ਰਿਤਿਕ ਰੋਸ਼ਨ, ਆਰਆਰਆਰ ਅਤੇ ਕੇਜੀਐਫ ਥੀਮ ਵਾਲੀਆਂ ਵਾਟਰ ਗਨ ਵੀ ਮਾਰਕੀਟ ਵਿੱਚ ਆਈਆਂ
ਰੰਗਾਂ ਦੇ ਤਿਉਹਾਰ ਹੋਲੀ ਵਿਚ ਸਿਰਫ਼ ਚਾਰ ਦਿਨ ਹੀ ਰਹਿ ਗਏ ਹੈ। ਜਿਸ ਨੂੰ ਲੈ ਕੇ ਦੇਸ਼ ਦੇ ਸਾਰੇ ਰਾਜਾਂ ਵਿਚ ਰੰਗਾਂ ਨਾਲ ਬਾਜ਼ਾਰ ਸਜੇ ਹੋਏ ਹਨ। ਉਤਰਾਖੰਡ ਦੇ ਹਲਦਵਾਨੀ ਵਿਚ ਵੀ ਬਾਜ਼ਾਰਾਂ 'ਚ ਰੌਣਕ ਵੇਖੀ ਜਾ ਰਹੀ ਹੈ। ਦੁਕਾਨਾਂ 'ਤੇ ਭਾਰੀ ਭੀੜ ਦੇ ਵਿਚਕਾਰ, ਲੋਕ ਮੋਦੀ-ਯੋਗੀ ਵਾਲੀ ਪਾਣੀ ਦੀਆਂ ਪਿਚਕਾਰੀਆਂ ਅਤੇ ਬੁਲਡੋਜ਼ਰ ਸਟਿੱਕਰਾਂ ਵਾਲੇ ਟੈਂਕ ਖਰੀਦ ਰਹੇ ਹਨ।
ਦੁਕਾਨਦਾਰਾਂ ਨੇ ਇਸ ਵਾਰ ਖਾਸ ਕਰਕੇ "ਰੰਗ ਬੰਬ" ਲਿਆਂਦੇ ਹਨ, ਜੋ ਫਟਣ 'ਤੇ ਅਸਮਾਨ ਤੋਂ ਰੰਗਾਂ ਦੀ ਵਰਖਾ ਕਰਨਗੇ। ਬੱਚਿਆਂ ਅਤੇ ਨੌਜਵਾਨਾਂ ਲਈ, ਇੱਕ "ਸਮਾਰਟ ਵਾਟਰ ਗਨ" ਹੈ ਜੋ ਇੱਕ ਬਟਨ ਦਬਾਉਣ 'ਤੇ ਆਪਣੇ ਆਪ ਰੰਗਾਂ ਨਾਲ ਭਰ ਜਾਂਦੀ ਹੈ ਅਤੇ ਫਿਰ ਇੱਕ ਵਾਰ ਕਲਿੱਕ ਕਰਕੇ ਇਸ ਨੂੰ ਦੂਰ-ਦੂਰ ਤੱਕ ਸਪਰੇਅ ਕੀਤਾ ਜਾ ਸਕਦਾ ਹੈ।
ਰਿਤਿਕ ਰੋਸ਼ਨ, ਆਰਆਰਆਰ ਅਤੇ ਕੇਜੀਐਫ ਥੀਮ ਵਾਲੀਆਂ ਵਾਟਰ ਗਨ ਵੀ ਮਾਰਕੀਟ ਵਿੱਚ ਆਈਆਂ ਹਨ। ਇਸ ਵਾਰ ਵੀ ਹੋਲੀ ਵਿੱਚ ਰਾਜਨੀਤਿਕ ਰੰਗਾਂ ਦਾ ਬੋਲਬਾਲਾ ਹੈ। ਬਾਜ਼ਾਰਾਂ ਵਿਚ ਗੁਲਾਲ ਦੀ ਮੰਗ ਰਿਕਾਰਡ ਤੋੜ ਰਹੀ ਹੈ। ਬਾਜ਼ਾਰ ਵਿਚ ਹਰ ਵਰਗ ਲਈ ਜੇਬ ਦਾ ਧਿਆਨ ਰੱਖਿਆ ਗਿਆ ਹੈ। ਕੀਮਤਾਂ 20-50 ਰੁਪਏ ਤੋਂ ਲੈ ਕੇ ਅਤਿ-ਆਧੁਨਿਕ ਟੈਂਕਾਂ ਦੀਆਂ 700 ਤੋਂ 3000 ਰੁਪਏ ਤੱਕ ਹਨ। ਗੁਲਾਲ 20 ਤੋਂ 30 ਰੁਪਏ ਪ੍ਰਤੀ ਪੈਕੇਟ ਵਿੱਚ ਉਪਲਬਧ ਹੈ।
