ ਨੇ ਦੱਸਿਆ ਹੈ ਕਿ ਕਿਵੇਂ ਉਹ ਸਾਈਬਰ ਧੋਖਾਧੜੀ ਦਾ ਸ਼ਿਕਾਰ ਹੋਇਆ। ਉਸ ਨੇ ਸਹੀ ਸਮੇਂ 'ਤੇ ਮੈਸੇਜ ਚੈੱਕ ਕਰ ਲਿਆ, ਨਹੀਂ ਤਾਂ ਲੱਖਾਂ ਦਾ ਨੁਕਸਾਨ ਹੋ ਸਕਦਾ ਸੀ। ਉਸ ਨਾਲ ਸਾਈਬਰ ਧੋਖਾਧੜੀ ਉਦੋਂ ਹੋਈ ਜਦੋਂ ਉਹ ਜਿਮ 'ਚ ਵਰਕਆਊਟ ਕਰ ਰਿਹਾ ਸੀ। ਉਸ ਨੂੰ ਕੋਈ ਓਟੀਪੀ ਵੀ ਨਹੀਂ ਮਿਲਿਆ ਸੀ।
ਇਹ ਵੀ ਪੜੋ:Mohali News : ਮੁਹਾਲੀ ਦੇ ਸਟੇਟ ਆਪ੍ਰੇਸ਼ਨ ਸੈੱਲ ਨੇ 3 ਏਜੰਟਾਂ ਨੂੰ ਕੀਤਾ ਗ੍ਰਿਫ਼ਤਾਰ
ਅਰਜੁਨ ਬਿਜਲਾਨੀ ਨੇ ਕਿਹਾ, ''ਮੇਰਾ ਕ੍ਰੈਡਿਟ ਕਾਰਡ ਸਿਰਫ਼ ਮੇਰੇ ਕੋਲ ਸੀ ਤੇ ਮੈਂ ਜਿਮ 'ਚ ਵਰਕਆਊਟ ਕਰ ਰਿਹਾ ਸੀ। ਛੋਟੇ ਜਿਹੇ ਬ੍ਰੇਕ ਦੌਰਾਨ ਮੈਂ ਆਪਣਾ ਫੋਨ ਚੈੱਕ ਕੀਤਾ ਤੇ ਹਰ ਮਿੰਟ ਬਾਅਦ ਮੇਰੇ ਕ੍ਰੈਡਿਟ ਕਾਰਡ ਦੇ ਸਵਾਈਪ ਹੋਣ ਦੇ ਮੈਸੇਜ ਆ ਰਹੇ ਸਨ ਤੇ ਲਗਾਤਾਰ ਲੈਣ-ਦੇਣ ਹੋ ਰਿਹਾ ਸੀ। ਮੇਰੀ ਪਤਨੀ ਕੋਲ ਵੀ ਇਕ ਸਪਲਮੈਂਟਰੀ ਕਾਰਡ ਹੈ, ਇਸ ਲਈ ਮੈਂ ਉਨ੍ਹਾਂ ਤੋਂ ਪੁੱਛਿਆ ਤੇ ਉਹ ਕਾਰਡ ਵੀ ਉਨ੍ਹਾਂ ਕੋਲ ਸੀ। ਇਹ ਸਾਫ਼ ਸੀ ਕਿ ਡਿਟੇਲਜ਼ ਲੀਕ ਹੋ ਗਈਆਂ ਤੇ ਸਾਨੂੰ ਇਹ ਪਤਾ ਨਹੀਂ ਹੈ ਕਿ ਇਹ ਕਿਵੇਂ ਹੋਇਆ।'
ਇਹ ਵੀ ਪੜੋ:Punjab Crime News : ਨਵਾਂਸ਼ਹਿਰ ਪੁਲਿਸ ਨੇ 'ਚ ਗੈਂਗਸਟਰਾਂ ਨੂੰ ਪਨਾਹ ਦੇਣ ਵਾਲਾ ਗਿਰੋਹ ਫੜਿਆ
ਇਸ ਬਾਰੇ ਅਰਜੁਨ ਬਿਜਲਾਨੀ ਨੇ ਅੱਗੇ ਦੱਸਿਆ ਕਿ ਜਿਵੇਂ ਹੀ ਉਸ ਨੂੰ ਸਾਈਬਰ ਧੋਖਾਧੜੀ ਦਾ ਸ਼ੱਕ ਹੋਇਆ ਤਾਂ ਉਨ੍ਹਾਂ ਨੇ ਕ੍ਰੈਡਿਟ ਕਾਰਡ ਬਲਾਕ ਕਰਵਾ ਦਿੱਤਾ, ਜਿਸ ਕਾਰਨ ਉਸ ਨੇ ਲੱਖਾਂ ਦਾ ਨੁਕਸਾਨ ਹੋਣ ਤੋਂ ਬਚਾ ਲਿਆ। ਅੱਗੇ ਅਦਾਕਾਰ ਨੇ ਕਿਹਾ, "ਇਹ ਘਟਨਾ ਅੱਖਾਂ ਖੋਲ੍ਹਣ ਵਾਲੀ ਸੀ। ਜੇਕਰ ਮੈਂ ਉਸ ਸਮੇਂ ਸੌਂ ਰਿਹਾ ਹੁੰਦਾ ਤਾਂ ਕੀ ਹੁੰਦਾ? ਬਹੁਤ ਸਾਰੇ ਲੋਕ ਬੈਂਕਾਂ ਦੇ ਸਾਰੇ ਮੈਸੇਜਿਸ ਦੀ ਜਾਂਚ ਨਹੀਂ ਕਰਦੇ ਪਰ ਮੈਨੂੰ ਅਹਿਸਾਸ ਹੋਇਆ ਕਿ ਉਨ੍ਹਾਂ ਮੈਸੇਜਿਸ ਨੂੰ ਪੜ੍ਹਨਾ ਕਿੰਨਾ ਜ਼ਰੂਰੀ ਹੈ।" ਅਰਜੁਨ ਨੇ ਅੱਗੇ ਕਿਹਾ, "ਖੁਸ਼ਕਿਸਮਤੀ ਨਾਲ, ਮੈਂ ਮੈਸੇਜ ਦੇਖਿਆ ਤੇ ਉਸ ਉਦੋਂ ਤਕ ਸਿਰਫ਼ ਸੱਤ ਤੋਂ ਅੱਠ ਟ੍ਰਾਂਜੈਕਸ਼ਨ ਹੀ ਹੋਏ ਸਨ। ਹਰੇਕ ਟ੍ਰਾਂਜੈਕਸ਼ਨ 3 ਤੋਂ 5 ਹਜ਼ਾਰ ਰੁਪਏ ਸੀ, ਕੁੱਲ ਮਿਲਾ ਕੇ 40 ਹਜ਼ਾਰ ਰੁਪਏ ਕਾਰਡ ਰਾਹੀਂ ਕਢਵਾਏ ਗਏ ਸਨ। ਮੇਰੇ ਕ੍ਰੈਡਿਟ ਕਾਰਡ ਦੀ ਲਿਮਟ 10 ਤੋਂ 12 ਲੱਖ ਰੁਪਏ ਹੈ, ਜੇਕਰ ਮੈਂ ਆਪਣਾ ਫ਼ੋਨ ਚੈੱਕ ਨਾ ਕੀਤਾ ਹੁੰਦਾ ਤਾਂ ਨੁਕਸਾਨ ਜ਼ਿਆਦਾ ਹੋ ਸਕਦਾ ਸੀ।
ਇਹ ਵੀ ਪੜੋ:Patiala News : ਅਯੋਧਿਆ ਦੇ ਰਾਮ ਮੰਦਿਰ ਗਏ ਪਟਿਆਲਾ ਦੇ 2 ਬੱਚੇ ਹੋਏ ਲਾਪਤਾ
ਦੱਸ ਦੇਈਏ ਕੇ 'ਨਾਗਿਨ' ਅਦਾਕਾਰ ਨੇ ਡਿਜੀਟਲ ਲੈਣ-ਦੇਣ ਦੀਆਂ ਕਮੀਆਂ 'ਤੇ ਚਿੰਤਾ ਪ੍ਰਗਟਾਈ ਹੈ। ਅਦਾਕਾਰ ਨੇ ਕਿਹਾ ਕਿ ਬਿਨਾਂ ਕਿਸੇ ਓਟੀਪੀ ਸ਼ੇਅਰਿੰਗ ਦੇ ਉਸ ਦੇ ਕ੍ਰੈਡਿਟ ਕਾਰਡ ਤੋਂ ਪੈਸੇ ਕੱਢੇ ਗਏ ਸਨ। ਅਦਾਕਾਰ ਨੇ ਕਿਹਾ, "ਪ੍ਰਕਿਰਿਆ ਇਹ ਹੈ ਕਿ ਜਦੋਂ ਕੋਈ ਕ੍ਰੈਡਿਟ ਕਾਰਡ ਲੈਣ-ਦੇਣ ਹੁੰਦਾ ਹੈ ਤਾਂ ਉਸ ਤੋਂ ਪਹਿਲਾਂ OTP ਪ੍ਰਾਪਤ ਹੁੰਦਾ ਹੈ, ਪਰ ਮੈਨੂੰ ਇਹ ਨਹੀਂ ਮਿਲਿਆ। ਮੈਂ ਅਜੇ ਵੀ ਸੋਚ ਰਿਹਾ ਹਾਂ ਕਿ ਮੈਂ ਕੋਈ OTP ਸਾਂਝਾ ਨਹੀਂ ਕੀਤਾ, ਫਿਰ ਅਜਿਹਾ ਲੈਣਦੇਣ ਕਿਵੇਂ ਹੋ ਰਿਹਾ ਸੀ।"
(For more news apart from Actor Arjun Bijlani became victim of cyber fraud News in Punjabi, stay tuned to Rozana Spokesman)
