ਖ਼ਬਰਾਂ |

ਤਾਜ਼ਾ |

ਏਸ਼ੀਆਈ ਖੇਡਾਂ 2026: ਵਿਥਿਆ ਰਾਮਰਾਜ ਨੇ 400 ਮੀਟਰ ਰੁਕਾਵਟ ਦੌੜ ਵਿੱਚ ਜਿੱਤਿਆ ਕਾਂਸੀ ਦਾ ਤਗਮਾ
Published : Sep 28, 2026, 5:19 pm IST
Updated : Sep 28, 2026, 5:19 pm IST
SHARE ARTICLE
Asian Games 2026: Vithiya Ramraj wins bronze medal in 400m hurdles
Asian Games 2026: Vithiya Ramraj wins bronze medal in 400m hurdles

ਭਾਰਤ ਦੇ ਖਾਤੇ 'ਚ ਹੁਣ ਤੱਕ 4 ਸੋਨੇ ਦੇ, 17 ਚਾਂਦੀ ਦੇ ਅਤੇ 19 ਕਾਂਸੀ ਦੇ ਤਗਮੇ

ਨਾਗੋਆ: ਭਾਰਤ ਦੀ ਵਿਥਿਆ ਰਾਮਰਾਜ ਨੇ ਸੋਮਵਾਰ ਨੂੰ ਇੱਥੇ ਏਸ਼ਿਆਈ ਖੇਡਾਂ ਦੀਆਂ ਔਰਤਾਂ ਦੀ 400 ਮੀਟਰ ਹਰਡਲਜ਼ (ਰੁਕਾਵਟ ਦੌੜ) ਵਿੱਚ ਕਾਂਸੀ ਦਾ ਤਗਮਾ ਜਿੱਤਿਆ, ਪਰ ਲੰਬੀ ਦੂਰੀ ਦੇ ਧਾਵਕ ਅਵਿਨਾਸ਼ ਸਾਬਲੇ ਪੁਰਸ਼ਾਂ ਦੀ 3000 ਮੀਟਰ ਸਟੀਪਲਚੇਜ਼ ਫਾਈਨਲ ਵਿੱਚ ਆਪਣੇ ਸੋਨੇ ਦੇ ਤਗਮੇ ਦਾ ਬਚਾਅ ਕਰਨ ਵਿੱਚ ਨਾਕਾਮ ਰਹਿੰਦੇ ਹੋਏ ਚੌਥੇ ਸਥਾਨ ’ਤੇ ਰਹੇ।

ਵਿਥਿਆ ਨੇ 54.75 ਸੈਕਿੰਡ ਦੇ ਆਪਣੇ ਨਿੱਜੀ ਸਰਵੋਤਮ ਪ੍ਰਦਰਸ਼ਨ ਨਾਲ ਕਾਂਸੀ ਦਾ ਤਗਮਾ ਜਿੱਤਿਆ ਅਤੇ ਮਹਾਨ ਧਾਵਕਾ ਪੀ.ਟੀ. ਉਸ਼ਾ ਦੇ ਚਾਰ ਦਹਾਕਿਆਂ ਤੋਂ ਵੀ ਵੱਧ ਪੁਰਾਣੇ ਰਾਸ਼ਟਰੀ ਰਿਕਾਰਡ ਨੂੰ ਤੋੜ ਦਿੱਤਾ। ਚੱਲ ਰਹੀਆਂ ਖੇਡਾਂ ਵਿੱਚ ਇਹ ਉਸ ਦਾ ਦੂਜਾ ਤਗਮਾ ਹੈ। ਉਹ ਇਸ ਤੋਂ ਪਹਿਲਾਂ 4×400 ਮੀਟਰ ਮਿਕਸਡ ਰਿਲੇਅ ਵਿੱਚ ਚਾਂਦੀ ਦਾ ਤਗਮਾ ਜਿੱਤਣ ਵਾਲੀ ਭਾਰਤੀ ਟੀਮ ਦਾ ਵੀ ਹਿੱਸਾ ਸੀ।

ਕੋਇੰਬਟੂਰ ਦੀ 28 ਸਾਲਾ ਵਿਥਿਆ ਸੰਯੁਕਤ ਅਰਬ ਅਮੀਰਾਤ (UAE) ਦੀ ਮਰੀਅਮ ਕਰੀਮ ਅਤੇ ਕਜ਼ਾਖਸਤਾਨ ਦੀ ਅਡੇਲੀਨਾ ਜੇਮਸ ਤੋਂ ਬਾਅਦ ਤੀਜੇ ਸਥਾਨ ’ਤੇ ਰਹੀ। ਮਰੀਅਮ ਨੇ 54.31 ਸੈਕਿੰਡ ਦੇ ਖੇਡ ਰਿਕਾਰਡ ਸਮੇਂ ਨਾਲ ਸੋਨੇ ਦਾ ਤਗਮਾ ਜਿੱਤਿਆ, ਜਦੋਂ ਕਿ ਅਡੇਲੀਨਾ ਨੇ 54.58 ਸੈਕਿੰਡ ਦੇ ਆਪਣੇ ਨਿੱਜੀ ਸਰਵੋਤਮ ਸਮੇਂ ਨਾਲ ਚਾਂਦੀ ਦਾ ਤਗਮਾ ਹਾਸਲ ਕੀਤਾ।

ਵਿਥਿਆ ਨੇ ਉਸ਼ਾ ਦੇ 1984 ਲਾਸ ਐਂਜਲਸ ਓਲੰਪਿਕ ਵਿੱਚ ਬਣਾਏ 55.42 ਸੈਕਿੰਡ ਦੇ ਰਾਸ਼ਟਰੀ ਰਿਕਾਰਡ ਨੂੰ ਪਿੱਛੇ ਛੱਡਿਆ। ਉਸ਼ਾ ਇਸ ਸਮੇਂ ਭਾਰਤੀ ਓਲੰਪਿਕ ਸੰਘ (IOA) ਦੀ ਪ੍ਰਧਾਨ ਹਨ ਅਤੇ ਏਸ਼ਿਆਈ ਖੇਡਾਂ ਲਈ ਇੱਥੇ ਮੌਜੂਦ ਹਨ।

ਵਿਥਿਆ ਨੇ ਦੌੜ ਤੋਂ ਬਾਅਦ ਕਿਹਾ, "ਤਗਮਾ ਸਾਡੇ ਹੱਥ ਵਿੱਚ ਹੈ ਪਰ ਸਮਾਂ ਸਾਡੇ ਹੱਥ ਵਿੱਚ ਨਹੀਂ ਹੁੰਦਾ। ਇਹ ਦੌੜ ਨਾ ਤਾਂ ਕੱਲ੍ਹ ਹੋਵੇਗੀ ਅਤੇ ਨਾ ਹੀ ਬੀਤੇ ਕੱਲ੍ਹ ਹੋਈ ਸੀ। ਅੱਜ ਸਾਡਾ ਦਿਨ ਸੀ, ਇਸ ਲਈ ਮੇਰਾ ਧਿਆਨ ਤਗਮੇ 'ਤੇ ਨਹੀਂ ਸਗੋਂ ਸਮੇਂ 'ਤੇ ਸੀ।"

ਉਸ ਨੇ ਕਿਹਾ, "ਮੇਰੇ ਕੋਚ ਨੇ ਕਿਹਾ ਸੀ ਕਿ ਅਸੀਂ 54 ਸੈਕਿੰਡ ਦਾ ਸਮਾਂ ਕੱਢਾਂਗੇ। ਮੈਂ ਅਜਿਹਾ ਕੀਤਾ ਅਤੇ ਮੈਂ ਬਹੁਤ ਖੁਸ਼ ਹਾਂ। ਸਮਾਂ ਇੰਨਾ ਵਧੀਆ ਰਿਹਾ, ਇਸ ਲਈ ਮੈਂ ਬਹੁਤ ਖੁਸ਼ ਹਾਂ।"

ਵਿਥਿਆ ਨੇ ਕਿਹਾ, "ਹਰ ਕੋਈ ਮੇਰੇ ਤੋਂ ਇਸ ਬਾਰੇ ਪੁੱਛ ਰਿਹਾ ਸੀ ਕਿਉਂਕਿ ਮੈਂ ਤਿੰਨ ਸਾਲਾਂ ਤੋਂ 55 ਸੈਕਿੰਡ ਤੋਂ ਘੱਟ ਦਾ ਸਮਾਂ ਨਹੀਂ ਕੱਢ ਸਕੀ ਸੀ। ਮੇਰੇ ਕੋਚ ਨੇਹਪਾਲ ਸਿੰਘ ਰਾਠੌੜ ਨੇ ਮੈਨੂੰ ਤੇਜ਼ ਸ਼ੁਰੂਆਤ ਕਰਨ ਅਤੇ ਛੇਵੀਂ ਰੁਕਾਵਟ (ਹਰਡਲ) ਤੱਕ ਆਪਣੀ ਰਫ਼ਤਾਰ ਬਣਾਈ ਰੱਖਣ ਲਈ ਕਿਹਾ ਸੀ। ਛੇਵੀਂ ਰੁਕਾਵਟ ਤੋਂ ਫਿਨਿਸ਼ ਲਾਈਨ ਤੱਕ ਮੈਂ ਪੂਰੀ ਤਾਕਤ ਲਗਾ ਦਿੱਤੀ।"

ਇਸੇ ਮੁਕਾਬਲੇ ਵਿੱਚ ਭਾਰਤ ਦੀ ਅਨੂ ਰਾਘਵਨ ਪੰਜਵੇਂ ਸਥਾਨ 'ਤੇ ਰਹੀ। ਉਸ ਨੇ 55.88 ਸੈਕਿੰਡ ਦਾ ਆਪਣਾ ਨਿੱਜੀ ਸਰਵੋਤਮ ਪ੍ਰਦਰਸ਼ਨ ਕੀਤਾ।

ਸੱਟਾਂ ਨਾਲ ਜੂਝਣ ਵਾਲੇ ਸਾਬਲੇ ਨੇ ਇਸ ਤੋਂ ਬਾਅਦ ਸੀਜ਼ਨ ਦਾ ਆਪਣਾ ਸਰਵੋਤਮ ਪ੍ਰਦਰਸ਼ਨ ਕੀਤਾ, ਪਰ ਆਪਣੇ ਸੋਨੇ ਦੇ ਤਗਮੇ ਦਾ ਬਚਾਅ ਕਰਨ ਵਿੱਚ ਨਾਕਾਮ ਰਿਹਾ। ਉਹ ਪੁਰਸ਼ਾਂ ਦੀ 3000 ਮੀਟਰ ਸਟੀਪਲਚੇਜ਼ ਫਾਈਨਲ ਵਿੱਚ ਚੌਥੇ ਸਥਾਨ 'ਤੇ ਰਿਹਾ।

ਮਹਾਰਾਸ਼ਟਰ ਦੇ 32 ਸਾਲਾ ਦੋ ਵਾਰ ਦੇ ਓਲੰਪੀਅਨ ਸਾਬਲੇ ਨੇ 8 ਮਿੰਟ 21.67 ਸੈਕਿੰਡ ਦਾ ਸਮਾਂ ਕੱਢਿਆ। ਉਹ ਸੋਨੇ ਦਾ ਤਗਮਾ ਜੇਤੂ ਜਾਪਾਨ ਦੇ ਰਯੂਜੀ ਮਿਯੂਰਾ ਤੋਂ 4.31 ਸੈਕਿੰਡ ਪਿੱਛੇ ਰਿਹਾ। ਮਿਯੂਰਾ ਨੇ 8 ਮਿੰਟ 17.36 ਸੈਕਿੰਡ ਦੇ ਖੇਡ ਰਿਕਾਰਡ ਸਮੇਂ ਨਾਲ ਸੋਨੇ ਦਾ ਤਗਮਾ ਆਪਣੇ ਨਾਮ ਕੀਤਾ।

ਮਿਯੂਰਾ ਦੇ ਹਮਵਤਨ ਰਯੋਮਾ ਆਓਕੀ ਨੇ 8 ਮਿੰਟ 17.60 ਸੈਕਿੰਡ ਦੇ ਨਿੱਜੀ ਸਰਵੋਤਮ ਸਮੇਂ ਨਾਲ ਚਾਂਦੀ ਦਾ ਤਗਮਾ ਜਿੱਤਿਆ, ਜਦੋਂ ਕਿ ਕਤਰ ਦੇ ਜ਼ਕਾਰਿਆ ਅਲਹਲਾਮੀ ਨੇ 8 ਮਿੰਟ 18.13 ਸੈਕਿੰਡ ਦੇ ਸਮੇਂ ਨਾਲ ਕਾਂਸੀ ਦਾ ਤਗਮਾ ਹਾਸਲ ਕੀਤਾ।

ਪੁਰਸ਼ਾਂ ਦੀ 400 ਮੀਟਰ ਹਰਡਲਜ਼ ਦੇ ਫਾਈਨਲ ਵਿੱਚ ਸੰਤੋਸ਼ ਕੁਮਾਰ ਤਮਿਲਾਰਾਸਨ ਨੇ 49.95 ਸੈਕਿੰਡ ਦਾ ਸਮਾਂ ਕੱਢ ਕੇ ਅੱਠ ਖਿਡਾਰੀਆਂ ਦੇ ਫਾਈਨਲ ਵਿੱਚ ਸੱਤਵਾਂ ਸਥਾਨ ਹਾਸਲ ਕੀਤਾ।

ਇਸ ਤੋਂ ਪਹਿਲਾਂ ਰਾਸ਼ਟਰਮੰਡਲ ਖੇਡਾਂ ਦੀ ਕਾਂਸੀ ਤਗਮਾ ਜੇਤੂ ਸੀਮਾ ਕਾਲੀਰਮਣ ਨੇ ਔਰਤਾਂ ਦੇ ਡਿਸਕਸ ਥਰੋ ਦੇ ਫਾਈਨਲ ਵਿੱਚ ਨਿੱਜੀ ਸਰਵੋਤਮ ਪ੍ਰਦਰਸ਼ਨ ਕੀਤਾ, ਪਰ ਉਹ ਚੌਥੇ ਸਥਾਨ 'ਤੇ ਰਹੀ।

ਸੀਮਾ ਨੇ ਆਪਣੀ ਪੰਜਵੀਂ ਕੋਸ਼ਿਸ਼ ਵਿੱਚ 59.88 ਮੀਟਰ ਦੀ ਦੂਰੀ ਤੱਕ ਚੱਕਾ ਸੁੱਟਿਆ, ਪਰ ਇਹ ਤਗਮੇ ਲਈ ਕਾਫ਼ੀ ਨਹੀਂ ਸੀ। ਤਿੰਨੋਂ ਤਗਮਾ ਜੇਤੂਆਂ ਦੀਆਂ ਸਰਵੋਤਮ ਕੋਸ਼ਿਸ਼ਾਂ 60 ਮੀਟਰ ਤੋਂ ਵੱਧ ਰਹੀਆਂ।

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ

Advertisement

ਸੋਨੇ-ਚਾਂਦੀ ਦੀਆਂ ਕੀਮਤਾਂ 'ਚ ਵੱਡਾ ਉਛਾਲ, ਜਾਣੋ ਅੱਜ ਦੇ ਨਵੇਂ ਰੇਟ

06 Nov 2026 2:11 PM

MLA ਅਮਨਦੀਪ ਅਰੋੜਾ ਦੇ ਘਰ 27 ਘੰਟਿਆਂ ਤੋਂ ED ਦੀ ਰੇਡ ਜਾਰੀ, ਕਈ ਥਾਵਾਂ 'ਤੇ ਛਾਪੇਮਾਰੀ!

05 Nov 2026 1:13 PM

ਗਿੱਲ ਰੋਡ 'ਤੇ ਦਰਦਨਾਕ ਹਾਦਸਾ, PRTC Bus ਦੇ ਟਾਇਰ ਹੇਠਾਂ ਆਉਣ ਨਾਲ ਨੌਜਵਾਨ ਦੀ ਮੌਤ

04 Nov 2026 2:53 PM

ਸੋਨੇ-ਚਾਂਦੀ ਦੀਆਂ ਕੀਮਤਾਂ 'ਚ ਗਿਰਾਵਟ, ਕੀ ਹੁਣ ਖਰੀਦਦਾਰੀ ਕਰਨ ਦਾ ਸਹੀ ਸਮਾਂ ?

03 Nov 2026 2:58 PM

BJP Joining | ਜੌੜਾਮਾਜਰਾ, ਪਠਾਨਮਾਜਰਾ ਤੇ ਕੁੰਵਰ ਵਿਜੇ ਪ੍ਰਤਾਪ ਨੇ ਫੜਿਆ BJP ਦਾ ਪੱਲਾ, ਦਿੱਲੀ 'ਚ ਹੋਏ ਸ਼ਾਮਿਲ

02 Nov 2026 1:23 PM
Advertisement