ਪਹਿਲੇ ਸਿੱਖ ਯੂਐੱਫਸੀ.ਫਾਈਟਰ ਅਰਜਨ ਸਿੰਘ ਭੁੱਲਰ ਖੇਡਾਂ ਦੇ 25 ਸਾਲ ਦੇ ਇਤਿਹਾਸ ਵਿਚ ਪਹਿਲੀ ਵਾਰ 14 ਅਪ੍ਰੈਲ, 2018 ਨੂੰ ਗਲੇਨਡੇਲ, ...
ਗਲੇਨਡੇਲ : ਪਹਿਲੇ ਸਿੱਖ ਯੂਐੱਫਸੀ.ਫਾਈਟਰ ਅਰਜਨ ਸਿੰਘ ਭੁੱਲਰ ਖੇਡਾਂ ਦੇ 25 ਸਾਲ ਦੇ ਇਤਿਹਾਸ ਵਿਚ ਪਹਿਲੀ ਵਾਰ 14 ਅਪ੍ਰੈਲ, 2018 ਨੂੰ ਗਲੇਨਡੇਲ, ਅਰੀਜ਼ੋਨਾ ਵਿਚ ਆਪਣੇ ਮੁਕਾਬਲੇ ਦੌਰਾਨ ਪੱਗੜੀ ਬੰਨ੍ਹਣਗੇ। ਭੁੱਲਰ ਆਪਣੇ ਆਉਣ ਵਾਲੇ ਮੁਕਾਬਲੇ ਤੋਂ ਇਕ ਮਹੀਨਾ ਪਹਿਲਾਂ ਹੀ ਫੋਨੀਕਸ, ਅਰੀਜ਼ੋਨਾ ਵਿਚ ਸਨ ਕਿਉਂਕਿ ਉਹ ਜਿੱਤ ਤੋਂ ਕੁਝ ਜ਼ਿਆਦਾ ਦੇਣ ਦੀ ਇੱਛਾ ਰੱਖਦੇ ਹਨ।
UFC fighter Arjan Bhullar Turbun
ਇਸ ਦੌਰਾਨ ਉਹ ਗੁਰਦੁਆਰਿਆਂ ਸਮੇਤ ਕਈ ਥਾਵਾਂ 'ਤੇ ਜਾ ਕੇ ਨਤਮਸਤਕ ਹੋਏ। ਅਰਜਨ ਨੇ ਰਾਸ਼ਟਰੀ ਸਿੱਖ ਮੁਹਿੰਮ ਦੇ ਨਾਲ ਇਕ ਸਾਂਝੇਦਾਰੀ ਕੀਤੀ ਹੈ, ਜਿਸ ਤਹਿਤ ਉਹ ਸਿੱਖਾਂ ਬਾਰੇ ਜਾਗਰੂਕਤਾ ਅਤੇ ਸਿਖਿਆ ਵਧਾਉਣ ਲਈ ਆਪਣੇ ਖੇਡ ਸਮਾਗਮ ਦੀ ਵਰਤੋਂ ਕਰਨਗੇ। ਇਸ ਤੋਂ ਇਲਾਵਾ ਉਹ ਇਸ ਖੇਡ ਵਿਚ ਭਾਰਤੀ ਭਾਈਚਾਰੇ ਅਤੇ ਹੋਰ ਦਖਣੀ ਏਸ਼ੀਆਈ ਲੋਕਾਂ ਦੀ ਦਿਲਚਸਪੀ ਅਤੇ ਨੁਮਾਇੰਦਗੀ ਵਧਾਉਣ ਦੀ ਉਮੀਦ ਕਰ ਰਹੇ ਹਨ।
UFC fighter Arjan Bhullar Turbun
ਅਰਜਨ ਭੁੱਲਰ ਨੇ ਆਖਿਆ ਕਿ ਉਹ ਇਹ ਮਹਿਸੂਸ ਕਰਦੇ ਹਨ ਕਿ ਖੇਡਾਂ ਨੂੰ ਪਾਰ ਕਰਨ ਲਈ ਮਿਕਸਡ ਮਾਰਸ਼ਲ ਆਰਟਸ ਵਿਚ ਆਪਣੇ ਮੰਚ ਅਤੇ ਕਰੀਅਰ ਦੀ ਵਰਤੋਂ ਕਰਨਾ ਮੇਰੇ ਲਈ ਮਹੱਤਵਪੂਰਨ ਹੈ। ਉਨ੍ਹਾਂ ਕਿਹਾ ਕਿ ਉਹ ਆਪਣੇ ਭਾਈਚਾਰੇ ਦੀਆਂ ਸਾਰੀਆਂ ਰੁਕਾਵਟਾਂ ਦੂਰ ਕਰਨਾ ਚਾਹੁੰਦੇ ਹਨ। ਹਰ ਸਭਿਆਚਾਰ ਦੀਆਂ ਆਪਣੀਆਂ ਖੇਡਾਂ ਅਤੇ ਆਈਕਨ (icon) ਹਨ।
UFC fighter Arjan Bhullar Turbun
ਉਨ੍ਹਾਂ ਕਿਹਾ ਕਿ ਮੈਂ ਉਮੀਦ ਕਰਦੇ ਹਾਂ ਕਿ ਇਕ ਦਿਨ ਮੈਂ ਦੱਖਣੀ ਏਸ਼ੀਆਈ ਭਾਈਚਾਰੇ ਲਈ ਇਕ ਆਈਕਨ ਬਣ ਸਕਦਾ ਹਾਂ। ਭੁੱਲਰ ਨੇ ਅੱਗੇ ਬੋਲਦਿਆਂ ਆਖਿਆ ਕਿ ਮੇਰੇ ਲਈ ਜ਼ਰੂਰੀ ਹੈ ਕਿ ਰਿੰਗ ਵਿਚ ਉਤਰਨ ਸਮੇਂ ਮੈਂ ਪੱਗ ਬੰਨ੍ਹਾਂ। ਮੇਰੇ ਲਈ ਇਸ ਗੱਲ ਦੀ ਨੁਮਾਇੰਦਗੀ ਕਰਨਾ ਬੇਹੱਦ ਮਹੱਤਵਪੂਰਨ ਹੈ ਕਿ ਮੈਂ ਕਿੱਥੋਂ ਆਇਆਂ ਹਾਂ ਅਤੇ ਮੇਰੇ ਲੋਕ ਕੀ ਹਨ।
UFC fighter Arjan Bhullar Turbun
ਫੀਨਿਕਸ ਦੀ ਇਕ ਮਹੱਤਵਪੂਰਨ ਘਟਨਾ ਹੈ ਜੋ 9/11 ਤੋਂ ਕੁੱਝ ਸਮੇਂ ਬਾਅਦ ਵਾਪਰੀ ਸੀ। ਇਥੇ ਮੇਸਾ ਵਿਚ ਬਲਬੀਰ ਸਿੰਘ ਸੋਢੀ ਨਾਂ ਦੇ ਸਿੱਖ ਦਾ ਇਸ ਕਰ ਕੇ ਕਤਲ ਕਰ ਦਿਤਾ ਗਿਆ ਸੀ ਕਿਉਂਕਿ ਉਸ ਨੇ ਪੱਗ ਬੰਨ੍ਹੀ ਹੋਈ ਸੀ। ਅਰਜਨ ਨੇ 16 ਮਾਰਚ ਨੂੰ ਸੋਢੀ ਪਰਿਵਾਰ ਨਾਲ ਮੁਲਾਕਾਤ ਕੀਤੀ। ਫੀਨਿਕਸ ਸਿੱਖ ਭਾਈਚਾਰੇ ਦੀ ਇਕ ਆਗੂ ਅੰਜਲੀਨ ਕੌਰ ਅਤੇ ਫੈਨੀਕਸ 'ਲੀਡ ਫੌਰ ਵੂਈ ਆਰ ਸਿੱਖਸ' ਨੇ ਆਖਿਆ ਕਿ ਅਰਜਨ ਭੁੱਲਰ ਸਾਡੇ ਨੌਜਵਾਨਾਂ ਨੂੰ ਇਕ ਤਰ੍ਹਾਂ ਨਾਲ ਆਕਰਸ਼ਿਤ ਅਤੇ ਪ੍ਰੇਰਿਤ ਕਰ ਰਹੇ ਹਨ, ਅਜਿਹਾ ਅਸੀਂ ਪਹਿਲਾਂ ਕਦੇ ਨਹੀਂ ਕਰ ਸਕੇ। ਉਨ੍ਹਾਂ ਕਿਹਾ ਕਿ ਸਾਡੇ ਸਿੱਖ ਬੱਚਿਆਂ ਨੇ ਸੰਯੁਕਤ ਰਾਜ ਅਮਰੀਕਾ ਦੇ ਇਕ ਸਫ਼ਲ ਐਥਲੀਟ ਨੂੰ ਕਦੇ ਨਹੀਂ ਦੇਖਿਆ ਸੀ, ਜਿਸ ਦਾ ਰੰਗ ਅਤੇ ਭਾਸ਼ਾ ਉਨ੍ਹਾਂ ਵਰਗੀ ਹੀ ਹੈ।
UFC fighter Arjan Bhullar Turbun
ਅਰਜਨ ਭੁੱਲਰ 14 ਅਪ੍ਰੈਲ ਨੂੰ ਦੁਨੀਆ ਨੂੰ 5ਵੇਂ ਸਭ ਤੋਂ ਵੱਡੇ ਧਰਮ ਲਈ ਜਾਗਰੂਕਤਾ ਪੈਦਾ ਕਰਨ ਲਈ, ਭਾਈਚਾਰੇ ਦੀ ਨੁਮਾਇੰਦਗੀ ਕਰਨ ਲਈ ਇਕ ਤਾਕਤਵਰ ਅਤੇ ਮਹੱਤਵਪੂਰਨ ਤਰੀਕ ਦੇ ਤੌਰ 'ਤੇ ਦੇਖ ਰਹੇ ਹਨ। ਬੀਤੇ ਸਾਲ ਅਰਜਨ ਨੂੰ ਲੁਈਸ ਹੈਨਰੀਕ ਵਿਰੁਧ ਫਾਈਟ ਕਰਨ ਦੌਰਾਨ ਪੱਗ ਬੰਨ੍ਹਣ ਤੋਂ ਮਨ੍ਹਾਂ ਕਰ ਦਿਤਾ ਗਿਆ ਸੀ।
UFC fighter Arjan Bhullar Turbun
ਉਂਝ ਫਾਈਟਰਾਂ ਨੂੰ ਸਪਾਂਸਰ ਕੀਤੇ ਗਏ ਕੱਪੜੇ ਪਹਿਨਣੇ ਚਾਹੀਦੇ ਹਨ ਪਰ ਭੁੱਲਰ (31) ਅਤੇ ਰੀਬੌਕ ਨਿੱਜੀ ਪੱਗ ਬੰਨ੍ਹਣ 'ਤੇ ਸਹਿਮਤ ਨਹੀਂ ਹੋਏ। ਭੁੱਲਰ ਨੇ ਲੰਡਨ 2012 ਵਿਚ ਕੁਸ਼ਤੀ ਵਿਚ ਕੈਨੇਡਾ ਦੀ ਨੁਮਾਇੰਦਗੀ ਕੀਤੀ ਸੀ। ਸਤੰਬਰ ਵਿਚ ਲੁਈਸ ਹੈਨਰੀਕ ਨੂੰ ਹਰਾਉਣ ਮਗਰੋਂ ਕੈਨੇਡੀਅਨ ਯੂਐੱਫਸੀ ਵਿਚ ਜਿੱਤਣ ਵਾਲੇ ਉਹ ਪਹਿਲੇ ਭਾਰਤੀ ਫਾਈਟਰ ਬਣ ਗਏ ਸਨ।
