ਖੰਨਾ ਦੇ ਨੇੜਲੇ ਪਿੰਡ ਅਲੀਪੁਰ ਵਿਖੇ ਇੱਕ ਨੌਜਵਾਨ ਦਾ ਕਤਲ ਕਰ ਦਿੱਤਾ ਗਿਆ। ਮਰਨ ਵਾਲੇ ਦੀ ਪਛਾਣ ਜਸਪ੍ਰੀਤ ਸਿਂਘ (33) ਵਜੋਂ ਹੋਈ ਹੈ। ਜਸਪ੍ਰੀਤ ਸਿਂਘ ਆਪਣੇ ਗੁਅਾਂਢੀ ਦੇ ਕਤਲ ਦੇ ਦੋਸ਼ ਹੇਠ ਸਜਾ ਕਟ ਰਿਹਾ ਸੀ ਅਤੇ 42 ਦਿਨਾਂ ਦੀ ਪੈਰੋਲ ਤੇ ਆਇਆ ਹੋਇਆ ਸੀ।
ਜਦੋਂ ਉਹ ਆਪਣੇ ਕਮਰੇ ਵਿਚ ਪਿਆ ਸੀ ਤਾਂ ਕਿਸੇ ਨੇ ਉਸਦੀ ਪੁੜਪੁੜੀ ਵਿਚ ਗੋਲੀ ਮਾਰ ਦਿਤੀ। ਨਾ ਤਾਂ ਪਰਿਵਾਰ ਨੇ ਕਿਸੇ ਨੂਂ ਘਰ ਆਉਂਦੇ ਜਾਂਦੇ ਦੇਖਿਆ ਅਤੇ ਨਾ ਹੀ ਕਿਸੇ ਨੂਂ ਗੋਲੀ ਚੱਲਣ ਦਾ ਪਤਾ ਲਗਿਆ। ਪੁਲਿਸ ਨੇ ਘਟਨਾ ਵਾਲੀ ਥਾਂ ਤੋਂ ਇੱਕ ਕਾਰਤੂਸ ਬਰਾਮਦ ਕੀਤਾ ਹੈ ਅਤੇ ਪੁਲਿਸ ਵਲੋਂ ਵੱਖ-ਵੱਖ ਅੈਂਗਲਾਂ ਤੇ ਜਾਂਚ ਕੀਤੀ ਜਾ ਰਹੀ ਹੈ।
ਮ੍ਰਿਤਕ ਦੀ ਮਾਂ ਜਸਵਿਂਦਰ ਕੌਰ ਨੇ ਦੱਸਿਆ ਕਿਜਸਪ੍ਰੀਤ ਨੇ ਨਹਾਉਣ ਲਈ ਪਾਣੀ ਗਰਮ ਧਰਾਇਆ ਸੀ, ਮੈਂ ਨਾਲ ਦੇ ਘਰ ਦੁਧ ਲੈਣ ਗਈ ਸੀ। ਆਉਣ ਤੇ ਜਦੋਂ ਘਰ ਦੇ ਬਾਹਰ ਕਂਮ ਕਰ ਰਹੇ ਜਸਪ੍ਰੀਤ ਦੇ ਭਰਾ ਮਨਪ੍ਰੀਤ ਨੇ ਉਸਨੂਂ ਕਂਮ ਕਰਾਉਣ ਲਈ ਆਵਾਜ ਮਾਰੀ ਤਾਂ ਕੋਈ ਜਵਾਬ ਨਹੀਂ ਮਿਲਿਆ
।
ਮਨਪ੍ਰੀਤ ਨੇ ਕਮਰੇ ਵਿੱਚ ਜਾ ਕੇ ਦੇਖਿਆ ਤਾਂ ਜਸਪ੍ਰੀਤ ਦੀ ਗੋਲੀ ਲੱਗੀ ਹੋਈ ਸੀ। ਸਿਵਲ ਹਸਪਤਾਲ ਲੈ ਜਾਣ ਤੇ ਜਸਪ੍ਰੀਤ ਨੂੰ ਮ੍ਰਿਤਕ ਅੈਲਾਨ ਦਿੱਤਾ ਗਿਆ।ਸੂਚਨਾ ਮਿਲਣ ਮਗਰੋਂ ਪੁਲਿਸ ਨੇ ਘਟਨਾ ਵਾਲੀ ਥਾਂ ਦਾ ਜਾਇਜਾ ਲਿਆ ਹੈ ਅਤੇ ਆਲੇ ਦੁਆਲੇ ਦੇ ਲੋਕਾਂ ਤੋਂ ਪੁੱਛਗਿੱਛ ਸ਼ੁਰੂ ਕਰ ਦਿੱਤੀ ਹੈ।
