ਅੱਜ ਆਈਪੀਐਲ ਦਾ ਪਹਿਲਾ ਕੁਆਲੀਫ਼ਾਇਰ ਮੈਚ ਪੰਜਾਬ ਕਿੰਗਜ਼ ਤੇ ਰਾਇਲ ਚੈਲੇਂਜ਼ਰ ਬੰਗਲੌਰ ਵਿਚਾਲੇ ਖੇਡਿਆ ਜਾਵੇਗਾ
Punjab Kings: ਆਈਪੀਐਲ 2025 ਵਿੱਚ ਪੰਜਾਬ ਕਿੰਗਜ਼ ਦੀ ਟੀਮ ਨੇ ਲਖਨਊ ਸੁਪਰ ਜਾਇੰਟਸ ਦੀ ਟੀਮ ਨੂੰ 37 ਦੌੜਾਂ ਨਾਲ ਹਰਾਇਆ। ਇਸ ਮੈਚ ਵਿੱਚ ਪੰਜਾਬ ਨੇ 236 ਦੌੜਾਂ ਦਾ ਵੱਡਾ ਸਕੋਰ ਖੜ੍ਹਾ ਕੀਤਾ ਸੀ, ਜਿਸ ਦੇ ਜਵਾਬ ਵਿੱਚ ਰਿਸ਼ਭ ਪੰਤ ਦੀ ਲਖਨਊ ਸੁਪਰ ਜਾਇੰਟਸ ਸਿਰਫ਼ 199 ਦੌੜਾਂ ਹੀ ਬਣਾ ਸਕੀ। ਇਸ ਜਿੱਤ ਨਾਲ ਪੰਜਾਬ ਕਿੰਗਜ਼ ਅੰਕ ਸੂਚੀ ਵਿੱਚ ਦੂਜੇ ਸਥਾਨ 'ਤੇ ਪਹੁੰਚ ਗਿਆ। ਇਸ ਦੇ ਨਾਲ ਹੀ ਪੰਜਾਬ ਦੀ ਟੀਮ ਨੇ ਆਈਪੀਐਲ ਵਿੱਚ ਆਪਣਾ 11 ਸਾਲ ਪੁਰਾਣਾ ਸੋਕਾ ਖ਼ਤਮ ਕਰ ਦਿੱਤਾ ਹੈ।
ਅੱਜ ਆਈਪੀਐਲ ਦਾ ਪਹਿਲਾ ਕੁਆਲੀਫ਼ਾਇਰ ਮੈਚ ਹੋਵੇਗਾ। ਇਹ ਮੈਚ ਪੰਜਾਬ ਕਿੰਗਜ਼ ਤੇ ਰਾਇਲ ਚੈਲੇਂਜ਼ਰ ਬੰਗਲੌਰ ਵਿਚਾਲੇ ਮੁੁੱਲਾਂਪੁਰ (ਚੰਡੀਗੜ੍ਹ) ਵਿਚ ਖੇਡਿਆ ਜਾਵੇਗਾ।
ਪੰਜਾਬ ਕਿੰਗਜ਼ ਨੇ 2014 ਤੋਂ ਬਾਅਦ ਪਹਿਲੀ ਵਾਰ ਲੀਗ ਵਿੱਚ 14 ਅੰਕਾਂ ਦਾ ਅੰਕੜਾ ਪਾਰ ਕੀਤਾ। ਇਸ ਦਾ ਮਤਲਬ ਹੈ ਕਿ 11 ਸਾਲਾਂ ਬਾਅਦ, ਪੰਜਾਬ ਨੇ ਆਈਪੀਐਲ ਵਿੱਚ 14 ਤੋਂ ਵੱਧ ਅੰਕ ਪ੍ਰਾਪਤ ਕੀਤੇ ਹਨ। ਇਸ ਵਾਰ ਉਸ ਦਾ ਸੀਜ਼ਨ ਕੁਝ ਖਾਸ ਜਾਪਦਾ ਹੈ। ਉਸ ਨੇ ਨਿਲਾਮੀ ਵਿੱਚ ਸਹੀ ਖਿਡਾਰੀਆਂ ਨੂੰ ਚੁਣਿਆ।
ਕੋਚ-ਕਪਤਾਨ ਰਿੱਕੀ ਪੋਂਟਿੰਗ ਅਤੇ ਸ਼੍ਰੇਅਸ ਅਈਅਰ ਦੀ ਜੋੜੀ 2020 ਤੋਂ ਬਾਅਦ ਪਹਿਲੀ ਵਾਰ ਇਕੱਠੀ ਹੋਈ ਹੈ।
ਪੰਜਾਬ ਦਾ ਸਭ ਤੋਂ ਵਧੀਆ ਪ੍ਰਦਰਸ਼ਨ 2014 ਵਿੱਚ ਸੀ। ਉਦੋਂ ਉਨ੍ਹਾਂ ਨੇ 11 ਮੈਚ ਜਿੱਤੇ ਸਨ ਅਤੇ 22 ਅੰਕਾਂ ਨਾਲ ਟੇਬਲ ਵਿੱਚ ਸਿਖ਼ਰ 'ਤੇ ਸੀ।
PBKS ਦੀ ਕੁਆਲੀਫਾਈ ਦੇ ਨਾਲ, ਸ਼੍ਰੇਅਸ ਅਈਅਰ, ਜੋ ਪਹਿਲੀ ਵਾਰ ਪੰਜਾਬ ਦੀ ਅਗਵਾਈ ਕਰ ਰਿਹਾ ਹੈ, 3 ਫ੍ਰੈਂਚਾਇਜ਼ੀ ਨੂੰ IPL ਪਲੇਆਫ ਵਿੱਚ ਲੈ ਜਾਣ ਵਾਲਾ ਪਹਿਲਾ ਕਪਤਾਨ ਬਣ ਗਿਆ। ਸ਼੍ਰੇਅਸ ਨੇ ਪਿਛਲੇ ਸਾਲ KKR ਲਈ ਖਿਤਾਬ ਜਿੱਤਿਆ ਸੀ ਅਤੇ 2020 ਸੀਜ਼ਨ ਵਿੱਚ ਮੁੰਬਈ ਇੰਡੀਅਨਜ਼ (MI) ਵਿਰੁੱਧ ਫਾਈਨਲ ਸਮੇਤ ਦੋ ਮੌਕਿਆਂ 'ਤੇ ਦਿੱਲੀ ਕੈਪੀਟਲਜ਼ ਨੂੰ ਪਲੇਆਫ ਵਿੱਚ ਲੈ ਗਿਆ ਸੀ।
ਆਈਪੀਐਲ 2025 ਦੀ ਮੈਗਾ ਨਿਲਾਮੀ ਵਿੱਚ, ਸ਼੍ਰੇਅਸ ਨੂੰ ਪੰਜਾਬ ਕਿੰਗਜ਼ ਨੇ 26.75 ਕਰੋੜ ਰੁਪਏ ਵਿੱਚ ਖਰੀਦਿਆ, ਜਿਸ ਨਾਲ ਉਹ ਆਈਪੀਐਲ ਇਤਿਹਾਸ ਦਾ ਦੂਜਾ ਸਭ ਤੋਂ ਮਹਿੰਗਾ ਖਿਡਾਰੀ ਬਣ ਗਿਆ। ਇਸ ਸੀਜ਼ਨ ਵਿੱਚ ਹੋਰ ਮਹਿੰਗੇ ਖਿਡਾਰੀਆਂ ਦੇ ਉਲਟ, ਅਈਅਰ ਕਪਤਾਨ ਅਤੇ ਬੱਲੇਬਾਜ਼ ਦੋਵਾਂ ਵਜੋਂ ਉਮੀਦਾਂ 'ਤੇ ਖਰਾ ਉਤਰਿਆ। 12 ਮੈਚਾਂ ਵਿੱਚ, ਉਸਨੇ 48.33 ਦੀ ਪ੍ਰਭਾਵਸ਼ਾਲੀ ਔਸਤ ਨਾਲ 435 ਦੌੜਾਂ ਬਣਾਈਆਂ ਹਨ, ਜਦੋਂ ਕਿ 174.70 ਦੀ ਸਟ੍ਰਾਈਕ ਰੇਟ ਨਾਲ 4 ਅਰਧ ਸੈਂਕੜੇ ਲਗਾਏ ਹਨ। ਸ਼੍ਰੇਅਸ (27) ਇਸ ਸਮੇਂ ਲਖਨਊ ਸੁਪਰ ਜਾਇੰਟਸ ਦੇ ਬੱਲੇਬਾਜ਼ ਨਿਕੋਲਸ ਪੂਰਨ (34) ਤੋਂ ਬਾਅਦ ਆਈਪੀਐਲ ਦੇ ਮੌਜੂਦਾ ਸੀਜ਼ਨ ਵਿੱਚ ਦੂਜੇ ਸਭ ਤੋਂ ਵੱਧ ਛੱਕੇ ਮਾਰਨ ਵਾਲੇ ਖਿਡਾਰੀ ਹਨ।
