Wife of Iran's Supreme Leader Khamenei killed in US strike
ਇਰਾਨ ਦੇ ਸਰਕਾਰੀ ਮੀਡੀਆ ਨੇ ਕੀਤੀ ਪੁਸ਼ਟੀ
ਤੇਹਰਾਨ : ਇਰਾਨ ਦੇ ਸਰਬਉੱਚ ਨੇਤਾ ਅਲੀ ਖ਼ਾਮੇਨੇਈ ਦੀ ਪਤਨੀ ਮੰਸੂਰੇਹ ਖੋਜਸਤੇ ਬਾਗਰਜ਼ਾਦੇਹ ਦਾ ਵੀ ਦੇਹਾਂਤ ਹੋ ਗਿਆ ਹੈ। ਰੀਪੋਰਟ ਾਂ ਮੁਤਾਬਕ, ਉਹ ਅਮਰੀਕੀ ਅਤੇ ਇਸਰਾਈਲੀ ਹਮਲੇ ਦੌਰਾਨ ਗੰਭੀਰ ਜ਼ਖ਼ਮੀ ਹੋਈ ਸੀ ਅਤੇ ਕੋਮਾ ਵਿਚ ਚਲੀ ਗਈ ਸੀ। 28 ਫ਼ਰਵਰੀ ਨੂੰ ਹੋਏ ਹਮਲੇ ਵਿਚ ਖ਼ਾਮੇਨੇਈ ਖ਼ੁਦ ਵੀ ਮਾਰੇ ਗਏ ਸਨ, ਨਾਲ ਹੀ ਰਾਜ ਪ੍ਰਬੰਧ ਦੇ ਕਈ ਉੱਚ ਅਧਿਕਾਰੀ ਵੀ ਹਲਾਕ ਹੋਏ। ਇਰਾਨੀ ਰਾਜ ਮੀਡੀਆ ਨੇ ਪੁਸ਼ਟੀ ਕੀਤੀ ਕਿ ਖ਼ਾਮੇਨੇਈ ਦੀ ਧੀ, ਜਵਾਈ, ਪੋਤਾ ਅਤੇ ਇਕ ਹੋਰ ਪਰਵਾਰ ਕ ਮੈਂਬਰ ਵੀ ਇਸ ਹਮਲੇ ਵਿਚ ਮਾਰੇ ਗਏ ਸਨ। ਮੰਸੂਰੇਹ ਖੋਜਸਤੇ ਬਾਗਰਜ਼ਾਦੇਹ ਨੇ 1964 ਵਿਚ ਅਲੀ ਖ਼ਾਮੇਨੇਈ ਨਾਲ ਵਿਆਹ ਕੀਤਾ ਸੀ। ਉਨ੍ਹਾਂ ਦੇ ਛੇ ਬੱਚੇ ਹਨ – ਮੁਸਤਫ਼ਾ, ਮੋਜਤਬਾ, ਮਸੂਦ, ਮੈਸਮ, ਬੋਸ਼ਰਾ ਅਤੇ ਹੋਦਾ। ਇਹ ਘਟਨਾ ਇਰਾਨ ਵਿਚ ਸਿਆਸੀ ਅਤੇ ਸਮਾਜਕ ਹਲਚਲ ਨੂੰ ਹੋਰ ਗੰਭੀਰ ਬਣਾਉਂਦੀ ਹੈ ਅਤੇ ਖੇਤਰ ਵਿਚ ਤਣਾਅ ਵਧਾਉਂਦੀ ਹੈ।
