ਅਦਾਕਾਰਾ ਰਾਣੀ ਮੁਖਰਜੀ ਫਿਲਮ ‘ਮਰਦਾਨੀ’ ਦੀ ਸੀਰੀਜ਼ ਵਿਚ ਨਜ਼ਰ.....
ਮੁੰਬਈ (ਭਾਸ਼ਾ): ਅਦਾਕਾਰਾ ਰਾਣੀ ਮੁਖਰਜੀ ਫਿਲਮ ‘ਮਰਦਾਨੀ’ ਦੀ ਸੀਰੀਜ਼ ਵਿਚ ਨਜ਼ਰ ਆਵੇਗੀ। ਉਨ੍ਹਾਂ ਨੇ ਕਿਹਾ ਕਿ ਫਿਲਮ ਦਾ ਪਹਿਲਾ ਭਾਗ ਉਨ੍ਹਾਂ ਦੇ ਦਿਲ ਦੇ ਬਹੁਤ ਕਰੀਬ ਹੈ ਅਤੇ ਉਨ੍ਹਾਂ ਦੇ ਲਈ ‘ਮਰਦਾਨੀ 2’ ਦੀ ਸ਼ੂਟਿੰਗ ਸ਼ੁਰੂ ਹੋਣ ਦਾ ਇੰਤਜਾਰ ਕਰਨਾ ਮੁਸ਼ਕਲ ਹੋ ਰਿਹਾ ਹੈ। ਰਾਣੀ ਆਖਰੀ ਵਾਰ ਫਿਲਮ ‘ਹਿਚਕੀ’ ਵਿਚ ਨਜ਼ਰ ਆਈ ਸੀ। ਰਾਣੀ ਨੇ ਇਕ ਬਿਆਨ ਵਿਚ ਕਿਹਾ, ‘ਮਰਦਾਨੀ 2’ ਹਮੇਸ਼ਾ ਮੇਰੇ ਦਿਲ ਦੇ ਕਰੀਬ ਰਹੇਗੀ।
Rani Mukherjee
ਫਿਲਮ ਦੀ ਰਿਲੀਜ਼ ਤੋਂ ਬਾਅਦ ਹਰ ਕੋਈ ਮੇਰੇ ਤੋਂ ਵਾਰ-ਵਾਰ ਪੁੱਛਦਾ ਸੀ ਕਿ ਮੈਂ ‘ਮਰਦਾਨੀ 2’ ਕਦੋਂ ਕਰਾਂਗੀ ਅਤੇ ਮੈਨੂੰ ਭਰੋਸਾ ਹੈ ਕਿ ਇਹ ਘੋਸ਼ਣਾ ਉਨ੍ਹਾਂ ਸਾਰੀਆਂ ਨੂੰ ਹੈਰਾਨ ਕਰ ਦੇਵੇਗੀ। ਗੋਪੀ ਨੇ ਇਕ ਗ਼ੈਰ-ਮਾਮੂਲੀ ਕਹਾਣੀ ਲਿਖੀ ਹੈ ਜੋ ਸਾਨੂੰ ਸਾਰੀਆਂ ਨੂੰ ਕਾਫ਼ੀ ਪਸੰਦ ਹੈ ਅਤੇ ਮੇਰੇ ਲਈ ਫਿਲਮ ਦੀ ਸ਼ੂਟਿੰਗ ਸ਼ੁਰੂ ਹੋਣ ਦਾ ਇੰਤਜਾਰ ਕਰਨਾ ਮੁਸ਼ਕਲ ਹੋ ਰਿਹਾ ਹੈ।
Rani Mukherjee
‘ਮਰਦਾਨੀ’ 2014 ਵਿਚ ਰਿਲੀਜ਼ ਹੋਈ ਸੀ ਜਿਸ ਵਿਚ ਰਾਣੀ ਨੇ ਸ਼ਿਵਾਨੀ ਰਾਏ ਨਾਮਕ ਇਕ ਪੁਲਸ ਕਰਮਚਾਰੀ ਦਾ ਕਿਰਦਾਰ ਨਿਭਾਇਆ ਸੀ ਜੋ ਨਾਬਾਲਿੰਗ ਲੜਕੀਆਂ ਦੀ ਤਸਕਰੀ ਰੈਕੇਟ ਦਾ ਭੰਡਾਫੋੜ ਕਰਦੀ ਹੈ। ਯਸ਼ਰਾਜ ਫਿਲਮਸ ਦੇ ਬੈਨਰ ਹੇਠਾ ਫਿਲਮ ‘ਮਰਦਾਨੀ 2’ ਦੀ ਸ਼ੂਟਿੰਗ ਅਗਲੇ ਸਾਲ ਤੋਂ ਸ਼ੁਰੂ ਹੋ ਰਹੀ ਹੈ ਅਤੇ ਇਹ ਫਿਲਮ 2019 ਦੇ ਵਿਚਕਾਰ ਰਿਲੀਜ਼ ਹੋਵੇਗੀ।
