Photo
ਬੰਦਾ ਹੋਇਆ ਗ਼ੁਲਾਮ ਮਸ਼ੀਨਰੀ ਦਾ, ਤਦੇ ਬੀਪੀ ਤੇ ਸ਼ੂਗਰ ਨੇ ਗ੍ਰੱਸਿਆ ਏ। ਦਿਤੇ ਸੁੱਖ ਵਿਗਿਆਨ ਨੇ ਬਹੁਤ ਭਾਵੇਂ, ਸਬਰ ਸਹਿਜ ਵੀ ਮਨਾਂ ’ਚੋਂ ਨੱਸਿਆ ਏ।
ਬੰਦਾ ਹੋਇਆ ਗ਼ੁਲਾਮ ਮਸ਼ੀਨਰੀ ਦਾ, ਤਦੇ ਬੀਪੀ ਤੇ ਸ਼ੂਗਰ ਨੇ ਗ੍ਰੱਸਿਆ ਏ।
ਦਿਤੇ ਸੁੱਖ ਵਿਗਿਆਨ ਨੇ ਬਹੁਤ ਭਾਵੇਂ, ਸਬਰ ਸਹਿਜ ਵੀ ਮਨਾਂ ’ਚੋਂ ਨੱਸਿਆ ਏ।
ਹਰ ਕੋਈ ਅਪਣੇ ਆਪ ’ਚ ਮਸਤ ਹੋ ਕੇ, ਨਿੱਜ-ਵਾਦ ਦੇ ‘ਨਾਗ’ ਦਾ ‘ਡੱਸਿਆ’ ਏ।
ਦਿਸੇ ਸਾਫ਼ ਖਿਚਾਅ ਹੁਣ ਚਿਹਰਿਆਂ ’ਤੇ, ਤਬਲਾ ਜਿਉਂ ਵਜਾਉਣ ਲਈ ਕੱਸਿਆ ਏ।
ਟੱਚ-ਫ਼ੋਨ ਨੇ ਗਲੀਆਂ ਵਿਚ ਸੁੰਨ ਪਾਈ, ਛੋਟਾ-ਬੜਾ ਸਭ ਅੰਦਰ ਜਾ ਵੱਸਿਆ ਏ।
ਸੁਣਦਾ ਮਾਹੀ ਨਾ ‘ਵਾਈਫ਼’ ਦੀ ਗੱਲ ਦੇਖੋ, ‘ਵਾਈ-ਫਾਈ’ ਦੀ ਫਾਹੀ ਵਿਚ ਫਸਿਆ ਏ।
- ਤਰਲੋਚਨ ਸਿੰਘ ਦੁਪਾਲ ਪੁਰ, ਮੋਬਾਈਲ : 78146-92724
