ਪਿਛਲੇ ਦੋ ਦਹਾਕੇ ਤੋਂ ਈਰਾਨ ’ਚ ਦਬਦਬੇ ’ਚ ਹਨ ਕੱਟੜਪੰਥੀ
ਦੁਬਈ: ਈਰਾਨ ਦੀ ਰਾਜਧਾਨੀ ਤਹਿਰਾਨ ’ਚ ਸੰਸਦੀ ਚੋਣਾਂ ਖਤਮ ਹੋਣ ਤੋਂ ਇਕ ਦਿਨ ਬਾਅਦ ਸ਼ੁਰੂਆਤੀ ਵੋਟਾਂ ਦੀ ਗਿਣਤੀ ’ਚ ਕੱਟੜਪੰਥੀਆਂ ਨੇ ਲੀਡ ਬਣਾ ਲਈ ਹੈ। ਸਰਕਾਰੀ ਮੀਡੀਆ ਨੇ ਸਨਿਚਰਵਾਰ ਨੂੰ ਇਸ ਸਬੰਧੀ ਜਾਣਕਾਰੀ ਦਿਤੀ ।
ਸਰਕਾਰੀ ਸਮਾਚਾਰ ਏਜੰਸੀ ਇਰਨਾ ਅਤੇ ਸਰਕਾਰੀ ਟੈਲੀਵਿਜ਼ਨ ਨੇ ਕਿਹਾ ਕਿ ਤਹਿਰਾਨ ਵਿਚ ਹੁਣ ਤਕ 5,000 ਵੋਟਾਂ ਵਿਚੋਂ 1,960 ਵੋਟਾਂ ਦੀ ਗਿਣਤੀ ਕੀਤੀ ਜਾ ਚੁਕੀ ਹੈ। ਇਸ ਨੇ ਗ੍ਰਹਿ ਮੰਤਰਾਲੇ ਦੀ ਹਰ ਘੰਟੇ ਅਪਡੇਟ ਕੀਤੀ ਜਾ ਰਹੀ ਰੀਪੋਰਟ ਦੇ ਆਧਾਰ ’ਤੇ ਇਹ ਜਾਣਕਾਰੀ ਦਿਤੀ ।
ਅਧਿਕਾਰੀਆਂ ਨੇ ਅਜੇ ਤਕ ਕੁਲ ਵੋਟਿੰਗ ਫ਼ੀ ਸਦੀ ਜਾਰੀ ਨਹੀਂ ਕੀਤਾ ਹੈ। ਹਾਲਾਂਕਿ, ਇਰਨਾ ਨੇ ਗੈਰ-ਅਧਿਕਾਰਤ ਰੀਪੋਰਟਾਂ ਦੇ ਅਧਾਰ ’ਤੇ ਇਸ ਨੂੰ 41 ਫ਼ੀ ਸਦੀ ’ਤੇ ਰੱਖਿਆ ਹੈ। ਪਿਛਲੇ ਦੋ ਦਹਾਕਿਆਂ ਤੋਂ ਸੰਸਦ ’ਤੇ ਕੱਟੜਪੰਥੀਆਂ ਦਾ ਦਬਦਬਾ ਰਿਹਾ ਹੈ ਅਤੇ ਇਸ ਦੇ ਸੈਸ਼ਨ ਦੌਰਾਨ ਅਕਸਰ ‘ਅਮਰੀਕਾ ਮੁਰਦਾਬਾਦ‘ ਸੁਣਿਆ ਜਾਂਦਾ ਹੈ।
22 ਸਾਲਾ ਮਹਿਸਾ ਅਮੀਨੀ ਦੀ 16 ਸਤੰਬਰ, 2022 ਨੂੰ ਪੁਲਿਸ ਹਿਰਾਸਤ ’ਚ ਮੌਤ ਹੋ ਗਈ ਸੀ, ਜਦੋਂ ਉਸ ਨੂੰ ਦੇਸ਼ ਦੇ ਦਮਨਕਾਰੀ ਹਿਜਾਬ ਪਹਿਨਣ ਦੀ ਉਲੰਘਣਾ ਕਰਨ ਦੇ ਦੋਸ਼ ’ਚ ਗ੍ਰਿਫਤਾਰ ਕੀਤਾ ਗਿਆ ਸੀ। ਇਸ ਦੇ ਵਿਰੁਧ ਦੇਸ਼ ਵਿਆਪੀ ਵਿਰੋਧ ਪ੍ਰਦਰਸ਼ਨ ਹੋਏ, ਜਿਸ ’ਤੇ ਸਖਤ ਕਾਰਵਾਈ ਕੀਤੀ ਗਈ।
