ਇਹ ਤਕਨੀਕ ਭੂਚਾਲ ਤੋਂ ਬਾਅਦ ਢਹਿ ਚੁੱਕੇ ਮਕਾਨਾਂ ਅਤੇ ਇਮਾਰਤਾਂ ਦੇ ਬਚਾਅ ਕੰਮ ਵਿਚ ਮਦਦ ਕਰ ਸਕਦੀ ਹੈ।

ਬੀਜਿੰਗ : ਚੀਨੀ ਵਿਗਿਆਨੀਆਂ ਨੇ ਇਨਸਾਨੀ ਦਿਮਾਗ ਤੋਂ ਚੂਹੇ ਦੇ ਦਿਮਾਗ ਨੂੰ ਕਾਬੂ ਕਰਨ ਦੀ ਸਮਰਥਾ ਵਿਕਸਤ ਕੀਤੀ ਹੈ। ਇਸ ਦੇ ਲਈ ਉਹਨਾਂ ਨੇ ਇਕ ਵਾਇਰਲੈਸ ਬ੍ਰੇਨ ਟੂ ਬ੍ਰੇਨ ਪ੍ਰਣਾਲੀ ਵਿਕਸਤ ਕੀਤੀ ਹੈ। ਜਿਸ ਨਾਲ ਇਨਸਾਨ ਵੱਲੋਂ ਇਕ ਮਸ਼ੀਨ ਲਗੇ ਚੂਹੇ ਦੇ ਦਿਮਾਗ ਨੂੰ ਵਿਕਸਤ ਕੀਤਾ ਜਾ ਸਕਦਾ ਹੈ। ਇਹ ਤਕਨੀਕ ਭੂਚਾਲ ਤੋਂ ਬਾਅਦ ਢਹਿ ਚੁੱਕੇ ਮਕਾਨਾਂ ਅਤੇ ਇਮਾਰਤਾਂ ਦੇ ਬਚਾਅ ਕੰਮ ਵਿਚ ਮਦਦ ਕਰ ਸਕਦੀ ਹੈ।

Destroyed Home After Earthquake

ਇਸ ਖੋਜ ਨੂੰ ਰੇਟ ਸਾਈਬਰੋਗ ਪ੍ਰਿਪਰੇਸ਼ਨ ਪੇਪਰ ਵਿਚ ਪ੍ਰਕਾਸ਼ਿਤ ਕੀਤਾ ਗਿਆ ਹੈ। ਇਸ ਵਿਚ ਬ੍ਰੇਨ ਟੂ ਬ੍ਰੇਨ ਇੰਟਰਫੇਸ ਸਬੰਧੀ ਦੱਸਿਆ ਗਿਆ ਹੈ। ਜਿਸ ਰਾਹੀਂ ਕਿਸੇ ਇਨਸਾਨੀ ਦਿਮਾਗ ਨੂੰ ਕੰਪਿਊਟਰ ਨਾਲ ਜੋੜਿਆ ਜਾ ਸਦਕਾ ਹੈ। ਇਸੇ ਪ੍ਰਣਾਲੀ ਦੀ ਵਰਤੋਂ ਬਾਅਦ ਵਿਚ ਚੂਹੇ ਦੇ ਦਿਮਾਗ ਨੂੰ ਕਾਬੂ ਕਰਨ ਵਿਚ ਕੀਤੀ ਗਈ। ਸਾਇੰਸਦਾਨੀਆਂ ਨੇ ਚੂਹੇ ਦੇ ਸਰੀਰ ਵਿਚ ਹਰਕਤ ਪੈਦਾ ਕਰਨ ਲਈ ਉਸ ਦੀ ਪਿੱਠ 'ਤੇ ਇਲੈਕਟ੍ਰੋਡ ਲਗਾਏ।

Brain-to-brain interface

ਇਹ ਇਲੈਕਟ੍ਰੋਡ ਵਾਇਰਲੈਸ ਤਰੀਕੇ ਨਾਲ ਚੂਹੇ ਦੇ ਦਿਮਾਗ ਨਾਲ ਜੁੜੇ ਹੋਏ ਸਨ। ਪਹਿਲੇ ਪਰੀਖਣ ਵਿਚ ਚੂਹੇ ਨੂੰ ਇਕ ਮੇਜ 'ਤੇ ਤੋਰਿਆ ਗਿਆ ਜੋ ਕਿ ਕਿਸੇ ਭੁਲੇਖੇ ਵਾਂਗ ਸੀ। ਦੂਜੇ ਪਾਸੇ ਮਨੁੱਖ ਨੂੰ ਬਿਠਾਇਆ ਗਿਆ ਜਿਸ ਵਿਚ ਇਲੈਕਟ੍ਰੋ ਇਨਫੈਲੋਗ੍ਰਾਮ ਲਗਾਏ ਗਏ ਸਨ। ਜਿਹਨਾਂ ਦੀ ਮਦਦ ਨਾਲ ਉਹ ਚੂਹੇ ਨੂੰ ਕਾਬੂ ਕਰ ਰਹੇ ਸਨ। ਈਈਜੀ ਕੰਪਿਊਟਰ ਨਾਲ ਜੁੜਿਆ ਸੀ। 

Electroencephalography ( EEG )-based brain computer interfaces

ਇਹ ਕੰਪਿਊਟਰ ਪਹਿਲਾਂ ਇਨਸਾਨੀ ਦਿਮਾਗ ਤੋਂ ਨਿਕਲਣ ਵਾਲੇ ਸਿਗਨਲ ਨੂੰ ਡਿਕੋਡ ਕਰਦਾ ਸੀ ਫਿਰ ਉਹਨਾਂ ਨੂੰ ਚੂਹੇ ਦੇ ਦਿਮਾਗ ਵਿਚ ਭੇਜਿਆ ਜਾਂਦਾ ਸੀ। ਇਸ ਇਸ਼ਾਰੇ ਨਾਲ ਹੀ ਇਨਸਾਨ ਚੂਹੇ ਨੂੰ ਦੱਸ ਰਿਹਾ ਸੀ ਕਿ ਉਸ ਨੂੰ ਅੱਗੇ ਕਦੋਂ ਅਤੇ ਕਿਥੇ ਜਾਣਾ ਹੈ। ਖੋਜੀਆਂ ਨੇ ਦੱਸਿਆ ਕਿ ਚੂਹੇ ਨੂੰ ਸੱਜੇ ਅਤੇ ਖੱਬੇ ਮੋੜਨ ਲਈ ਇਨਸਾਨੀ ਦਿਮਾਗ ਦੇ ਇਸ਼ਾਰੇ ਦੀ ਵਰਤੋਂ ਕੀਤੀ ਗਈ ਪਰ ਚੂਹੇ ਨੂੰ ਅੱਗੇ ਵਧਾਉਣ ਲਈ ਕਈ ਵਾਰ ਪਲਕਾਂ ਝਪਕਾਉਣੀਆਂ ਪਈਆਂ।

Rat

ਚੂਹੇ ਨੂੰ ਸਿਰਫ ਤਿੰਨ ਵਾਰ ਹੀ ਘੁੰਮਾਇਆ ਜਾ ਸਕਿਆ। ਇਸ ਤਕਨੀਕ ਰਾਹੀਂ ਚੂਹਿਆਂ ਨੂੰ ਭੁਲੇਖੇ ਦੀ ਬਜਾਏ ਸਿੱਧੇ ਰਸਤਿਆਂ ਤੋ ਲੰਘਾਉਣਾ ਵੱਧ ਅਸਾਨ ਹੈ। ਲਗਾਤਾਰ 10 ਟੈਸਟਾਂ ਵਿਚ 6 ਚੂਹਿਆਂ ਨੂੰ ਸਿੱਧੇ ਰਸਤੇ 'ਤੇ ਚਲਾਉਣ ਵਿਚ 90 ਫ਼ੀ ਸਦੀ ਤੱਕ ਕਾਮਯਾਬੀ ਹਾਸਲ ਹੋਈ। ਇਸ ਤਕਨੀਕ ਨਾਲ ਚੂਹਿਆਂ ਨੂੰ ਭੂਚਾਲ ਤੋਂ ਬਾਅਦ ਤਬਾਹ ਹੋਈ ਇਮਾਰਤ ਦੇ ਅੰਦਰ

Earthquake

ਭੇਜਿਆ ਜਾ ਸਕਦਾ ਹੈ। ਜਿਸ ਨੂੰ ਬਾਹਰ ਬੈਠ ਕੇ ਇਨਸਾਨ ਅਪਣੇ ਦਿਮਾਗ ਨਾਲ ਕੰਟਰੋਲ ਕਰੇਗਾ। ਖੋਜਕਰਤਾ ਐਂਗਸ ਮੈਕਮੋਲੈਂਡ ਦਾ ਕਹਿਣਾ ਹੈ ਕਿ ਇਸ ਤਕਨੀਕ ਦੀ ਮਦਦ ਨਾਲ ਚੂਹੇ 'ਤੇ ਛੋਟਾ ਵਾਕੀ-ਟਾਕੀ ਲਗਾ ਕੇ ਅਤੇ ਛੋਟਾ ਕੈਮਰਾ ਲਗਾ ਕੇ ਢਹਿ ਚੁੱਕੀ ਇਮਾਰਤ ਦੇ ਅੰਦਰ ਇਨਸਾਨਾਂ ਨੂੰ ਲੱਭਣ ਲਈ ਭੇਜਿਆ ਜਾ ਸਕਦਾ ਹੈ।