ਬੱਚੇ ਅਪਣੇ ਮੰਨ ਪਰਚਾਵੇ ਲਈ ਗੁੱਲੀ-ਡੰਡਾ, ਲੁੱਕਣ ਮੀਟੀ, ਕੋਟਲਾ ਛਪਾਕੀ, ਪਿੱਲੇ ਗੋਲੀ, ਬਾਰਾਂ ਟਾਹਣੀ, ਖੋਹ-ਖੋਹ, ਛੂਹਣ ਸਿਪਾਹੀ ਆਦਿ ਵੱਖ ਵੱਖ ਖੇਡਾਂ ਖੇਡ ਸਕਦੇ ਹਨ।
ਮੈਂ ਉਸ ਸਮੇਂ ਦੀ ਗੱਲ ਕਰ ਰਿਹਾ ਹਾਂ ਜਦੋਂ ਪਿੰਡਾਂ ਵਿਚ ਮਨੋਰੰਜਨ ਦੇ ਕੋਈ ਸਾਧਨ ਨਹੀਂ ਸਨ। ਬੱਚੇ ਅਪਣੇ ਮੰਨ ਪਰਚਾਵੇ ਲਈ ਗੁੱਲੀ-ਡੰਡਾ, ਲੁੱਕਣ ਮੀਟੀ, ਕੋਟਲਾ ਛਪਾਕੀ, ਪਿੱਲੇ ਗੋਲੀ, ਨੱਕਾ ਪੂਰ, ਬਾਰਾਂ ਟਾਹਣੀ, ਖਿੱਦੋ ਖੂੰਡੀ, ਪਿੰਨੀ ਭਿੱਜੀ, ਸ਼ਟਾਪੂ, ਖੱਡਾ ਖੱਡੀ, ਖੋਹ-ਖੋਹ, ਛੂਹਣ ਸਿਪਾਹੀ ਆਦਿ ਵੱਖ ਵੱਖ ਟੋਲੀਆਂ ਬਣਾ ਕੇ ਖੇਡਦੇ ਸੀ। ਪਿੰਡਾਂ ਵਿਚ ਬਾਜ਼ੀਗਰ ਬਾਜ਼ੀ ਪਾਉਂਦੇ ਸੀ।
Kotla Shpaki Game
ਰਾਤ ਨੂੰ ਰਾਸਧਾਰੀਏ ਰਾਸ ਪਾਉਂਦੇ ਸੀ ਤੇ ਮਰਦ ਔਰਤ ਦਾ ਰੂਪ ਧਾਰ ਕੇ ਢੋਲਕੀਆਂ ਛੈਣੀਆਂ ਨਾਲ ਨਚਦਾ ਤੇ ਗਾਉਂਦਾ ਸੀ। ਇਹ ਖੇਡਾਂ ਮਨੋਰੰਜਨ ਦੇ ਨਾਲ ਨਾਲ ਬੱਚਿਆਂ ਦੀ ਸਿਹਤ ਅਤੇ ਕਸਰਤ ਪੱਖੋਂ ਚੰਗਾ ਅਸਰ ਪਾਉਂਦੀਆਂ ਸਨ। ਵਰਤਮਾਨ ਪੀੜ੍ਹੀ ਇਨ੍ਹਾਂ ਘਰੇਲੂ ਖੇਂਡਾ ਤੋਂ ਕੋਹਾਂ ਦੂਰ ਖੜੀ ਅਪਣੇ ਪੇਂਡੂ ਕਲਚਰ ਤੋਂ ਬਿਲਕੁਲ ਅਣਜਾਣ ਹੈ।
Internet
ਇਨ੍ਹਾਂ ਉਪਰੋਕਤ ਖੇਡਾਂ ਦੀ ਥਾਂ ਕੰਪਿਊਟਰ, ਮੋਬਾਈਲ, ਇੰਟਰਨੈਟ ਆਦਿ ਨੇ ਲੈ ਲਈ ਹੈ। ਬੱਚੇ ਸਾਰਾ ਦਿਨ ਇਨ੍ਹਾਂ ਨਾਲ ਗੇਮਾਂ ਖੇਡ ਕੇ ਮਨੋਰੋਗੀ ਹੋ ਗਏ ਹਨ। ਕਈ ਬੱਚੇ ਸੈਲਫ਼ੀ ਲੈਂਦੇ ਨਹਿਰਾਂ ਨਦੀਆਂ 'ਚ ਰੁੜ੍ਹ ਗਏ ਹਨ। ਲੋੜ ਹੈ ਇਸ ਪ੍ਰਤੀ ਬੱਚਿਆਂ ਨੂੰ ਸਿਖਿਆ ਦੇ ਕੇ ਇਸ ਦੀ ਦੁਰਵਰਤੋਂ ਰੋਕਣ ਦੀ। ਪਹਿਲਾਂ ਸਕੂਲਾਂ ਵਿਚ ਬਾਲ ਸਭਾਵਾਂ ਲਗਦੀਆਂ ਹੁੰਦੀਆਂ ਸਨ। ਇਨ੍ਹਾਂ ਬਾਲ ਸਭਾਵਾਂ ਵਿਚ ਬੱਚਿਆਂ ਦੇ ਮਨੋਰੰਜਨ ਨਾਲ ਦੇਸ਼ ਭਗਤੀ ਦੇ ਗੀਤ ਗਾਏ ਜਾਂਦੇ ਸੀ।
PT Parade
ਜਿਨ੍ਹਾਂ ਸੂਰਬੀਰਾਂ ਨੇ ਦੇਸ਼ ਲਈ ਕੁਰਬਾਨੀਆਂ ਦਿਤੀਆਂ, ਉਨ੍ਹਾਂ ਬਾਰੇ ਜਾਣਕਾਰੀ ਮਿਲਦੀ ਸੀ ਜਿਸ ਨਾਲ ਬੱਚਿਆਂ ਵਿਚ ਦੇਸ਼ ਭਗਤੀ ਦੀ ਭਾਵਨਾ ਪੈਦਾ ਹੁੰਦੀ ਸੀ। ਬੱਚਿਆਂ ਨੂੰ ਸਰੀਰਕ ਪੱਖੋਂ ਠੀਕ ਤੰਦਰੁਸਤ ਰੱਖਣ ਲਈ ਸਵੇਰੇ ਪ੍ਰਾਥਨਾ ਤੋਂ ਬਾਅਦ ਪੀ.ਟੀ. ਪਰੇਡ ਕਰਵਾਈ ਜਾਂਦੀ ਸੀ ਅਤੇ ਸਕੂਲ ਵਿਚ ਖੇਡਾਂ ਕਰਵਾਈਆਂ ਜਾਂਦੀਆਂ ਸਨ।
Internet
ਅੱਜ ਦੇ ਬੱਚੇ ਟੀਵੀ ਸੀਰੀਅਲ ਵੇਖ ਉਸ ਦੀ ਚੰਗੀ ਸੋਚ ਗ੍ਰਹਿਣ ਕਰਨ ਦੀ ਥਾਂ ਨੈਗੇਟਿਵ ਸੋਚ ਨੂੰ ਵਧੇਰੇ ਮਹੱਤਤਾ ਦਿੰਦੇ ਹਨ। ਬੱਚਿਆਂ ਨੂੰ ਅਪਣੇ ਇਤਿਹਾਸ ਨਾਲ ਸਬੰਧਤ ਨੁਕੜ ਨਾਟਕ, ਡਰਾਮੇ, ਡਾਕੂਮੈਂਟਰੀ ਫ਼ਿਲਮਾਂ ਵਿਖਾਉਣੀਆਂ ਚਾਹੀਦੀਆ ਹਨ। ਬੱਚਾ ਸਕੂਲ ਵਿਚੋਂ ਹੀ ਸੱਭ ਕੁੱਝ ਸਿਖਦਾ ਹੈ। ਜੇਕਰ ਬੱਚਾ ਚੰਗੀ ਸਿਖਿਆ ਹਾਸਲ ਕਰੇਗਾ ਤਾਂ ਦੇਸ਼ ਤਰੱਕੀ ਕਰੇਗਾ।
Internet
ਬੱਚਿਆਂ ਨੂੰ ਵੀ ਅਪਣੇ ਅਧਿਆਪਕਾਂ ਅਤੇ ਮਾਪਿਆਂ ਦਾ ਕਹਿਣਾ ਮੰਨ ਕੇ ਉਪਰੋਕਤ ਗੱਲਾਂ ਨੂੰ ਅਪਣੀ ਜ਼ਿੰਦਗੀ ਵਿਚ ਗ੍ਰਹਿਣ ਕਰਨਾ ਚਾਹੀਦਾ ਹੈ। ਬੱਚੇ ਸਾਡੇ ਦੇਸ਼ ਦੀਆਂ ਨੀਂਹਾਂ ਅਤੇ ਰੀੜ੍ਹ ਦੀ ਹੱਡੀ ਹਨ। ਇਹ ਗੱਲ ਬੱਚਿਆਂ ਨੂੰ ਵੀ ਅਪਣੇ ਮੰਨ ਵਿਚ ਬਿਠਾਉਣ ਦੀ ਜ਼ਰੂਰਤ ਹੈ।
-ਗੁਰਮੀਤ ਸਿੰਘ ਵੇਰਕਾ , ਮੋਬਾਈਲ : 9878600221
