ਰਣਵੀਰ ਸਿੰਘ ਦੇ ਮੈਨੇਜਰ ਨੂੰ ਵੌਇਸ ਮੈਸੇਜ ਭੇਜ ਕੇ ਮੰਗੀ ਗਈ ਸੀ 20 ਕਰੋੜ ਦੀ ਫਿਰੌਤੀ
ਮੁੰਬਈ : ਬਾਲੀਵੁੱਡ ਅਦਾਕਾਰ ਰਣਵੀਰ ਸਿੰਘ ਨੂੰ ਕਥਿਤ ਤੌਰ ਫਿਰੌਤੀ ਲਈ ਦੀ ਧਮਕੀ ਦੇਣ ਦੇ ਇਲਜ਼ਾਮ ਤਹਿਤ ਲਾਰੈਂਸ ਗੈਂਗ ਦੇ ਸ਼ੱਕੀ ਗੁਰਗੇ ਹੈਰੀ ਬਾਕਸਰ ਵਿਰੁੱਧ ਮੁੰਬਈ ਕ੍ਰਾਈਮ ਬ੍ਰਾਂਚ ਨੇ ਲੁੱਕ ਆਊਟ ਸਰਕੂਲਰ ਜਾਰੀ ਕੀਤਾ ਹੈ। ਜਾਣਕਾਰੀ ਅਨੁਸਾਰ ਰਣਵੀਰ ਸਿੰਘ ਨੂੰ ਉਸ ਦੇ ਮੈਨੇਜਰ ਦੇ ਫੋਨ ਨੰਬਰ 'ਤੇ ਇਕ ਵੌਇਸ ਨੋਟ ਰਾਹੀਂ ਧਮਕੀ ਮਿਲੀ ਸੀ। ਵੌਇਸ ਨੋਟ ਭੇਜਣ ਵਾਲੇ ਨੇ ਆਪਣੀ ਪਛਾਣ ਹੈਰੀ ਬਾਕਸਰ ਵਜੋਂ ਦੱਸੀ ਸੀ ਅਤੇ 20 ਕਰੋੜ ਦੀ ਫਿਰੌਤੀ ਦੀ ਮੰਗ ਕੀਤੀ।
ਪੁਲਿਸ ਨੇ ਪੁਸ਼ਟੀ ਕੀਤੀ ਕਿ ਵੌਇਸ ਨੋਟ ਭੇਜਣ ਲਈ ਇਕ ਵਰਚੁਅਲ ਪ੍ਰਾਈਵੇਟ ਨੈੱਟਵਰਕ ਦੀ ਵਰਤੋਂ ਕੀਤੀ ਗਈ ਸੀ, ਜਿਸ ਵਿਚ ਭੇਜਣ ਵਾਲੇ ਦੀ ਨੈੱਟਵਰਕ ਪਛਾਣ ਅਤੇ ਸਥਾਨ ਛੁਪਾਇਆ ਗਿਆ ਸੀ। ਧਮਕੀ ਭਰੀ ਆਡੀਓ ਕਲਿੱਪ ਨੂੰ ਤਸਦੀਕ ਲਈ ਪੰਜਾਬ ਅਤੇ ਹਰਿਆਣਾ ਭੇਜਿਆ ਗਿਆ ਹੈ। ਰਣਵੀਰ ਸਿੰਘ ਨੂੰ ਰੋਹਿਤ ਸ਼ੈੱਟੀ ਦੇ ਘਰ 'ਤੇ ਗੋਲੀਬਾਰੀ ਤੋਂ ਬਾਅਦ ਲੰਘੀ 2 ਫਰਵਰੀ ਨੂੰ ਧਮਕੀ ਮਿਲੀ ਸੀ। ਧਮਕੀ ਤੋਂ ਬਾਅਦ ਅਦਾਕਾਰ ਰਣਵੀਰ ਸਿੰਘ ਦੇ ਘਰ ਦੀ ਸੁਰੱਖਿਆ ਵਧਾ ਦਿੱਤੀ ਗਈ ਸੀ। ਮਾਮਲਾ ਮੁੰਬਈ ਕ੍ਰਾਈਮ ਬ੍ਰਾਂਚ ਨੂੰ ਸੌਂਪ ਦਿੱਤਾ ਗਿਆ ਸੀ।
