ਅਮਰੀਕਾ : ਗੋਲੀਬਾਰੀ ਵਿਚ ਮਾਰੇ ਗਏ ਤਪਤੇਜਦੀਪ ਸਿੰਘ ਨੂੰ 'ਨਾਇਕ' ਵਜੋਂ ਕੀਤਾ ਗਿਆ ਯਾਦ
=ਲਾਸ ਏਾਜਲਸ, 28 ਮਈ : ਅਮਰੀਕਾ ਵਿਚ ਗੋਲੀਬਾਰੀ ਦੀ ਘਟਨਾ ਵਿਚ ਮਾਰੇ ਗਏ ਭਾਰਤੀ ਮੂਲ ਦੇ ਸਿੱਖ ਨੌਜਵਾਨ ਤਪਤੇਜਦੀਪ ਸਿੰਘ ਨੂੰ ਇਕ 'ਨਾਇਕ' ਦਸਿਆ ਗਿਆ ਹੈ, ਜੋ ਦੂਜਿਆਂ ਦੀ ਸੁਰੱਖਿਆ ਲਈ ਜਿਉਂਦੇ ਸਨ |
ਯੂ.ਐੱਸ.ਏ. ਟੁਡੇ ਨੇ ਬਿਆਨ ਦੇ ਹਵਾਲੇ ਨਾਲ ਇਕ ਖ਼ਬਰ ਵਿਚ ਕਿਹਾ ਹੈ,''ਅਸੀਂ ਤਪਤੇਜਦੀਪ ਸਿੰਘ ਨੂੰ ਉਸ ਨਾਇਕ ਦੇ ਤੌਰ 'ਤੇ ਯਾਦ ਕਰਨਾ ਚਾਹੁੰਦੇ ਹਾਂ ਜੋ ਦੂਜਿਆਂ ਦੇ ਸੇਵਾ ਲਈ ਜਿਉਂਦੇ ਸਨ |'' ਸਿੰਘ ਦੇ ਪ੍ਰਵਾਰ ਵਿਚ ਪਤਨੀ, 3 ਸਾਲਾ ਇਕ ਬੇਟਾ ਅਤੇ ਇਕ ਸਾਲਾ ਬੇਟੀ ਹੈ |
ਕੈਲੀਫ਼ੋਰਨੀਆ ਦੇ ਰੇਲ ਯਾਰਡ ਵਿਚ ਹੋਈ ਗੋਲੀਬਾਰੀ ਵਿਚ 9 ਲੋਕ ਮਾਰੇ ਗਏ ਸਨ, ਜਿਨ੍ਹਾਂ ਵਿਚ ਤਪਤੇਜਦੀਪ ਸਿੰਘ ਵੀ ਸ਼ਾਮਲ ਸਨ | ਗੋਲੀਬਾਰੀ ਬੁਧਵਾਰ ਸਵੇਰੇ ਕਰੀਬ ਸਾਢੇ 6 ਵਜੇ 'ਵੈਲੀ ਟਰਾਂਸਪੋਰਟ ਅਥਾਰਿਟੀ' (ਵੀ.ਟੀ.ਏ.) ਦੀਆਂ ਦੋ ਇਮਾਰਤਾਂ ਵਿਚ ਹੋਈ ਸੀ ਅਤੇ ਗੋਲੀਬਾਰੀ ਰੱਖ-ਰਖਾਅ ਕਰਮਚਾਰੀ ਸੈਮੁਅਲ ਕੈਸਿਡੀ (57) ਨੇ ਕੀਤੀ ਸੀ | ਸਿੰਘ (36) ਵੀ.ਟੀ.ਏ. ਵਿਚ 9 ਸਾਲਾਂ ਤੋਂ ਇਕ ਲਾਈਟ ਰੇਲ ਆਪਰੇਟਰ ਦੇ ਤੌਰ 'ਤੇ ਕੰਮ ਕਰਦੇ ਸਨ | ਸਿੰਘ ਦੇ ਭਰਾ ਨੇ ਪ੍ਰਵਾਰ ਵਲੋਂ ਜਾਰੀ ਇਕ ਬਿਆਨ ਵਿਚ ਕਿਹਾ,''ਤਪਤੇਜਦੀਪ ਸਿੱਖ ਧਰਮ ਦੀਆਂ ਕਦਰਾਂ-ਕੀਮਤਾਂ ਦਾ ਪਾਲਣ ਕਰਦੇ ਹੋਏ ਦੂਜਿਆਂ ਦੀ ਸੇਵਾ ਅਤੇ ਉਨ੍ਹਾਂ ਦੀ ਸੁਰੱਖਿਆ ਲਈ ਕੰਮ ਕਰ ਰਹੇ ਸਨ |'' (ਏਜੰਸੀ)
