ਪੰਜਾਬੀ ਸਿੰਗਰ ਮਿਸ ਪੂਜਾ ਦੇ ਗਾਣਿਆਂ ਦੀ ਧੁੰਮ ਨਾ ਸਿਰਫ ਪੰਜਾਬ ਵਿਚ ਸਗੋਂ ਵਿਦੇਸ਼ਾਂ ਵਿਚ ਵੱਡੇ ਚਾਅ ਨਾਲ ਸੁਣਦੇ ਹਨ। ਮਿਸ ਪੂਜਾ ਅਜਿਹੀ ਗਾਇਕਾ ਹੈ ਜਿਸ ਨੇ ਅਪਣੇ ...
ਚੰਡੀਗੜ੍ਹ : ਪੰਜਾਬੀ ਸਿੰਗਰ ਮਿਸ ਪੂਜਾ ਦੇ ਗਾਣਿਆਂ ਦੀ ਧੁੰਮ ਨਾ ਸਿਰਫ ਪੰਜਾਬ ਵਿਚ ਸਗੋਂ ਵਿਦੇਸ਼ਾਂ ਵਿਚ ਵੱਡੇ ਚਾਅ ਨਾਲ ਸੁਣਦੇ ਹਨ। ਮਿਸ ਪੂਜਾ ਅਜਿਹੀ ਗਾਇਕਾ ਹੈ ਜਿਸ ਨੇ ਅਪਣੇ ਗੀਤਾਂ ਦੇ ਜ਼ਰੀਏ ਪਾਲੀਵੁੱਡ 'ਚ ਖਾਸ ਥਾਂ ਬਣਾਈ ਹੈ।
ਉਹ ਸੋਸ਼ਲ ਮੀਡੀਆ 'ਤੇ ਅਕਸਰ ਐਕਟਿਵ ਰਹਿੰਦੇ ਨੇ ਅਤੇ ਅਪਣੇ ਪ੍ਰਾਜੈਕਟਸ ਦੇ ਵੀਡਿਓ ਸੋਸ਼ਲ ਮੀਡੀਆ 'ਤੇ ਪਾ ਕੇ ਅਪਣੇ ਫੈਨਸ ਨਾਲ ਜਾਣਕਾਰੀ ਸਾਂਝੀ ਕਰਦੇ ਰਹਿੰਦੇ ਹਨ ਪਰ ਹੁਣ ਲੋਹੜੀ ਦੀਆਂ ਰੌਣਕਾਂ ਹਰ ਪਾਸੇ ਛਾਈਆਂ ਹੋਈਆਂ ਹਨ।
Miss Pooja
ਮਿਸ ਪੂਜਾ ਵੀ ਲੋਹੜੀ ਦੇ ਰੰਗ 'ਚ ਨਜ਼ਰ ਆਏ। ਉਹਨਾਂ ਨੇ ਅਪਣੇ ਇੰਸਟਾਗ੍ਰਾਮ ਪੇਜ 'ਤੇ ਇਕ ਵੀਡੀਓ ਸ਼ੇਅਰ ਕੀਤਾ ਹੈ ਜਿਸ 'ਚ ਮਿਸ ਪੂਜਾ ਬੱਚਿਆਂ ਦੀ ਤਰ੍ਹਾਂ ਲੋਹੜੀ ਮੰਗਦੀ ਦਿਖਾਈ ਦੇ ਰਹੇ ਹਨ। ਇਹ ਵੀਡੀਓ ਉਹਨਾਂ 'ਟਿਕ ਟੋਕ' ਤੇ ਬਣੀ ਹੋਈ ਹੈ। ਲੋਹੜੀ ਮੰਗਣ ਗਈ ਮਿਸ ਪੂਜਾ ਅੱਗਿਓਂ ਫਿਰ ਲੋਹੜੀ ਨਾ ਦੇਣ ਵਾਲੇ ਘਰ ਨੂੰ ਟਿੱਚਰ ਕਰਦੀ ਹੈ। ਉਹ ਕਹਿੰਦੇ ਹਨ ‘ਘੜੁਕਾ ਵੀ ਘੜੁਕਾ ਇਹ ਘਰ ਭੁੱਖਾ’।
Miss Pooja
ਮਿਸ ਪੂਜਾ ਇਸੇ ਤਰ੍ਹਾਂ ਹਰ ਤਿਉਹਾਰ 'ਤੇ ਅਪਣੇ ਸਰੋਤਿਆਂ ਦਾ ਮਨੋਰੰਜਨ ਕਰਦੇ ਹੋਏ, ਤਿਉਹਾਰ ਦੀਆਂ ਮੁਬਾਰਕਾਂ ਵੀ ਦੇ ਜਾਂਦੇ ਹਨ ਅਤੇ ਖੁਦ ਵੀ ਮਸਤੀ ਕਰਦੇ ਹੋਏ ਤਿਉਹਾਰ ਦਾ ਅਨੰਦ ਮਾਣ ਲੈਂਦੇ ਹਨ। ਮਿਸ ਪੂਜਾ ਨੂੰ ਡਿਊਟ ਗਾਣਿਆਂ ਦੀ ਰਾਣੀ ਵੀ ਕਿਹਾ ਜਾਂਦਾ ਹੈ। ਹਰ ਵਰਗ ਦੀ ਪਸੰਦ ਮਿਸ ਪੂਜਾ ਸੈਂਕੜੇ ਹੀ ਹਿੱਟ ਗਾਣੇ ਪੰਜਾਬੀ ਮਿਊਜ਼ਿਕ ਇੰਡਸਟਰੀ ਦੀ ਝੋਲੀ ਪਾ ਚੁੱਕੇ ਹਨ।
Miss Pooja
ਮਿਸ ਪੂਜਾ ਦਾ ਲੋਹੜੀ ਮੰਗਦਿਆਂ ਦਾ ਇਹ ਵੀਡੀਓ ਵੀ ਸ਼ੋਸ਼ਲ ਮੀਡੀਆ 'ਤੇ ਖੂਬ ਵਾਇਰਲ ਹੋ ਰਹੀ ਹੈ। 38 ਸਾਲ ਮਿਸ ਪੂਜਾ ਪੰਜਾਬ ਦੇ ਰਾਜਪੁਰੇ ਦੀ ਰਹਿਣ ਵਾਲੀ ਹੈ। ਮਿਸ ਪੂਜਾ ਨੇ 2006 ਵਿਚ 'ਜਾਨ ਤੋਂ ਪਿਆਰੀ' ਗੀਤ ਨਾਲ ਸਿੰਗਿੰਗ ਡੈਬਿਊ ਕੀਤਾ ਸੀ।
Miss Pooja
2009 ਵਿਚ ਉਨ੍ਹਾਂ ਦੀ ਐਲਬਮ 'ਰੋਮਾਂਟਿਕ ਜੱਟ' ਰਿਲੀਜ਼ ਹੋਈ ਸੀ ਜਿਸ ਨੂੰ ਖੂਬ ਪਸੰਦ ਕੀਤਾ ਗਿਆ ਸੀ। ਮਿਸ ਪੂਜਾ ਦੀ 2010 ਵਿਚ ਦੋ ਫਿਲਮਾਂ 'ਪੰਜਾਬਨ' ਅਤੇ 'ਚੰਨਾ ਸੱਚੀ ਮੁੱਚੀ' ਰਿਲੀਜ਼ ਹੋਈਆਂ ਸਨ ਅਤੇ ਇਨ੍ਹਾਂ ਨੂੰ ਪਸੰਦ ਵੀ ਕੀਤਾ ਗਿਆ ਸੀ।
