ਬਾਲੀਵੁੱਡ ਅਦਾਕਾਰਾ ਜ਼ਰੀਨ ਖਾਨ ਸੁਰਖੀਆਂ.....
ਮੁੰਬਈ (ਭਾਸ਼ਾ): ਬਾਲੀਵੁੱਡ ਅਦਾਕਾਰਾ ਜ਼ਰੀਨ ਖਾਨ ਸੁਰਖੀਆਂ ਵਿਚ ਹੈ। ਅਦਾਕਾਰਾ ਨੇ ਅਪਣੀ ਸਾਬਕਾ ਮੈਨੇਜਰ ਅੰਜਲੀ ਸ਼ਰਧਾ ਦੇ ਵਿਰੁਧ FIR ਦਰਜ਼ ਕਰਵਾਈ ਹੈ। ਜ਼ਰੀਨ ਖਾਨ ਨੇ ਮੈਨੇਜਰ ਉਤੇ ਸਹੀ ਰੂਪ ਨਾਲ ਦੁਰਵਿਵਹਾਰ ਦਾ ਇਲਜ਼ਾਮ ਲਗਾਇਆ ਹੈ। FIR ਦਰਜ਼ ਹੋਣ ਤੋਂ ਬਾਅਦ ਜਾਂਚ ਚੱਲ ਰਹੀ ਹੈ। ਦਰਅਸਲ, ਪੈਸੀਆਂ ਨੂੰ ਲੈ ਕੇ ਜ਼ਰੀਨ ਦਾ ਉਨ੍ਹਾਂ ਦੀ ਮੈਨੇਜਰ ਦੇ ਨਾਲ ਵਿਵਾਦ ਹੋਇਆ। ਇਸ ਦੌਰਾਨ ਮੈਨੇਜਰ ਨੇ ਜ਼ਰੀਨ ਨੂੰ ਮੱਝ ਕਹਿ ਕੇ ਬੁਲਾਇਆ।
Zareen Khan
ਬੀਤੀ ਰਾਤ ਜ਼ਰੀਨ ਖਾਨ ਅਪਣੇ ਵਕੀਲ ਦੇ ਨਾਲ ਖਾਰ ਪੁਲਿਸ ਸਟੇਸ਼ਨ ਪਹੁੰਚੀ ਅਤੇ IPC ਦੀ ਧਾਰਾ 509 ਦੇ ਤਹਿਤ ਸ਼ਿਕਾਇਤ ਦਰਜ਼ ਕਰਵਾਈ। ਅੰਜਲੀ ਤਕਰੀਬਨ 3-4 ਸਾਲਾਂ ਤੱਕ ਜ਼ਰੀਨ ਖਾਨ ਦੀ ਮੈਨੇਜਰ ਰਹੀ ਹੈ। ਦੋਨਾਂ ਦੀ ਮੋਬਾਇਲ ਸੁਨੇਹੇ ਦੇ ਦੁਆਰਾ ਗੱਲ ਹੋਈ। ਜਿਸ ਵਿਚ ਅੰਜਲੀ ਨੇ ਅਸ਼ਲੀਲ ਭਾਸ਼ਾ ਦਾ ਪ੍ਰਯੋਗ ਕੀਤਾ। ਇਸ ਦੌਰਾਨ ਉਨ੍ਹਾਂ ਨੇ ਜ਼ਰੀਨ ਨੂੰ ਮੱਝ ਤੱਕ ਕਹਿ ਦਿਤਾ। ਇਥੇ ਤੋਂ ਮਾਮਲਾ ਗਰਮਾ ਗਿਆ।
Zareen Khan
ਜ਼ਰੀਨ ਦੇ ਵਕੀਲ ਨੇ ਇਕ ਇੰਟਰਵਿਊ ਦੇ ਦੌਰਾਨ ਕਿਹਾ- ਮੈਨੇਜਰ, ਜ਼ਰੀਨ ਦੀ ਛਵੀ ਨੂੰ ਨੁਕਸਾਨ ਪੰਹੁਚਾ ਰਹੀ ਹੈ। ਅੰਜਲੀ ਦੇ ਵਿਰੁਧ ਇਹ ਕਦਮ ਚੁੱਕਣਾ ਜ਼ਰੂਰੀ ਸੀ। ਜ਼ਰੀਨ ਇਸ ਗੱਲ ਤੋਂ ਕਾਫ਼ੀ ਗੁੱਸੇ ਹੈ ਅਤੇ ਮਾਮਲੇ ਨੂੰ ਗੰਭੀਰਤਾ ਨਾਲ ਲੈ ਰਹੀ ਹੈ। ਉਹ ਅਪਣੀ ਇਮੇਜ ਨੂੰ ਰਿਸਕ ਵਿਚ ਪਾ ਕੇ ਮਾਮਲੇ ਨੂੰ ਢਿੱਲ ਦੇਣ ਦੇ ਮੂਡ ਵਿਚ ਬਿਲਕੁੱਲ ਨਹੀਂ ਹੈ। ਅਦਾਕਾਰਾ ਨੇ ਸੁਪਰਸਟਾਰ ਸਲਮਾਨ ਖਾਨ ਦੇ ਨਾਲ 2010 ਵਿਚ ‘ਵੀਰ’ ਫਿਲਮ ਨਾਲ ਅਪਣੇ ਬਾਲੀਵੁੱਡ ਕਰਿਅਰ ਦੀ ਸ਼ੁਰੂਆਤ ਕੀਤੀ ਸੀ। ਜ਼ਰੀਨ, ਹਿੰਦੀ ਤੋਂ ਇਲਾਵਾ ਤਮਿਲ ਅਤੇ ਪੰਜਾਬੀ ਫਿਲਮਾਂ ਵਿਚ ਵੀ ਕੰਮ ਕਰ ਚੁੱਕੀ ਹੈ।
