ਸਿਨੇਮੈਟੋਗ੍ਰਾਫ਼ੀ ਸ਼੍ਰੇਣੀ 'ਚ ਆਸਕਰ ਜਿੱਤਣ ਵਾਲੀ ਪਹਿਲੀ ਔਰਤ ਬਣੀ ਆਟਮ ਡੁਰਲਡ ਅਰਕਾਪਾਵ
ਲਾਸ ਏਂਜਲਸ : ਅਲੌਕਿਕ ਡਰਾਉਣੀ-ਥ੍ਰਿਲਰ ਫ਼ਿਲਮ 'ਸਿਨਰਸ' ਨੇ ਚੱਲ ਰਹੇ ਅਕੈਡਮੀ ਪੁਰਸਕਾਰ ਸਮਾਰੋਹ ਵਿਚ ਆਪਣੀ ਮਜ਼ਬੂਤ ਦੌੜ ਜਾਰੀ ਰੱਖੀ ਹੈ । ਇਹ ਫ਼ਿਲਮ ਪਹਿਲਾਂ ਹੀ ਕਈ ਪੁਰਸਕਾਰ ਜਿੱਤ ਚੁੱਕੀ ਹੈ ਅਤੇ ਹੁਣ ਇਸ ਨੇ ਆਪਣੀ ਸੂਚੀ ਵਿਚ ਇੱਕ ਹੋਰ ਵੱਡਾ ਸਨਮਾਨ ਜੋੜ ਦਿੱਤਾ ਹੈ । ਸਿਨੇਮੈਟੋਗ੍ਰਾਫ਼ਰ ਆਟਮ ਡੁਰਲਡ ਅਰਕਾਪਾਵ ਨੇ ਸਰਵੋਤਮ ਸਿਨੇਮੈਟੋਗ੍ਰਾਫ਼ੀ ਲਈ ਆਸਕਰ ਜਿੱਤਿਆ ।
ਇਸ ਦੇ ਨਾਲ ਉਹ ਇਸ ਸ਼੍ਰੇਣੀ ਵਿਚ ਆਸਕਰ ਜਿੱਤਣ ਵਾਲੀ ਪਹਿਲੀ ਔਰਤ ਬਣ ਗਈ ਹੈ । ਵੈਰਾਇਟੀ ਦੇ ਅਨੁਸਾਰ ਸਰਵੋਤਮ ਸਿਨੇਮੈਟੋਗ੍ਰਾਫ਼ੀ ਸ਼੍ਰੇਣੀ ਦੇ ਇਤਿਹਾਸ ਵਿਚ ਪਹਿਲਾਂ ਸਿਰਫ਼ ਤਿੰਨ ਔਰਤਾਂ ਨੂੰ ਨਾਮਜ਼ਦ ਕੀਤਾ ਗਿਆ ਸੀ । ਇਨ੍ਹਾਂ ਵਿਚ 2018 ਵਿਚ ਮਡਬਾਉਂਡ ਲਈ ਰਾਚੇਲ ਮੌਰੀਸਨ, 2021 ਵਿੱਚ 'ਦਿ ਪਾਵਰ ਆਫ਼ ਦ ਡੌਗ' ਲਈ ਏਰੀ ਵੇਗਨਰ ਅਤੇ 2022 ਵਿਚ ਐਲਵਿਸ ਲਈ ਮੈਂਡੀ ਵਾਕਰ ਸ਼ਾਮਿਲ ਹਨ । ਸਿਨਰਸ 'ਤੇ ਕੰਮ ਕਰਦੇ ਹੋਏ ਅਰਕਾਪਾਵ ਨੇ ਇਕ ਹੋਰ ਰਿਕਾਰਡ ਵੀ ਬਣਾਇਆ । ਵੈਰਾਇਟੀ ਦੇ ਅਨੁਸਾਰ ਉਹ IMAX 65mm ਅਤੇ ਅਲਟਰਾ ਪੈਨਾਵਿਜ਼ਨ ਕੈਮਰਿਆਂ ਦੀ ਵਰਤੋਂ ਕਰਕੇ ਫ਼ਿਲਮ ਸ਼ੂਟ ਕਰਨ ਵਾਲੀ ਪਹਿਲੀ ਮਹਿਲਾ ਸਿਨੇਮੈਟੋਗ੍ਰਾਫ਼ਰ ਬਣ ਗਈ । ਪੁਰਸਕਾਰ ਸਵੀਕਾਰ ਕਰਦੇ ਹੋਏ ਅਰਕਾਪਾਵ ਨੇ ਫ਼ਿਲਮ ਇੰਡਸਟਰੀ ਦੀਆਂ ਹੋਰ ਔਰਤਾਂ ਦਾ ਧੰਨਵਾਦ ਕੀਤਾ ਅਤੇ ਸਿਨੇਮੈਟੋਗ੍ਰਾਫ਼ਰ ਰੇਚਲ ਮੌਰੀਸਨ ਦਾ ਵਿਸ਼ੇਸ਼ ਜ਼ਿਕਰ ਕੀਤਾ।
