36 Indian students died due to violent attacks abroad.
ਸੱਭ ਤੋਂ ਵੱਧ ਮਾਮਲੇ ਕੈਨੇਡਾ (17) ਅਤੇ ਅਮਰੀਕਾ (9) ਵਿਚ ਦਰਜ ਕੀਤੇ ਗਏ
ਨਵੀਂ ਦਿੱਲੀ : 2018 ਤੋਂ 2025 ਤਕ ਵਿਦੇਸ਼ਾਂ ਵਿਚ ਹਿੰਸਕ ਹਮਲਿਆਂ ਕਾਰਨ 36 ਭਾਰਤੀ ਵਿਦਿਆਰਥੀਆਂ ਦੀ ਮੌਤ ਹੋਈ ਹੈ। ਸੱਭ ਤੋਂ ਵੱਧ ਮਾਮਲੇ ਕੈਨੇਡਾ (17) ਅਤੇ ਅਮਰੀਕਾ (9) ਵਿਚ ਦਰਜ ਕੀਤੇ ਗਏ।
ਆਸਟ੍ਰੇਲੀਆ (3), ਯੂ.ਕੇ. (1), ਚੀਨ (1), ਜਰਮਨੀ (1), ਡੈਨਮਾਰਕ (1), ਗ੍ਰੇਨੇਡਾ (1) ਅਤੇ ਕਿਰਗਿਜ਼ਸਤਾਨ (2) ਵਿਚ ਵੀ ਕੁੱਝ ਮੌਤਾਂ ਹੋਈਆਂ। ਕੇਂਦਰ ਸਰਕਾਰ ਨੇ ਸਪਸ਼ਟ ਕੀਤਾ ਹੈ ਕਿ ਵਿਦਿਆਰਥੀਆਂ ਦੀ ਸੁਰੱਖਿਆ ਉਸ ਦੀ ਪ੍ਰਾਥਮਿਕਤਾ ਹੈ। ਇਸ ਬਾਰੇ ਇਕ ਸਵਾਲ ਦਾ ਜਵਾਬ ਦਿੰਦਿਆਂ ਵਿਦੇਸ਼ ਮਾਮਲਿਆਂ ਦੇ ਰਾਜ ਮੰਤਰੀ ਕਿਰਤੀ ਵਰਧਨ ਸਿੰਘ ਨੇ ਸੰਸਦ ਵਿਚ ਕਿਹਾ, “ਭਾਰਤੀ ਮਿਸ਼ਨ ਹਰ ਹਿੰਸਕ ਘਟਨਾ ਨੂੰ ਤੁਰਤ ਉਸ ਦੇਸ਼ ਦੀ ਸਰਕਾਰ ਦੇ ਸਾਹਮਣੇ ਰਖਦੇ ਹਨ ਅਤੇ ਦੋਸ਼ੀਆਂ ਨੂੰ ਸਜ਼ਾ ਦੇਣ ਦੀ ਮੰਗ ਕਰਦੇ ਹਨ।’’
