ਪਾਕਿਸਤਾਨੀ ਸਿੰਗਰ ਰਾਹਤ ਫਤਹਿ ਅਲੀ ਖਾਨ ਨਾਲ ਭਾਰਤੀ ਕਲਾਕਾਰਾਂ ਨੇ ਇਕ ਆਨਲਾਈਨ ਪ੍ਰੋਗਰਾਮ ਵਿਚ ਹਿੱਸਾ ਲਿਆ
ਨਵੀਂ ਦਿੱਲੀ : ਪਾਕਿਸਤਾਨੀ ਸਿੰਗਰ ਰਾਹਤ ਫਤਹਿ ਅਲੀ ਖਾਨ ਨਾਲ ਭਾਰਤੀ ਕਲਾਕਾਰਾਂ ਨੇ ਇਕ ਆਨਲਾਈਨ ਪ੍ਰੋਗਰਾਮ ਵਿਚ ਹਿੱਸਾ ਲਿਆ, ਜਿਸ ਤੋਂ ਬਾਅਦ ਫੈਡਰੇਸ਼ਨ ਆਫ ਵੈਸਟਰਨ ਇੰਡੀਆ ਸਿਨੇ ਇੰਪਲਾਇਜ਼ ਨੇ ਇਕ ਨੋਟਿਸ ਜਾਰੀ ਕਰਦੇ ਹੋਏ ਉਹਨਾ ਨੂੰ ਚੇਤਾਵਨੀ ਦਿੱਤੀ ਹੈ।
File Photo
ਐਸੋਸੀਏਸ਼ਨ ਨੇ ਲਿਖਿਆ ਹੈ ਕਿ ‘ਸਾਨੂੰ ਦੁੱਖ ਨਾਲ ਕਹਿਣਾ ਪੈ ਰਿਹਾ ਹੈ ਕਿ ਐਸੋਸੀਏਸ਼ਨ ਵੱਲੋਂ ਪਹਿਲਾਂ ਤੋਂ ਹੀ ਪਾਕਿਸਤਾਨੀ ਕਲਾਕਾਰਾਂ ਦੇ ਨਾਲ ਕੰਮ ਕਰਨ ਨੂੰ ਲੈ ਕੇ ਪਾਬੰਧੀ ਲਗਾਈ ਗਈ ਹੈ ਅਤੇ ਇਹ ਸਭ ਨੂੰ ਪਤਾ ਹੈ। ਇਸ ਦੇ ਬਾਵਜੂਦ ਕਈ ਕਲਾਕਾਰਾਂ ਨੇ ਇਸ ਦਾ ਉਲੰਘਣ ਕੀਤਾ ਹੈ।
File Photo
ਸਾਨੂੰ ਸੂਚਨਾ ਮਿਲੀ ਹੈ ਕਿ ਕਈ ਭਾਰਤੀ ਕਲਾਕਾਰਾਂ ਨੇ ਪਾਕਿਸਤਾਨੀ ਗਾਇਕ ਰਾਹਤ ਫਤਹਿ ਅਲੀ ਖਾਨ ਦੇ ਨਾਲ ਆਨਲਾਈਨ ਪ੍ਰੋਗਰਾਮ ਕੀਤਾ ਹੈ’। ਇਸ ਤੋਂ ਬਾਅਦ ਉਹਨਾਂ ਕਿਹਾ ਕਿ ਜੇਕਰ ਕੋਈ ਵੀ ਭਾਰਤੀ ਕਿਸੇ ਪਾਕਿਸਤਾਨੀ ਕਲਾਕਾਰ ਦੇ ਨਾਲ ਕੰਮ ਕਰਦਾ ਹੋਇਆ ਪਾਇਆ ਗਿਆ ਤਾਂ ਉਸ ਵਿਰੁੱਧ ਸਖਤ ਕਾਰਵਾਈ ਕੀਤੀ ਜਾਵੇਗੀ।
File Photo
ਦਰਅਸਲ ਬੀਤੇ ਦਿਨੀਂ ਸਿੰਗਰ ਹਰਸ਼ਦੀਪ ਕੌਰ ਅਤੇ ਡਿਜ਼ਾਇਨਰ ਵਿਜੈ ਅਰੋੜਾ ਨੇ ਇਕ ਗਰੁੱਪ ਦੇ ਨਾਲ ਮਿਲ ਕੇ ਆਨਲਾਈਨ ਕਾਨਸਰਟ ਦੀ ਤਰ੍ਹਾਂ ਇਕ ਸਿੰਗਿੰਗ ਪ੍ਰੋਗਰਾਮ ਕੀਤਾ। ਇਸ ਵਿਚ ਰਾਹਤ ਫਤਹਿ ਅਲੀ ਖਾਨ ਵੀ ਸ਼ਾਮਿਲ ਹੋਏ ਸੀ।
