ਅਮਰੀਕਾ ’ਚੋਂ ਕੱਢੇ 157 ਭਾਰਤੀਆਂ ਨੂੰ ਲੈ ਕੇ ਅੱਜ ਪਹੁੰਚੇਗਾ ਤੀਜਾ ਜਹਾਜ਼, ਜਿਨ੍ਹਾਂ ’ਚ 53 ਪੰਜਾਬੀ ਵੀ ਸ਼ਾਮਲ
ਚੋਣ ਮੁਹਿੰਮਾਂ ਦੌਰਾਨ ਟਰੰਪ ਨੇ ਐਲਾਨ ਕੀਤਾ ਸੀ ਕਿ ਅਮਰੀਕਾ ’ਚ ਸਾਡੀ ਸਰਕਾਰ ਬਣਦਿਆਂ ਹੀ ਦੇਸ਼ ਵਿਚ ਰਹਿ ਰਹੇ ਨਾਜਾਇਜ਼ ਤੌਰ ’ਤੇ ਨੌਜਵਾਨਾਂ ਨੂੰ ਤੁਰਤ ਉਨ੍ਹਾਂ ਦੇ ਦੇਸ਼ਾਂ ਵਿਚ ਭੇਜ ਦਿਤਾ ਜਾਵੇਗਾ। ਇਸੇ ਤਹਿਤ 5 ਫ਼ਰਵਰੀ ਨੂੰ ਅਮਰੀਕਾ ਦਾ ਜਹਾਜ਼ 105 ਭਾਰਤੀਆਂ ਨੂੰ ਲੈ ਕੇ ਅੰਮ੍ਰਿਤਸਰ ਪਹੁੰਚਿਆ ਸੀ।
photo
ਇਸੇ ਤਹਿਤ ਸਨਿਚਰਵਾਰ ਨੂੰ ਰਾਤ 11.35 ਵਜੇ ਭਾਰਤ ਦੇ 119 ਨੌਜਵਾਨਾਂ ਨੂੰ ਲੈ ਕੇ ਅੰਮ੍ਰਿਤਸਰ ਏਅਰਪੋਰਟ ’ਤੇ ਉਤਰਿਆ, ਜਿਨ੍ਹਾਂ ਵਿਚੋਂ 67 ਨੌਜਵਾਨ ਪੰਜਾਬ ਦੇ ਸਨ। ਹੁਣ ਸੂਤਰਾਂ ਦੇ ਹਵਾਲੇ ਤੋਂ ਆਈ ਖ਼ਬਰ ਤੋਂ ਪਤਾ ਲੱਗਿਆ ਹੈ ਕਿ ਅਮਰੀਕਾ ’ਚੋਂ ਕੱਢੇ 157 ਭਾਰਤੀਆਂ ਨੂੰ ਲੈ ਕੇ ਅੱਜ ਤੀਜਾ ਜਹਾਜ਼ ਅੰਮ੍ਰਿਤਸਰ ਹਾਵਾਈ ਅੱਡੇ ’ਤੇ ਪਹੁੰਚੇਗਾ।
ਦੱਸਿਆ ਜਾ ਰਿਹਾ ਹੈ ਕਿ ਤੀਜਾ ਜਹਾਜ਼ ਅਮਰੀਕਾ ਤੋਂ ਉਡਾਣ ਭਰ ਚੁੱਕਾ ਹੈ ਤੇ ਉਹ ਰਾਤ ਕਰੀਬ 10:30 ਵਜੇ ਅੰਮ੍ਰਿਤਸਰ ਉਤਰ ਜਾਵੇਗਾ। ਇਹ ਵੀ ਖ਼ਬਰਾਂ ਹਨ ਕਿ ਇਸ ਜਹਾਜ਼ ’ਚ ਅਮਰੀਕਾ ’ਚੋਂ ਕੱਢੇ 53 ਪੰਜਾਬੀ ਨੌਜਵਾਨ ਵੀ ਸ਼ਾਮਲ ਹਨ। ਦਸ ਦਈਏ ਕਿ ਅਮਰੀਕਾ ’ਚ ਡੰਕੀ ਲਗਾ ਕੇ ਗਏ ਭਾਰਤ ਦੇ ਨੌਜਵਾਨਾਂ ਨੂੰ ਕੱਢਿਆ ਜਾ ਰਿਹਾ ਹੈ।
