Sunset
ਢਲਕਦੇ ਸੂਰਜ ਦੇ ਸੰਗ
ਢਲਕਦੇ ਸੂਰਜ ਦੇ ਸੰਗ
ਰੋਜ਼ ਢਲ ਜਾਂਦਾ ਹਾਂ ਮੈਂ
ਸਿਸਕਦੀ ਹੋਈ ਪੌਣ ਦੇ
ਨਾਲ ਰਲ ਜਾਂਦਾ ਹਾਂ ਮੈਂ।
ਜੀਅ ਕਰੇ ਇਹ ਜਾਨ ਦੇ ਦਾਂ
ਜੀਅ ਕਰੇ ਮੁੜ ਜੀ ਪਵਾਂ
ਇਸ ਦੁਚਿੱਤੀ ਵਿਚ ਖੜਾ
ਹਰ ਵਾਰ ਟਲ ਜਾਂਦਾ ਹਾਂ ਮੈਂ।
ਇਹ ਜ਼ਿੰਦਗੀ ਹੁਣ ਬੇਆਬਾਦ
ਤੇ ਬੇਕਦਰ ਜਿਹੀ ਹੋ ਗਈ
ਨਾ ਬਦਲਣਾ ਚਾਹ ਕੇ
ਫਿਰ ਬਦਲ ਜਾਂਦਾ ਹਾਂ ਮੈਂ।
ਮੈਂ ਜਾਣਦਾਂ ਉਹ ਤੂੰ ਨਹੀਂ
ਫਿਰ ਵੀ ਵਾਰ ਵਾਰ
ਜੂੜੇ 'ਚ ਟੰਗਿਆ ਫੁੱਲ ਵੇਖ
ਕਿਉਂ ਮਚਲ ਜਾਂਦਾ ਹਾਂ ਮੈਂ?
ਤੂੰ ਛੱੱਡ ਕੇ ਮੈਨੂੰ ਤੁਰ ਗਈ
ਫੜ ਕੇ ਪੱਲਾ ਗ਼ੈਰ ਦਾ
ਹੁਣ ਰਾਹਾਂ ਵਿਚ ਜਦ ਵੀ ਮਿਲੇਂ
ਤਾਂ ਬਚ ਨਿਕਲ ਜਾਂਦਾ ਹਾਂ ਮੈਂ।
-ਪਰਮਜੀਤ ਸਿੰਘ ਨਿੱਕੇ ਘੁੰਮਣ
ਸੰਪਰਕ : 97816-46008
