Gold and cash worth crores found at retired ARTO's house.
ਵਿਜੀਲੈਂਸ ਨੇ ਛਾਪੇਮਾਰੀ ਦੌਰਾਨ 13 ਕਿੱਲੋ ਸੋਨਾ, 9 ਕਿੱਲੋ ਚਾਂਦੀ ਅਤੇ 1.62 ਕਰੋੜ ਦੀ ਨਕਦੀ ਕੀਤੀ ਬਰਾਮਦ
ਲਖਨਊ : ਉੱਤਰ ਪ੍ਰਦੇਸ਼ ਵਿੱਚ ਵਿਜੀਲੈਂਸ ਵਿਭਾਗ ਨੇ ਸੇਵਾਮੁਕਤ ਸਹਾਇਕ ਖੇਤਰੀ ਆਵਾਜਾਈ ਅਧਿਕਾਰੀ (ਏ.ਆਰ.ਟੀ.ਓ.) ਲਲਿਤ ਕੁਮਾਰ ਦੇ ਲਖਨਊ ਸਥਿਤ ਘਰ 'ਤੇ ਛਾਪਾ ਮਾਰਿਆ । 26 ਘੰਟੇ ਚੱਲੀ ਇਸ ਛਾਪੇਮਾਰੀ ਦੌਰਾਨ, ਲਲਿਤ ਕੁਮਾਰ ਦੇ ਲਖਨਊ ਸਥਿਤ ਘਰ ਤੋਂ 13 ਕਿਲੋ ਸੋਨਾ, 9 ਕਿਲੋ ਚਾਂਦੀ ਅਤੇ ਅੰਦਾਜ਼ਨ 20 ਕਰੋੜ ਰੁਪਏ ਦੇ ਹੀਰੇ ਦੇ ਗਹਿਣੇ ਬਰਾਮਦ ਕੀਤੇ ਗਏ।
ਤਲਾਸ਼ੀ ਦੌਰਾਨ, ਟੀਮ ਨੂੰ ਲਗਭਗ 1.62 ਕਰੋੜ ਰੁਪਏ ਦੀ ਨਕਦੀ ਵੀ ਮਿਲੀ, ਜੋ ਉਸ ਨੇ ਕੰਧਾਂ ਅਤੇ ਵੱਖ-ਵੱਖ ਕਮਰਿਆਂ ਵਿੱਚ ਪੈਕੇਟਾਂ ਵਿੱਚ ਲੁਕਾਈ ਹੋਈ ਸੀ । 15 ਥਾਵਾਂ 'ਤੇ ਘਰਾਂ, ਫਲੈਟਾਂ ਅਤੇ ਖੇਤੀਬਾੜੀ ਜ਼ਮੀਨ ਦੇ ਦਸਤਾਵੇਜ਼ ਵੀ ਮਿਲੇ । ਵਿਜੀਲੈਂਸ ਵਿਭਾਗ ਨੇ ਬਰਾਮਦ ਕੀਤੀ ਗਈ ਜਾਇਦਾਦ ਦੀ ਕੁੱਲ ਕੀਮਤ ਲਗਭਗ 35 ਕਰੋੜ ਰੁਪਏ ਹੋਣ ਦਾ ਅਨੁਮਾਨ ਲਗਾਇਆ ਹੈ।
