ਰੈਪਰ ਬਾਦਸ਼ਾਹ ਨੇ ਮੰਗਲਵਾਰ ਨੂੰ ਕਿਹਾ ਕਿ ਇਹ ਸੱਚ ਨਹੀਂ ਹੈ।
Badshah dating Mrunal Thakur? ਅਦਾਕਾਰਾ ਮ੍ਰਿਣਾਲ ਠਾਕੁਰ ਨਾਲ ਅਪਣੇ ਪ੍ਰੇਮ ਸਬੰਧਾਂ ਦੀਆਂ ਖ਼ਬਰਾਂ 'ਤੇ ਚੁੱਪੀ ਤੋੜਦੇ ਹੋਏ ਰੈਪਰ ਬਾਦਸ਼ਾਹ ਨੇ ਮੰਗਲਵਾਰ ਨੂੰ ਕਿਹਾ ਕਿ ਇਹ ਸੱਚ ਨਹੀਂ ਹੈ। ਆਦਿਤਿਆ ਪ੍ਰਤੀਕ ਸਿੰਘ ਸਿਸੋਦੀਆ ਉਰਫ ਬਾਦਸ਼ਾਹ ਨੂੰ ਪਿਛਲੇ ਹਫਤੇ ਸ਼ਿਲਪਾ ਸ਼ੈਟੀ ਦੀ ਦੀਵਾਲੀ ਪਾਰਟੀ 'ਚ ਮ੍ਰਿਣਾਲ ਠਾਕੁਰ ਦਾ ਹੱਥ ਫੜਦੇ ਦੇਖਿਆ ਗਿਆ ਸੀ। ਇਸ ਤੋਂ ਬਾਅਦ ਦੋਹਾਂ ਦੇ ਰਿਸ਼ਤੇ ਦੀਆਂ ਖ਼ਬਰਾਂ ਆਉਣ ਲੱਗੀਆਂ।
ਬਾਦਸ਼ਾਹ (37) ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ ਇੰਸਟਾਗ੍ਰਾਮ 'ਤੇ ਇਨ੍ਹਾਂ ਖਬਰਾਂ ਵੱਲ ਇਸ਼ਾਰਾ ਕਰਦਿਆਂ ਲਿਖਿਆ, ''ਪਿਆਰੇ ਇੰਟਰਨੈੱਟ, ਤੁਹਾਨੂੰ ਇਕ ਵਾਰ ਫਿਰ ਨਿਰਾਸ਼ ਕਰਨ ਲਈ ਅਫਸੋਸ ਹੈ। ਜਿਵੇਂ ਤੁਸੀਂ ਸੋਚ ਰਹੇ ਹੋ, ਅਜਿਹਾ ਕੁੱਝ ਨਹੀਂ ਹੈ"।
ਹਾਲਾਂਕਿ ਮ੍ਰਿਣਾਲ ਠਾਕੁਰ (31) ਨੇ ਇਸ ਸਬੰਧ 'ਚ ਅਜੇ ਤਕ ਕੋਈ ਟਿੱਪਣੀ ਨਹੀਂ ਕੀਤੀ ਹੈ। ਇਸ ਤੋਂ ਪਹਿਲਾਂ ਬਾਦਸ਼ਾਹ ਨੇ ਇਸ ਸਾਲ ਅਪ੍ਰੈਲ 'ਚ ਮਾਡਲ ਈਸ਼ਾ ਰਿਖੀ ਨਾਲ ਅਪਣੇ ਵਿਆਹ ਦੀਆਂ ਖ਼ਬਰਾਂ ਨੂੰ ਵੀ ਖਾਰਜ ਕਰ ਦਿਤਾ ਸੀ। ਬਾਦਸ਼ਾਹ ਦੀ ਸਾਬਕਾ ਪਤਨੀ ਜੈਸਮੀਨ ਮਸੀਹ ਹੈ। ਦੋਵਾਂ ਦੀ ਛੇ ਸਾਲ ਦੀ ਬੇਟੀ ਹੈ।
(For more news apart from Actor Mrunal Thakur, Badshah dating rumours, stay tuned to Rozana Spokesman)
