ਨਵੀਂ ਦਿੱਲੀ-ਦੇਸ਼ ਦੇ ਖਜ਼ਾਨਾ ਮੰਤਰੀ ਅਰੁਣ ਜੇਤਲੀ ਨੇ ਚਾਲੂ ਮਾਲੀ ਸਾਲ ‘ਚ 20 ਸਰਕਾਰੀ ਬੈਂਕਾਂ ‘ਚ 88 ਹਜ਼ਾਰ ਕਰੋੜ ਪੂੰਜੀ ਲਾਉਣ ਦਾ ਐਲਾਨ ਕੀਤਾ ਹੈ। ਇਹ ਫੈਸਲਾ ਸਰਕਾਰੀ ਬੈਂਕਾਂ ਦੀ ਹਾਲਤ ‘ਚ ਸੁਧਾਰ ਲਿਆਉਣ ਲਈ ਕੀਤਾ ਗਿਆ ਹੈ।
ਵਿੱਤ ਮੰਤਰੀ ਅਰੁਣ ਜੇਤਲੀ ਨੇ ਬੈਂਕਾਂ ‘ਚ ਸੁਧਾਰ ਸਬੰਧੀ ਕੀਤੀ ਪ੍ਰੈੱਸ ਕਾਨਫਰੰਸ ‘ਚ ਸਰਕਾਰੀ ਬੈਂਕਾਂ ਦੀ ਸਮੱਸਿਆ ਨੂੰ ਵਿਰਾਸਤ ‘ਚ ਮਿਲੀ ਸਮੱਸਿਆ ਕਰਾਰ ਦਿੰਦਿਆਂ ਕਿਹਾ ਕਿ ਸਰਕਾਰ ਇਨ੍ਹਾਂ ਮੁਸ਼ਕਿਲਾਂ ਨਾਲ ਨਜਿੱਠਣ ਦੀ ਕੋਸ਼ਿਸ਼ ‘ਚ ਹੈ।
ਜੇਤਲੀ ਨੇ ਕਿਹਾ ਕਿ ਸਰਕਾਰੀ ਬੈਂਕਾਂ ‘ਚ ਪੂੰਜੀ ਲਾਉਣ ਦਾ ਮਕਸਦ ਕਰਜ਼ੇ ਦੇ ਵਹਾਅ ਨੂੰ ਵਧਾਉਣਾ ਹੈ। ਸਰਕਾਰ ਵਲੋਂ ਚੁੱਕਿਆ ਇਹ ਕਦਮ ਪਿਛਲੇ ਸਾਲ ਅਕਤੂਬਰ ‘ਚ ਕੇਂਦਰ ਵਲੋਂ ਐਲਾਨੀ ਗਈ ਉਸ ਯੋਜਨਾ ਦਾ ਹਿੱਸਾ ਹੈ, ਜਿਸ ਤਹਿਤ ਕੇਂਦਰ ਵਲੋਂ ਦੋ ਚਾਲੂ ਮਾਲੀ ਸਾਲਾਂ 2017-18 ਅਤੇ 2018-19 ‘ਚ 2.1 ਲੱਖ ਕਰੋੜ ਦੀ ਪੂੰਜੀ ਬੈਂਕਾਂ ‘ਚ ਲਾਈ ਜਾਣੀ ਸੀ।
