ਪਾਕਿਸਤਾਨ ਦੀ ਕਰਾਚੀ ਯੂਨੀਵਰਸਿਟੀ 'ਤੇ ਹੋਏ ਹਮਲੇ ਦੀ ਸੀਸੀਟੀਵੀ ਫੁਟੇਜ ਸਾਹਮਣੇ ਆਈ ਹੈ
ਕਰਾਚੀ: ਪਾਕਿਸਤਾਨ ਦੀ ਕਰਾਚੀ ਯੂਨੀਵਰਸਿਟੀ 'ਤੇ ਹੋਏ ਹਮਲੇ ਦੀ ਸੀਸੀਟੀਵੀ ਫੁਟੇਜ ਸਾਹਮਣੇ ਆਈ ਹੈ। ਇਸ ਘਟਨਾ ਨੂੰ ਇਕ ਬੁਰਕਾ ਪਹਿਨੀ ਔਰਤ ਨੇ ਅੰਜਾਮ ਦਿੱਤਾ, ਜੋ ਚੀਨੀ ਨਾਗਰਿਕਾਂ ਦੀ ਬੱਸ ਦਾ ਇੰਤਜ਼ਾਰ ਕਰ ਰਹੀ ਸੀ। ਜਿਵੇਂ ਹੀ ਬੱਸ ਉਸ ਦੇ ਨੇੜੇ ਪਹੁੰਚੀ ਉਸ ਨੇ ਅਪਣੇ ਆਪ ਨੂੰ ਉਡਾ ਲਿਆ। ਇਸ 'ਚ ਤਿੰਨ ਚੀਨੀ ਨਾਗਰਿਕਾਂ ਸਮੇਤ 5 ਲੋਕਾਂ ਦੀ ਮੌਤ ਹੋ ਗਈ। ਮਰਨ ਵਾਲਿਆਂ ਵਿਚ ਬੱਸ ਦਾ ਡਰਾਈਵਰ ਵੀ ਸ਼ਾਮਲ ਹੈ।
Blast Inside University Of Karachi Kills Five
ਵੀਡੀਓ ਵਿਚ ਦੇਖਿਆ ਜਾ ਸਕਦਾ ਹੈ ਕਿ ਕਰਾਚੀ ਯੂਨੀਵਰਸਿਟੀ ਦੇ ਕਨਫਿਊਸ਼ੀਅਸ ਇੰਸਟੀਚਿਊਟ ਦੇ ਬਾਹਰ ਬੁਰਕਾ ਪਹਿਨੀ ਇਕ ਔਰਤ ਖੜ੍ਹੀ ਸੀ, ਜਿਸ ਨੇ ਚੀਨੀ ਅਧਿਆਪਕਾਂ ਦੀ ਬੱਸ ਦੇ ਨੇੜੇ ਆਉਣ 'ਤੇ ਖੁਦ ਨੂੰ ਉਡਾ ਲਿਆ। ਸਿੰਧ ਦੇ ਆਈਜੀ ਗੁਲਾਮ ਨਬੀ ਨੇ ਪਹਿਲਾਂ ਹੀ ਕਿਹਾ ਸੀ ਕਿ ਇਹ ਆਤਮਘਾਤੀ ਹਮਲੇ ਦੀ ਤਰ੍ਹਾਂ ਲੱਗ ਰਿਹਾ ਸੀ ਅਤੇ ਹੁਣ ਬੁਰਕਾ ਪਹਿਨਣ ਵਾਲੀ ਔਰਤ ਦੀ ਭੂਮਿਕਾ ਦਾ ਖੁਲਾਸਾ ਹੋਇਆ ਸੀ।
CCTV footage of Karachi University suicide bombing awaits a female van. As soon as Van entered the university, So the woman blew herself up. India-backed and RAW's anti-peace BLA has claimed responsibility for the blast.#Karachiuniversity #BLA #CCTV #Karachi #Team_Defenders pic.twitter.com/5dheB8QMM7
ਪੁਲਿਸ ਮੁਤਾਬਕ ਮਾਰੇ ਗਏ 5 ਲੋਕਾਂ 'ਚ ਤਿੰਨ ਚੀਨ ਦੀਆਂ ਮਹਿਲਾ ਪ੍ਰੋਫੈਸਰ ਸ਼ਾਮਲ ਹਨ। ਚੌਥਾ ਉਹਨਾਂ ਦਾ ਪਾਕਿਸਤਾਨੀ ਡਰਾਈਵਰ ਹੈ ਅਤੇ ਪੰਜਵਾਂ ਗਾਰਡ ਹੈ। ਕਰਾਚੀ ਸਿੰਧ ਸੂਬੇ ਦਾ ਹਿੱਸਾ ਹੈ। ਇੱਥੇ ਪਾਕਿਸਤਾਨ ਪੀਪਲਜ਼ ਪਾਰਟੀ ਦੀ ਸਰਕਾਰ ਹੈ। ਸੂਤਰਾਂ ਮੁਤਾਬਕ ਸਿੰਧ ਦੇ ਮੁੱਖ ਮੰਤਰੀ ਮੁਰਾਦ ਅਲੀ ਸ਼ਾਹ ਦੇ ਘਟਨਾ ਸਥਾਨ ਦਾ ਦੌਰਾ ਕਰਨ ਦੀ ਸੰਭਾਵਨਾ ਹੈ।
