poetic irony
ਹੋਸ਼ਿਆਰ ਗੁਆਂਢੀ ਰਾਜਿਉ! ਰਹਿਣੇ ਏਦਾਂ ਹੀ ਵਜਦੇ ਸਮਝ ਲੈਂਦੇ....
ਹੋਸ਼ਿਆਰ ਗੁਆਂਢੀ ਰਾਜਿਉ!
ਰਹਿਣੇ ਏਦਾਂ ਹੀ ਵਜਦੇ ਸਮਝ ਲੈਂਦੇ,
ਸੁਣ ਕੇ ਖ਼ੁਸ਼ੀ ਦੇ ਵਾਜਿਆਂ ਗਾਜਿਆਂ ਨੂੰ।
ਪੰਜ ਸਾਲ ਵੀ ‘ਉਮਰ ਦਾ ਪਟਾ’ ਲੱਗੇ,
ਵੋਟਾਂ ਨਾਲ ਸਰਕਾਰਾਂ ਵਿਚ ਸਾਜਿਆਂ ਨੂੰ।
ਪੱਖਪਾਤੀ ਬਦਨੀਤ ਲੈ ਡੁੱਬ ਜਾਂਦੀ,
ਬਣੇ ਚਤਰ ਪਰ ਅਸਲ ’ਚ ਬਾਜਿਆਂ ਨੂੰ।
ਆਵੇ ਅਕਲ ਨਾ ਪੜ੍ਹ ਕੇ ਇਤਿਹਾਸ ਤੋਂ ਵੀ,
ਹੁਕਮਰਾਨ ਪੁਰਾਣੇ ਜਾਂ ਤਾਜਿਆਂ ਨੂੰ।
ਰੋਹ ਲੋਕਾਂ ਦਾ ਮਿੱਟੀ ’ਚ ਰੋਲ ਦਿੰਦਾ,
ਸੌੜੀ ਸਿਆਸਤ ਦੇ ਲਾਏ ਅੰਦਾਜਿਆਂ ਨੂੰ।
ਛੱਡ ਕੇ ਲੰਕਾ ਨੂੰ ਦੌੜਿਆ ਰਾਜਪਕਸ਼ੇ,
ਦੇ ਗਿਆ ਸਬਕ ਗੁਆਂਢ ਦੇ ਰਾਜਿਆਂ ਨੂੰ!
- ਤਰਲੋਚਨ ਸਿੰਘ ਦੁਪਾਲਪੁਰ।
ਫ਼ੋਨ ਨੰ : 001-408-915-1268
