Poem In Punjabi
Poem: ਸੱਦ ਕੋਠੀ ਵਿਚ ਦਿੰਦਾ ਸੀ ਹੁਕਮ ਜਿਹੜਾ..
Poem: ਸੱਦ ਕੋਠੀ ਵਿਚ ਦਿੰਦਾ ਸੀ ਹੁਕਮ ਜਿਹੜਾ,
ਹੁਣ ਚਿੱਠੀਆਂ ਉਨ੍ਹਾਂ ਵਲ ਪਾਉਣ ਲੱਗਾ।
‘ਦਲ’ ਟੱਬਰ ਦੀ ਜਕੜ ’ਚੋਂ ਮੁਕਤ ਹੋਣਾ,
ਸਿੱਖ ਜਗਤ ਦੇ ਦਿਲਾਂ ਨੂੰ ਭਾਉਣ ਲੱਗਾ।
ਮੀਰੀ-ਪੀਰੀ ਦੇ ਰੰਗ ਵਿਚ ਤਖ਼ਤ ਸਾਹਿਬ
‘ਸਰਬਉੱਚਤਾ’ ਦਾ ਰੂਪ ਦਿਖਾਉਣ ਲੱਗਾ।
ਫ਼ਿਕਰ ਪਿਆ ਹੈ ਦਾਗ਼ੀਆਂ ਬਾਗ਼ੀਆਂ ਨੂੰ,
ਦੇਖੋ ਸਤਿਗੁਰ ਕੀ ਕਲਾ ਵਰਤਾਉਣ ਲੱਗਾ।
‘ਸੌਖੀ ਸਜ਼ਾ’ ਦੀ ‘ਮਨਸ਼ਾ’ ਨਾ ਕਰੀਂ ਪੂਰੀ,
ਗੁਪਤੀ ‘ਚੁਸਤ ਚਲਾਕੀਆਂ’ ਠੱਗੀਆਂ ਨੇ।
ਗੁਨਾਹਗਾਰਾਂ ਨੂੰ ਮਿਲਦੀ ਏ ਸਜ਼ਾ ਕਿਹੜੀ,
‘ਦੋ ਦਸੰਬਰ’ ’ਤੇ ਨਜ਼ਰਾਂ ਹੁਣ ਲੱਗੀਆਂ ਨੇ।
- ਤਰਲੋਚਨ ਸਿੰਘ ਦੁਪਾਲ ਪੁਰ, ਫ਼ੋਨ ਨੰ : 001-408-915-1268
