ਆਈਪੀਐਲ ਦੇ 12ਵੇਂ ਸੀਜ਼ਨ ਵਿਚ ਸਨਰਾਈਜ਼ਰਜ਼ ਹੈਦਰਾਬਾਦ ਨੇ ਦਿੱਲੀ ਕੈਪਿਟਲਸ ਨੂੰ ਉਸੇ ਦੇ ਖੇਤਰ ਵਿਚ 5 ਵਿਕਟਾਂ ਨਾਲ ਹਰਾ ਦਿੱਤਾ।
IPL 2019, DC vs SRH: ਆਈਪੀਐਲ ਦੇ 12ਵੇਂ ਸੀਜ਼ਨ ਵਿਚ ਸਨਰਾਈਜ਼ਰਜ਼ ਹੈਦਰਾਬਾਦ ਨੇ ਦਿੱਲੀ ਕੈਪਿਟਲਸ ਨੂੰ ਉਸੇ ਦੇ ਖੇਤਰ ਵਿਚ 5 ਵਿਕਟਾਂ ਨਾਲ ਹਰਾ ਦਿੱਤਾ। ਦਿੱਲੀ ਦੇ ਫਿਰੌਜ਼ ਸ਼ਾਹ ਕੋਟਲਾ ਮੈਦਾਨ ਵਿਚ ਖੇਡੇ ਗਏ, 16ਵੇਂ ਮੈਚ ਵਿਚ ਹੈਦਰਾਬਾਦ ਨੇ ਟਾੱਸ ਜਿੱਤ ਕੇ ਪਹਿਲਾਂ ਗੇਂਦਬਾਜ਼ੀ ਦਾ ਫੈਸਲਾ ਕੀਤਾ। ਟਾੱਸ ਹਾਰ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਉਤਰੀ ਦਿੱਲੀ ਦੀ ਟੀਮ ਕੁਝ ਖਾਸ ਕਮਾਲ ਨਹੀਂ ਦਿਖਾ ਸਕੀ ਅਤੇ 20 ਓਵਰਾਂ ਵਿਚ 129 ਦੌੜਾਂ ਹੀ ਬਣਾ ਸਕੀ
ਇਕ ਵਾਰ ਫਿਰ ਦਿੱਲੀ ਕੈਪਿਟਲਸ ਦੀ ਸਲਾਮੀ ਜੋੜੀ ਨਾਕਾਮ ਰਹੀ। ਪ੍ਰਿਥਵੀ ਸ਼ਾਅ 11 ਅਤੇ ਸ਼ਿਖਰ ਧਵਨ 12 ਦੌੜਾਂ ਬਣਾ ਕੇ ਆਊਟ ਹੋ ਗਏ। ਇਸ ਤੋਂ ਬਾਅਦ ਕਪਤਾਨ ਸ਼ੇਅਸ ਅਈਅਰ ਨੇ ਪਾਰੀ ਨੂੰ ਸੰਭਾਲਣ ਦੀ ਕੋਸ਼ਿਸ਼ ਕੀਤੀ, ਪਰ ਲਗਾਤਾਰ ਵਿਕਟ ਡਿੱਗਣ ਨਾਲ ਉਹ ਕੁਝ ਖਾਸ ਕਰ ਨਹੀਂ ਕਰ ਸਕੇ। ਦਿੱਲੀ ਵੱਲੋਂ ਕਪਤਾਨ ਸ਼੍ਰੇਅਸ ਅਈਅਰ ਨੇ ਸਭ ਤੋਂ ਜ਼ਿਆਦਾ 43 ਦੌੜਾਂ ਦੀ ਪਾਰੀ ਖੇਡੀ।
IPL 2019
ਸਨਰਾਈਜ਼ਰਜ਼ ਹੈਦਰਾਬਾਦ ਵੱਲੋਂ ਮੁਹੰਮਦ ਨਬੀ ਅਤੇ ਭਵਨੇਸ਼ਵਰ ਕੁਮਾਰ ਨੇ ਦੋ-ਦੋ ਵਿਕਟ ਗਿਰਾਏ। ਉੱਥੇ ਹੀ ਰਾਸ਼ਿਦ ਖਾਨ, ਸੰਦੀਪ ਸ਼ਰਮਾ ਅਤੇ ਸਿਧਾਰਥ ਕੌਲ ਨੂੰ ਇਕ-ਇਕ ਵਿਕੇਟ ਹੀ ਮਿਲਿਆ। ਇਸਦੇ ਜਵਾਬ ਵਿਚ ਸਨਰਾਈਜ਼ਰਜ਼ ਹੈਦਰਾਬਾਦ ਨੇ 19ਵੇਂ ਓਵਰ ਵਿਚ 5 ਵਿਕਟਾਂ ਨਾਲ ਇਸ ਟੀਚੇ ਨੂੰ ਹਾਸਿਲ ਕਰ ਲਿਆ। ਆਈਪੀਐਲ ਦੇ 12ਵੇਂ ਸੀਜ਼ਨ ਵਿਚ ਹੈਦਰਾਬਾਦ ਦੀ ਇਹ ਲਗਾਤਾਰ ਤੀਜੀ ਜਿੱਤ ਹੈ। ਉੱਥੇ ਹੀ ਦਿੱਲੀ ਦੀ 5 ਮੈਚਾਂ ਵਿਚ ਇਹ ਤੀਜੀ ਹਾਰ ਹੈ।
