death
ਟਰੈਵਲ ਏਜੰਟ ਵਲੋਂ ਕੋਰੋਨਾ ਪਾਜ਼ੇਟਿਵ ਆਖ ਕੇ ਉਸ ਨੂੰ ਹਸਪਤਾਲ ਵਿਚ ਕਰਵਾਇਆ ਗਿਆ ਦਾਖ਼ਲ
ਹਠੂਰ (ਪਪ) : ਨੇੜਲੇ ਪਿੰਡ ਰਸੂਲਪੁਰ (ਮੱਲ੍ਹਾ) ਦੇ ਇਕ ਨੌਜਵਾਨ ਦੀ ਦੁਬਈ ਵਿਖੇ ਮੌਤ ਹੋ ਜਾਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ। ਪਿੰਡ ਰਸੂਲਪੁਰ ਵਿਖੇ ਮ੍ਰਿਤਕ ਨੌਜਵਾਨ ਦੇ ਪਿਤਾ ਗੁਰਮੇਲ ਸਿੰਘ ਨੇ ਦਸਿਆ ਕਿ ਉਸ ਦਾ ਪੁੱਤਰ ਅਰਵਿੰਦਰ ਸਿੰਘ (22) ਇਸੇ ਸਾਲ ਮਾਰਚ ਮਹੀਨੇ ਦੀ 22 ਤਰੀਕ ਨੂੰ ਲੁਧਿਆਣਾ ਦੇ ਇਕ ਟਰੈਵਲ ਏਜੰਟ ਰਾਹੀਂ ਦੁਬਈ ’ਚ ਰੋਜ਼ੀ-ਰੋਟੀ ਕਮਾਉਣ ਲਈ ਗਿਆ ਸੀ।
Death
24 ਅਪ੍ਰੈਲ ਨੂੰ ਅਰਵਿੰਦਰ ਸਿੰਘ ਦੀ ਪਰਵਾਰ ਨਾਲ ਆਖ਼ਰੀ ਵਾਰ ਹੋਈ ਵੀਡੀਉ ਕਾਲਿੰਗ ਸਮੇਂ ਉਸ ਨੇ ਦਸਿਆ ਕਿ ਟਰੈਵਲ ਏਜੰਟ ਵਲੋਂ ਕੋਰੋਨਾ ਪਾਜ਼ੇਟਿਵ ਆਖ ਕੇ ਉਸ ਨੂੰ ਹਸਪਤਾਲ ਵਿਚ ਦਾਖ਼ਲ ਕਰਵਾਇਆ ਗਿਆ ਹੈ।
Death
ਉਸ ਨੇ ਕਿਹਾ ਕਿ ਜਦੋਂ ਉਹ ਇੰਡੀਆ ਤੋਂ ਆਇਆ ਸੀ ਤਾਂ ਉਸ ਦੀਆਂ ਰਿਪੋਰਟਾਂ ਨੈਗੇਟਿਵ ਸਨ। ਮ੍ਰਿਤਕ ਦੇ ਪਿਤਾ ਗੁਰਮੇਲ ਸਿੰਘ ਨੇ ਦਸਿਆ ਕਿ 24 ਅਪ੍ਰੈਲ ਤੋਂ ਬਾਅਦ 28 ਜੁਲਾਈ ਨੂੰ ਦੁਬਈ ਦੇ ਡਾਕਟਰਾਂ ਨੇ ਵੀਡੀਉ ਕਾਲ ਕਰ ਕੇ ਅਰਵਿੰਦਰ ਸਿੰਘ ਦੀ ਮੌਤ ਹੋ ਜਾਣ ਸਬੰਧੀ ਦਸਿਆ ਹੈ।
