ਭਾਰਤ ਦੇ ਵਿਕਟਕੀਪਰ ਬੱਲੇਬਾਜ਼ ਰਿਧੀਮਾਨ ਸਾਹਾ ਸੱਟ ਕਾਰਨ ਮੌਜੂਦਾ ਇੰਗਲੈਂਡ ਦੌਰੇ ਤੋਂ ਬਾਹਰ ਚੱਲ ਰਹੇ ਹਨ...........
ਨਵੀਂ ਦਿੱਲੀ : ਭਾਰਤ ਦੇ ਵਿਕਟਕੀਪਰ ਬੱਲੇਬਾਜ਼ ਰਿਧੀਮਾਨ ਸਾਹਾ ਸੱਟ ਕਾਰਨ ਮੌਜੂਦਾ ਇੰਗਲੈਂਡ ਦੌਰੇ ਤੋਂ ਬਾਹਰ ਚੱਲ ਰਹੇ ਹਨ। ਹੁਣ ਖ਼ਬਰ ਆਈ ਹੈ ਕਿ ਸਾਹਾ ਦੀ ਇਹ ਸੱਟ ਉਨ੍ਹਾਂ ਦੇ ਕਰੀਅਰ ਨੂੰ ਬੁਰੀ ਤਰ੍ਹਾਂ ਪ੍ਰਭਾਵਤ ਕਰ ਸਕਦੀ ਹੈ। ਦਰਅਸਲ ਸਾਹਾ ਦੀ ਮੋਢੇ ਦੀ ਸੱਟ ਬੇਹੱਦ ਗ਼ੰਭੀਰ ਹੈ ਅਤੇ ਇਸ ਲਈ ਸਾਹਾ ਨੂੰ ਤੁਰਤ ਸਰਜਰੀ ਕਰਵਾਉਣ ਦੀ ਸਲਾਹ ਦਿਤੀ ਗਈ ਹੈ। ਸਰਜਰੀ ਕਰਵਾਉਣ ਦਾ ਮਤਲਬ ਹੋਵੇਗਾ ਕਿ ਸਾਹਾ ਕੁਝ ਦਿਨਾਂ ਤਕ ਬੱਲਾ ਵੀ ਨਹੀਂ ਚੁਕ ਸਕਣਗੇ ਅਤੇ ਅਗਲੇ 2 ਤੋਂ 4 ਮਹੀਨਿਆਂ ਤਕ ਕ੍ਰਿਕਟ ਤੋਂ ਦੂਰ ਰਹਿਣਗੇ।
ਕਰੀਅਰ ਦੇ ਇਸ ਮੋੜ 'ਤੇ ਜਦੋਂ ਸਾਹਾ 33 ਸਾਲ ਦੇ ਹੋ ਚੁਕੇ ਹਨ, ਮੋਢੇ ਦੀ ਇਹ ਸੱਟ ਉਨ੍ਹਾਂ ਦੇ ਕ੍ਰਿਕਟ ਕਰੀਅਰ ਲਈ ਬੇਹੱਦ ਖ਼ਤਰਨਾਕ ਸਾਬਤ ਹੋ ਸਕਦੀ ਹੈ।
ਸਾਹਾ ਦਾ ਰਿਹੈਬਲੀਟੇਸ਼ਨ ਫ਼ਿਜ਼ਿਓ ਵਲੋਂ ਗ਼ਲਤ ਤਰੀਕੇ ਨਾਲ ਕੀਤਾ ਗਿਆ ਹੈ, ਜਿਸ ਕਾਰਲ ਸਾਹਾ ਦੇ ਮੋਢੇ ਦੀ ਸੱਟ ਗੰਭੀਰ ਹੋ ਗਈ ਹੈ। ਸਾਹਾ ਦੀ ਸੱਟ 'ਤੇ ਹੁਣ ਤਕ ਬੀਸੀਸੀਆਈ ਦੀ ਚੁਪੀ ਨੇ ਕਈ ਸਵਾਲ ਖੜ੍ਹੇ ਕਰ ਦਿਤੇ ਹਨ ਕਿ ਉਸ ਨੇ ਸਾਹਾ ਦੇ ਰੀਹੈਬਲੀਟੈਸ਼ਨ ਦੀ ਗੱਲ ਜਨਤਕ ਕਿਉਂ ਨਹੀਂ ਕੀਤੀ। (ਏਜੰਸੀ)
