Iran's water plant destroyed in US attack.
ਇਰਾਨ ਨੇ ਕੁਵੈਤ ਦੇ ਪਲਾਂਟ ’ਤੇ ਕੀਤਾ ਹਮਲਾ
ਤੇਲ ਅਵੀਵ : ਅਮਰੀਕਾ ਅਤੇ ਇਰਾਨ ਵਿਚਾਲੇ ਹੁਣ ਸਮੁੰਦਰ ਦੇ ਖਾਰੇ ਪਾਣੀ ਨੂੰ ਸਾਫ਼ ਕਰਨ ਵਾਲੇ ਪਲਾਂਟਾਂ ਨੂੰ ਨਿਸ਼ਾਨਾ ਬਣਾਇਆ ਜਾ ਰਿਹਾ ਹੈ । ਇਰਾਨ ਨੇ ਸ਼ਨੀਵਾਰ ਨੂੰ ਦਾਅਵਾ ਕੀਤਾ ਕਿ ਅਮਰੀਕਾ ਨੇ ਹੋਰਮੋਜ਼ਗਾਨ ਸੂਬੇ ਵਿੱਚ ਹਵਾਈ ਹਮਲਾ ਕਰਕੇ 'ਬੋਂਜੀ ਡਿਸੈਲੀਨੇਸ਼ਨ ਵਾਟਰ ਪਲਾਂਟ' ਨੂੰ ਤਬਾਹ ਕਰ ਦਿੱਤਾ ਹੈ । ਇਸ ਹਮਲੇ ਤੋਂ ਬਾਅਦ ਲਗਭਗ 20 ਪਿੰਡਾਂ ਦੇ 10 ਹਜ਼ਾਰ ਲੋਕਾਂ ਦੀ ਪੀਣ ਵਾਲੇ ਪਾਣੀ ਦੀ ਸਪਲਾਈ ਪੂਰੀ ਤਰ੍ਹਾਂ ਠੱਪ ਹੋ ਗਈ ਹੈ।
ਉਧਰ ਕੁਵੈਤ ਨੇ ਕਿਹਾ ਕਿ ਇਰਾਨ ਨੇ ਲਗਾਤਾਰ ਦੂਜੇ ਦਿਨ ਉਸ ਦੇ ਪਾਣੀ ਦੇ ਪਲਾਂਟ ਨੂੰ ਨਿਸ਼ਾਨਾ ਬਣਾਇਆ ਹੈ। ਕੁਵੈਤ ਵਿੱਚ ਪੀਣ ਵਾਲਾ ਲਗਭਗ 90 ਫੀਸਦੀ ਪਾਣੀ ਖਾਰੇ ਪਾਣੀ ਨੂੰ ਮਿੱਠਾ ਬਣਾਉਣ ਦੀ ਪ੍ਰਕਿਰਿਆ (ਡਿਸੈਲੀਨੇਸ਼ਨ) ਰਾਹੀਂ ਮਿਲਦਾ ਹੈ । ਕੁਵੈਤ ਵੱਲੋਂ ਕਿਹਾ ਗਿਆ ਹੈ ਕਿ ਇਹ ਪ੍ਰਕਿਰਿਆ ਰੇਗਿਸਤਾਨੀ ਛੋਟੇ ਜਿਹੇ ਦੇਸ਼ ਵਿੱਚ ਜੀਵਨ ਲਈ ਖ਼ਤਰਾ ਪੈਦਾ ਕਰ ਸਕਦੀ ਹੈ।
