Poetic Sarcasm: Apply...
ਅਰਜ਼ ਕਰਾ ਗੁਰੂ ਨਾਨਕ ਜੀ, ਇਕ ਕਰੋ ਉਦਾਸੀ ਹੋਰ।
ਅਰਜ਼ ਕਰਾ ਗੁਰੂ ਨਾਨਕ ਜੀ, ਇਕ ਕਰੋ ਉਦਾਸੀ ਹੋਰ।
ਇੱਥੇ ਪਰਜਾ ਦੇ ਰਾਖੇ ਹੀ, ਬਣ ਬਹਿ ਗਏ ਨੇ ਚੋਰ।
ਪੜ੍ਹ ਲਿਖ ਜਵਾਨੀ ਲਾਉਂਦੀ ਧਰਨੇ, ਅਨਪੜ੍ਹ ਲੀਡਰਾਂ ਦੇ ਹੱਥ ਡੋਰ।
ਚੁੱਪ ਚਪੀਤੇ ਸਭ ਵੇਚ ਗਏ, ਇਹ ਜ਼ਰਾ ਨਾ ਕਰਦੇ ਸ਼ੋਰ।
ਹਾਲ ਮੰਦੜੇ ਹੋਏ ਜਵਾਨੀ ਦੇ, ਪਤਾ ਨਾ ਲੱਗੇ ਸਿੰਘ ਹੈ ਜਾਂ ਕੌਰ।
ਬਾਣੇ ਵਖਰੇ ਵਖਰੇ ਪਾਉਂਦੇ ਨੇ, ਵਿਰਲੇ ਕਰਦੇ ਬਾਣੀ ’ਤੇ ਗ਼ੌਰ।
ਸਭ ਅਪਣੇ ਹੀ ਕਰਵਾ ਰਹੇ, ਬੇਅਦਬੀਆਂ ਕਰਦਾ ਨਾ ਕੋਈ ਹੋਰ।
ਲੜ-ਲੜ ਲੈਂਦੇ ਪ੍ਰਧਾਨਗੀਆਂ, ਕਹਿਣ ਸਾਡਾ ਚਲਦਾ ਜ਼ੋਰ।
ਪ੍ਰਵਾਰ ਤੇਰਾ ਭਟਕ ਗਿਆ, ਆ ਕੇ ਸਿੱਧੇ ਰਸਤੇ ਤੋਰ।
ਭਾਈ ਭਾਈ ਦਾ ਦੁਸ਼ਮਣ ਬਣਿਆ, ਮੌਲਾ ਕੈਸਾ ਚਲ ਪਿਆ ਦੌਰ।
ਓ ਹਵਾ, ਪਾਣੀ ਨਾ ਰਹਿ ਗਿਆ, ਨਾ ਦਿਖਦੇ ਤਿੱਤਰ, ਤੋਤੇ ਮੋਰ।
ਅਰਜ਼ ਕਰਾਂ ਗੁਰੂ ਨਾਨਕ ਜੀ, ਇਕ ਕਰੋ ਉਦਾਸੀ ਹੋਰ।
- ਪਰਮਜੀਤ ਸੰਧੂ ਥੇਹ ਤਿੱਖਾ ਗੁਰਦਾਸਪੁਰ। ਮੋ : 9464427651
