ਕੇਰਲਾ 'ਚ ਹੜ੍ਹ ਪੀੜਤਾਂ ਦੀ ਇਸ ਵੇਲੇ ਜਿੰਨੀ ਵੀ ਮਦਦ ਕੀਤੀ ਜਾਈ ਉਹ ਘੱਟ ਹੀ ਹੋਵੇਗੀ। ਤੇ ਹੁਣ ਇਨ੍ਹਾਂ ਦੀ ਮਦਦ ਲਈ ਅੱਗੇ ਆਈ ਦੇਸੀ ਕ੍ਰਿਊ ਦੇ ਗੋਲਡੀ ਤੇ ਸੱਤਾ...
ਕੇਰਲਾ 'ਚ ਹੜ੍ਹ ਪੀੜਤਾਂ ਦੀ ਇਸ ਵੇਲੇ ਜਿੰਨੀ ਵੀ ਮਦਦ ਕੀਤੀ ਜਾਈ ਉਹ ਘੱਟ ਹੀ ਹੋਵੇਗੀ। ਤੇ ਹੁਣ ਇਨ੍ਹਾਂ ਦੀ ਮਦਦ ਲਈ ਅੱਗੇ ਆਈ ਦੇਸੀ ਕ੍ਰਿਊ ਦੇ ਗੋਲਡੀ ਤੇ ਸੱਤਾ ਦੀ ਜੋੜੀ। ਇਸ ਤੋਂ ਇਲਾਵਾ ਕੇਰਲਾ 'ਚ ਹੜ੍ਹ ਪੀੜਤਾਂ ਦੀ ਮਦਦ ਲਈ ਖਾਲਸਾ ਏਡ ਨੇ ਬੇਮਿਸਾਲ ਕੰਮ ਕੀਤਾ ਹੈ।
Desi crew
ਤੇ ਇਹ ਖਾਲਸਾ ਏਡ ਵਲੋਂ ਕੀਤੀ ਗਈ ਮਦਦ ਦੇ ਸਦਕਾ ਹੀ ਸੀ ਕਿ ਕੇਰਲਾ 'ਚ ਪੰਜਾਬੀਆਂ ਦੀ ਰੱਜ ਕੇ ਸ਼ਲਾਘਾ ਕੀਤੀ ਗਈ। ਤੇ ਇਨ੍ਹਾਂ ਨਾਲ ਜੁੜਕੇ ਬੀਤੇ ਦਿਨੀ ਰਣਦੀਪ ਹੁੱਡਾ ਨੇ ਵੀ ਮਦਦ ਦਾ ਹੱਥ ਵਧਾਇਆ ਸੀ ਅਤੇ ਹੁਣ ਖਾਲਸਾ ਏਡ ਵਲੋਂ ਚਲਾਏ ਗਏ ਮਨੁੱਖਤਾ ਦੀ ਸੇਵਾ ਦੇ ਕੰਮ 'ਚ ਪੰਜਾਬੀ ਮਿਊਜ਼ਿਕ ਡਾਇਰੈਕਟਰ ਜੋੜੀ ਗੋਲਡੀ ਤੇ ਸਤਪਾਲ ਯਾਨੀ ਕਿ ਦੇਸੀ ਕਰਿਊ ਦੇ ਗੋਲਡੀ ਤੇ ਸੱਤਾ ਨੇ ਹੱਥ ਵਧਇਆ ਹੈ।
Desi crew
ਇਸ ਗੱਲ ਦੀ ਜਾਣਕਾਰੀ ਫੇਸਬੁੱਕ 'ਤੇ ਦਿੰਦਿਆਂ ਦੇਸੀ ਕਰਿਊ ਨੇ ਲਿਖਿਆ, 'ਵਾਹਿਗੁਰੂ ਤੇਰਾ ਸ਼ੁਕਰ ਹੈ ਸਾਡੇ ਭਾਗਾਂ 'ਚ ਮਨੁੱਖਤਾ ਦੀ ਸੇਵਾ ਲਿਖਣ ਲਈ। ਧੰਨਵਾਦ ਸਾਨੂੰ ਸੇਵਾ ਦਾ ਮੌਕਾ ਦੇਣ ਲਈ ਖਾਲਸਾ ਏਡ ਤੇ ਕਾਕਾ ਮੋਹਨ ਵਾਲੀਆਂ ਜੀ।' ਦੇਸੀ ਕਰਿਊ ਤੋਂ ਪਹਿਲਾਂ ਹੋਰ ਵੀ ਪੰਜਾਬੀ ਸਿਤਾਰੇ ਖਾਲਸਾ ਏਡ ਨਾਲ ਸੇਵਾ ਨਿਭਾਅ ਚੁੱਕੇ ਹਨ। ਇਨ੍ਹਾਂ ਸਿਤਾਰਿਆਂ 'ਚ ਹਿਮਾਂਸ਼ੀ ਖੁਰਾਣਾ ਤੇ ਮੈਂਡੀ ਤੱਖਰ ਦੇ ਨਾਂ ਸ਼ਾਮਲ ਹਨ।
Desi crew
ਦੇਸੀ ਕਰਿਊ ਤੋਂ ਪਹਿਲਾਂ ਕੇਰਲਾ 'ਚ ਬਾਲੀਵੁੱਡ ਅਭਿਨੇਤਾ ਰਣਦੀਪ ਹੁੱਡਾ ਵੀ ਹੜ੍ਹ ਪੀੜਤਾਂ ਦੀ ਮਦਦ ਕਰ ਚੁੱਕੇ ਹਨ। ਰਣਦੀਪ ਨੂੰ ਕੇਰਲਾ 'ਚ ਆਪਣੇ ਹੱਥੀਂ ਲੰਗਰ ਦੀ ਸੇਵਾ ਨਿਭਾਉਂਦੇ ਦੇਖਿਆ ਗਿਆ ਸੀ। ਪੰਜਾਬੀਆਂ ਦੀ ਦਰਿਆਦਿਲੀ ਤੇ ਤਾਂਹੀਂ ਪੂਰੀ ਦੁਨੀਆ ਮਾਣ ਕਰਦੀ ਹੈ ਕਿਓਂਕਿ ਪੰਜਾਬੀ ਹਰ ਇੱਕ ਦਾ ਦਿਲੋਂ ਕਰਦੇ ਹਨ ਤੇ ਹਮੇਸ਼ਾ ਹੀ ਚੜ੍ਹਦੀ ਕਲਾ 'ਚ ਰਹਿੰਦੇ ਹਨ। ਉਮੀਦ ਕਰਦੇ ਹਾਂ ਕਿ ਪੰਜਾਬੀ ਦੀ ਚੜ੍ਹਦੀ ਕਲਾ ਇਸੇ ਤਰਾਂਹ ਬਣੀ ਰਹੇ।
