ਸੀਆਰਪੀਐਫ਼ ਦੀ ਪਟਰੋਲਿੰਗ ਪਾਰਟੀ 'ਤੇ ਅਤਿਵਾਦੀ ਹਮਲਾ, ਦੋ ਜਵਾਨ ਸ਼ਹੀਦ, ਦੋ ਜ਼ਖ਼ਮੀ
ਸ੍ਰੀਨਗਰ, 25 ਮਾਰਚ : ਸ੍ਰੀਨਗਰ ਵਿਚ ਸੀਆਰਪੀਐਫ਼ ਦੀ ਪੈਟਰੋਲਿੰਗ ਪਾਰਟੀ ਉੱਤੇ ਇਕ ਅਤਿਵਾਦੀ ਹਮਲਾ ਹੋਇਆ ਹੈ | ਇਹ ਹਮਲਾ ਲਵਾਪੋਰਾ ਖੇਤਰ ਵਿਚ ਹੋਇਆ ਹੈ | ਸੀਆਰਪੀਐਫ਼ ਪਾਰਟੀ ਉੱਤੇ ਹੋਏ ਇਸ ਹਮਲੇ ਵਿਚ ਦੋ ਜਵਾਨ ਸ਼ਹੀਦ ਹੋ ਗਏ ਸਨ, ਜਦਕਿ ਦੋ ਸੈਨਿਕ ਜ਼ਖ਼ਮੀ ਵੀ ਹੋ ਗਏ ਹਨ | ਜ਼ਖ਼ਮੀ ਜਵਾਨਾਂ ਨੂੰ ਹਸਪਤਾਲ ਦਾਖ਼ਲ ਕਰਵਾਇਆ ਗਿਆ ਹੈ | ਦੱਸ ਦਈਏ ਕਿ ਲਵਾਪੋਰਾ ਖੇਤਰ ਵਿਚ ਵੀਰਵਾਰ ਦੁਪਹਿਰ ਅਤਿਵਾਦੀਆਂ ਨੇ ਸੀਆਰਪੀਐਫ਼ ਦੀ ਗਸ਼ਤ ਪਾਰਟੀ 'ਤੇ ਹਮਲਾ ਕਰ ਦਿਤਾ | ਹਮਲੇ ਤੋਂ ਬਾਅਦ ਇਲਾਕੇ ਵਿਚ ਤਲਾਸ਼ੀ ਮੁਹਿੰਮ ਸੁਰੂ ਕਰ ਦਿਤੀ ਗਈ ਹੈ | ਅਤਿਵਾਦੀ ਸੰਗਠਨ ਟੀਆਰਐਫ (ਦਿ ਰੈਜਿਸਟੈਂਸ ਫ਼ਰੰਟ) ਨੇ ਇਸ ਹਮਲੇ ਦੀ ਜ਼ਿੰਮੇਵਾਰੀ ਲਈ ਹੈ | ਟੀਆਰਐਫ਼ ਨੇ ਕਿਹਾ ਕਿ ਇਹ ਹਮਲਾ ਨਵੇਂ ਐਸਐਸਪੀ ਲਈ ਸਵਾਗਤ ਸੰਦੇਸ ਹੈ | ਆਈਜੀ ਨੇ ਦਸਿਆ ਕਿ ਇਸ ਹਮਲੇ ਵਿਚ ਸੀਆਰਪੀਐਫ਼ ਦੇ ਦੋ ਜਵਾਨ ਸ਼ਹੀਦ ਹੋ ਗਏ ਹਨ ਅਤੇ ਦੋ ਜਵਾਨ ਜ਼ਖ਼ਮੀ ਹੋ ਗਏ ਹਨ | ਜ਼ਖ਼ਮੀਆਂ ਨੂੰ ਤੁਰਤ ਨੇੜਲੇ ਹਸਪਤਾਲ ਪਹੁੰਚਾਇਆ ਗਿਆ | ਜਿਥੇ ਫਿਲਹਾਲ ਉਨ੍ਹਾਂ ਦਾ ਇਲਾਜ ਚੱਲ ਰਿਹਾ ਹੈ | ਇਹ ਹਮਲਾ ਸੀਆਰਪੀਐਫ ਦੀ 73 ਵੀਂ ਬਟਾਲੀਅਨ 'ਤੇ ਕੀਤਾ ਗਿਆ ਹੈ | (ਪੀਟੀਆਈ)
image
