ਨਵੀਂ ਦਿੱਲੀ: ਰਿਲਾਇੰਸ ਰਿਟੇਲ ਆਪਣੇ 4ਜੀ ਫੀਚਰ ਫੋਨ ਜੀਓਫੋਨ ਦੀ ਬੂਕਿੰਗ ਦਾ ਦੂਜਾ ਗੇੜ ਦੀਵਾਲੀ ਮਗਰੋਂ ਸ਼ੁਰੂ ਕਰੇਗੀ। ਕੰਪਨੀ ਪਹਿਲੇ ਗੇੜ ਵਿੱਚ ਮਿਲੀ ਤਕਰੀਬਨ 60 ਲੱਖ ਦੀ ਬੂਕਿੰਗ ਦੀ ਪੂਰਤੀ ਫਿਲਹਾਲ ਕਰ ਰਹੀ ਹੈ।
ਰਿਲਾਇੰਸ ਰਿਟੇਲ ਦੇ ਚੈਨਲ ਪਾਰਟਨਰ ਵੱਲੋਂ ਦਿੱਤੀ ਗਈ ਜਾਣਕਾਰੀ ਮੁਤਾਬਕ ਜੀਓਫੋਨ ਬੂਕਿੰਗ ਦਾ ਦੂਜਾ ਗੇੜ ਦੀਵਾਲੀ ਤੋਂ ਬਾਅਦ ਸ਼ੁਰੂ ਹੋਏਗਾ। ਇਹ ਅਕਤੂਬਰ ਦੇ ਆਖਰੀ ਹਫਤੇ ਜਾਂ ਫਿਰ ਨਵੰਬਰ ਦੇ ਪਹਿਲੇ ਹਫਤੇ ਤੋਂ ਸ਼ੁਰੂ ਹੋ ਸਕਦਾ ਹੈ।
ਜੀਓਫੋਨ ਦੀ ਬੁਕਿੰਗ 24 ਅਗਸਤ ਨੂੰ ਸ਼ੁਰੂ ਹੋਈ ਸੀ ਤੇ ਜਾਣਕਾਰਾਂ ਅਨੁਸਾਰ ਪਹਿਲੇ ਤਿੰਨ ਦਿਨਾਂ ਵਿੱਚ ਹੀ ਤਕਰੀਬਨ 60 ਲੱਖ ਲੋਕਾਂ ਨੇ 500 ਰੁਪਏ ਦਾ ਭੁਗਤਾਨ ਕਰਦੇ ਹੋਏ ਪ੍ਰੀ-ਬੁਕਿੰਗ ਕਰਵਾਈ। ਕੰਪਨੀ ਮੁਤਾਬਕ ਜੀਓਫੋਨ ਦੀ ਕੀਮਤ ਜ਼ੀਰੋ ਹੋਏਗੀ ਪਰ ਉਸ ਨੂੰ ਖਰੀਦਣ ਲਈ 1500 ਰੁਪਏ ਦੀ ਜ਼ਮਾਨਤ ਰਾਸ਼ੀ ਦੇਣੀ ਹੋਏਗੀ ਜੋ ਬਾਅਦ ਵਿੱਚ ਰਿਫੰਡ ਕਰ ਦਿੱਤੀ ਜਾਵੇਗੀ।
