ਹਾਈਕੋਰਟ ਵੱਲੋਂ ਹਾਲ ਦੀ ਘੜੀ ਪੰਜਾਬ ਪੁਲੀਸ ਨੂੰ ਇਨ੍ਹਾਂ ਤਿੰਨਾਂ ਖਿਲਾਫ ਸਖ਼ਤ ਕਾਰਵਾਈ ਕਰਨ ਤੋਂ ਰੋਕਿਆ ਗਿਆ ਹੈ
ਪੰਜਾਬ ਤੇ ਹਰਿਆਣਾ ਹਾਈ ਕੋਰਟ ਨੇ ਪੰਜਾਬ ਪੁਲਿਸ ਨੂੰ ਕਾਮੇਡੀਅਨ ਭਾਰਤੀ ਸਿੰਘ ਵਿਰੁੱਧ ਕੋਈ ਵੀ ਸਖ਼ਤ ਕਾਰਵਾਈ ਕਰਨ ਤੋਂ ਰੋਕ ਦਿੱਤਾ ਹੈ। ਬਿਲਕੁਲ ਅਜਿਹਾ ਹੁਕਮ ਪੰਜਾਬ ਤੇ ਹਰਿਆਣਾ ਹਾਈ ਕੋਰਟ ਨੇ ਪਹਿਲਾਂ ਫ਼ਿਲਮਸਾਜ਼ ਫ਼ਰਾਹ ਖ਼ਾਨ ਅਤੇ ਅਦਾਕਾਰਾ ਰਵੀਨਾ ਟੰਡਨ ਲਈ ਵੀ ਜਾਰੀ ਕੀਤਾ ਸੀ।
File Photo
ਭਾਰਤੀ ਸਿੰਘ ਨੇ ਵੀ ਹੁਣ ਅਦਾਲਤ ਤੱਕ ਪਹੁੰਚ ਕਰ ਕੇ ਮੰਗ ਕੀਤੀ ਸੀ ਕਿ ਉਸ ਵਿਰੁੱਧ ਪਿਛਲੇ ਵਰ੍ਹੇ 25 ਦਸੰਬਰ ਨੂੰ ਅੰਮ੍ਰਿਤਸਰ ਜ਼ਿਲ੍ਹੇ ਦੇ ਸ਼ਹਿਰ ਅਜਨਾਲ਼ਾ ਦੀ ਪੁਲਿਸ ਵੱਲੋਂ ਦਰਜ ਕੀਤੀ ਐੱਫ਼ਆਈਆਰ ਰੱਦ ਕਰਵਾਈ ਜਾਵੇ। ਚੇਤੇ ਰਹੇ ਕਿ ਭਾਰਤੀ ਸਿੰਘ ਦੇ ਨਾਲ–ਨਾਲ ਫ਼ਰਾਹ ਖ਼ਾਨ ਤੇ ਰਵੀਨਾ ਟੰਡਨ ’ਤੇ ਦੋਸ਼ ਹੈ ਕਿ ਉਨ੍ਹਾਂ ਤਿੰਨਾਂ ਨੇ ਇੱਕ ਟੀਵੀ ਪ੍ਰੋਗਰਾਮ ਦੌਰਾਨ ਮਸੀਹੀ ਸ਼ਬਦ ‘ਹੈਲੀਲੂਈਆ’ ਦਾ ਅਸ਼ਲੀਲ ਤਰੀਕੇ ਨਾਲ ਮਜ਼ਾਕ ਉਡਾਇਆ ਸੀ।
BHARTI SINGH
ਇਨ੍ਹਾਂ ਤਿੰਨਾਂ ਵਿਰੁੱਧ ਅਜਨਾਲਾ ਦੇ ਨਾਲ–ਨਾਲ ਫ਼ਿਰੋਜ਼ਪੁਰ ਦੇ ਪੁਲਿਸ ਥਾਣੇ ’ਚ ਵੀ ਐੱਫ਼ਆਈਆਰ ਦਰਜ ਕਰਵਾਈ ਗਈ ਸੀ। ਉਸ ਟੀਵੀ ਪ੍ਰੋਗਰਾਮ ਦੀਆਂ ਟਿੱਪਣੀਆਂ ਕਾਰਨ ਸਮੂਹ ਮਸੀਹੀ ਭਾਈਚਾਰੇ ’ਚ ਹਾਲੇ ਵੀ ਸਖ਼ਤ ਰੋਹ ਤੇ ਰੋਸ ਹੈ।
Bharti singh raveena tandon and farah khan in punjab
ਭਾਰਤੀ ਸਿੰਘ ਦੇ ਵਕੀਲ ਅਭਿਨਵ ਸੁਦ ਨੇ ਕਿਹਾ ਕਿ ਟੀਵੀ ਪ੍ਰੋਗਰਾਮ ਵਿੱਚ ਫ਼ਰਾਹ ਖ਼ਾਨ ਮੇਜ਼ਬਾਨ ਸੀ ਤੇ ਉਸ ਨੇ ਭਾਰਤੀ ਸਿੰਘ ਤੇ ਅਦਾਕਾਰਾ ਨੂੰ ਮਸੀਹੀ ਸ਼ਬਦ ‘ਹੈਲੀਲੂਈਆ’ (Hallelujah) ਦੇ ਅੰਗਰੇਜ਼ੀ ਵਿੱਚ ਸ਼ਬਦ–ਜੋੜ ਬਲੈਕ–ਬੋਰਡ ’ਤੇ ਲਿਖਣ ਤੇ ਇਸ ਦਾ ਸ਼ਾਬਦਿਕ ਅਰਥ ਦੱਸਣ ਲਈ ਆਖਿਆ ਸੀ।
Bharti Singh
ਰਵੀਨਾ ਟੰਡਨ ਨੇ ਤਾਂ ਇਹ ਸ਼ਬਦ ਬਿਲਕੁਲ ਠੀਕ ਲਿਖਿਆ ਸੀ ਪਰ ਭਾਰਤੀ ਸਿੰਘ ਨੇ ਇਹ ਸ਼ਬਦ ਗ਼ਲਤ ਲਿਖਿਆ ਸੀ। ਵਕੀਲ ਨੇ ਉਹੀ ਨੁਕਤਾ ਫੜ ਲਿਆ ਕਿ ਭਾਰਤੀ ਨੂੰ ਤਾਂ ਇਸ ਸ਼ਬਦ ਬਾਰੇ ਕੋਈ ਜਾਣਕਾਰੀ ਹੀ ਨਹੀਂ ਸੀ ਤੇ ਉਹ ਤਾਂ ਹਿੰਦੀ ਦੇ ਕਿਸੇ ਹੋਰ ਸ਼ਬਦ ਦਾ ਜ਼ਿਕਰ ਕਰ ਰਹੀ ਸੀ।
Raveena Tandon
ਇੰਝ ਵਕੀਲ ਨੇ ਅਦਾਲਤ ਸਾਹਵੇਂ ਦਲੀਲ ਰੱਖੀ ਕਿ ਮਸੀਹੀ ਭਾਈਚਾਰੇ ਦੀਆਂ ਧਾਰਮਿਕ ਭਾਵਨਾਵਾਂ ਨੂੰ ਠੇਸ ਜਾਣਬੁੱਝ ਕੇ ਨਹੀਂ ਪਹੁੰਚਾਈ ਗਈ; ਜੋ ਕੁਝ ਵੀ ਹੋਇਆ, ਉਹ ਅਣਜਾਣੇ ਵਿੱਚ ਹੋਇਆ ਹੈ।
