ਸੀਮਾ ਤੇ ਮਨਦੀਪ ਕੌਰ ਵਜੋਂ ਹੋਈ ਮ੍ਰਿਤਕਾਂ ਦੀ ਪਛਾਣ
Punjab News: ਉੱਤਰ ਪ੍ਰਦੇਸ਼ ਦੇ ਸ਼ਹਿਰ ਬਾਗਪੁਰ ਨੇੜੇ ਭਿਆਨਕ ਸੜਕ ਹਾਦਸੇ ਵਿਚ ਜ਼ਿਲ੍ਹਾ ਸ਼ਹੀਦ ਭਗਤ ਸਿੰਘ ਨਗਰ ਦੇ ਬਲਾਚੌਰ ਨਾਲ ਸਬੰਧਤ ਦੋ ਅੋਰਤਾਂ ਦੀ ਮੌਤ ਹੋ ਗਈ। ਇਸ ਮਗਰੋਂ ਇਲਾਕੇ ਵਿਚ ਸੋਗ ਦੀ ਲਹਿਰ ਦੌੜ ਗਈ।
ਮਿਲੀ ਜਾਣਕਾਰੀ ਮੁਤਾਬਕ ਪਿਛਲੇ ਦਿਨੀਂ ਬਲਾਚੌਰ ਤੋਂ 13 ਸ਼ਰਧਾਲੂ ਟੈਂਪੂ ਟਰੈਵਲਰ ਰਾਹੀ ਵਰਿੰਦਾਵਨ ਅਤੇ ਹੋਰ ਧਾਰਮਕ ਅਸਥਾਨਾਂ ਤੇ ਮੱਥਾ ਟੇਕਣ ਲਈ ਗਏ ਸਨ, ਇਨ੍ਹਾਂ ਵਿਚ ਜ਼ਿਆਦਾਤਰ ਗਿਣਤੀ ਔਰਤਾਂ ਦੀ ਸੀ।
ਬੀਤੇ ਦਿਨੀਂ ਜਦੋਂ ਸ਼ਰਧਾਲੂ ਵਾਪਸ ਪਰ ਰਹੇ ਸੀ ਤਾਂ ਇਸਟਰਨ ਪੇਰੀਫੇਰਲ ਐਕਸਪ੍ਰੈਸ ਵੇਅ ’ਤੇ ਲੱਕੜੀ ਨਾਲ ਭਰੇ ਟੱਰਕ ਨਾਲ ਟੈਂਪੂ ਟਰੈਵਲਰ ਟਕਰਾ ਗਿਆ, ਜਿਸ ਕਾਰਨ ਸੀਮਾ (45) ਪਤਨੀ ਰਾਣਾ ਸਤੀਸ਼ ਕੁਮਾਰ ਵਾਸੀ ਬਲਾਚੌਰ, ਮਨਦੀਪ ਕੌਰ ਪੁੱਤਰੀ ਬਖਸ਼ੀਸ਼ ਸਿੰਘ, ਅਤੇ ਡਰਾਇਵਰ ਸਣੇ 13 ਸਵਾਰੀਆਂ ਜ਼ਖ਼ਮੀ ਹੋ ਗਈਆਂ। ਗੰਭੀਰ ਹਾਲਤ ਦੇ ਚੱਲਦਿਆਂ ਸੀਮਾ ਅਤੇ ਮਨਦੀਪ ਕੌਰ ਦੀ ਮੌਤ ਹੋ ਗਈ। ਪਰਵਾਰਕ ਮੈਂਬਰਾਂ ਮੁਤਾਬਕ ਦੋਹਾਂ ਔਰਤਾਂ ਦੀਆਂ ਲਾਸ਼ਾਂ ਦਾ ਪੋਸਟਮਾਰਟਮ ਕਰਾ ਕੇ ਐਂਬੂਲੈਂਸ ਰਾਹੀ ਬਲਾਚੌਰ ਰਵਾਨਾ ਕਰ ਦਿਤਾ ਗਿਆ।
(For more Punjabi news apart from 2 died in accident with pilgrims went on religious pilgrimage, stay tuned to Rozana Spokesman)
