File Photo
ਮਹਿਲਾ ਤੋਂ ਮੋਦੀ ਦੇ ਪੁਤਲੇ 'ਤੇ ਜੁੱਤੀਆਂ ਵੀ ਮਰਵਾਈਆਂ ਗਈਆਂ
ਚੰਡੀਗੜ੍ਹ - ਜਦੋਂ ਦੇ ਖੇਤੀ ਕਾਨੂੰਨ ਪਾਸ ਹੋਏ ਹਨ ਉਦੋਂ ਤੋਂ ਹੀ ਕਿਸਾਨ ਕੇਂਦਰ ਸਰਕਾਰ ਵਿਰੁੱਧ ਪ੍ਰਦਰਸ਼ਨ ਕਰ ਰਹੇ ਹਨ ਤੇ ਹੁਣ ਬੀਤੇ ਦਿਨੀਂ ਇਕ ਟੋਲ ਪਲਾਜ਼ੇ 'ਤੇ ਕਿਸਾਨਾਂ ਵੱਲੋਂ ਮੋਦੀ ਦਾ ਪੁਤਲਾ ਬਣਾ ਕੇ ਉਸ ਦੇ ਗਲ ਵਿਚ ਜੁੱਤੀਆਂ ਦਾ ਹਾਰ ਪਾਇਆ ਗਿਆ ਪਰ ਇਸ ਹਾਰ ਨੂੰ ਇਕ ਭਾਜਪਾ ਸਮਰਥਕ ਮਹਿਲਾ ਨੇ ਉਤਾਰ ਦਿੱਤਾ। ਇਹ ਮਹਿਲਾ ਜੰਮੂ ਕਸ਼ਮੀਰ ਦੀ ਦੱਸੀ ਜਾ ਰਹੀ ਹੈ ਪਰ ਇਹ ਘਟਨਾ ਕਿਸ ਟੋਲ ਪਲਾਜ਼ਾ 'ਤੇ ਵਾਪਰੀ ਹੈ
ਇਸ ਬਾਰੇ ਕੋਈ ਵੀ ਜਾਣਕਾਰੀ ਸਾਹਮਣੇ ਨਹੀਂ ਆਈ ਹੈ। ਦੱਸ ਦਈਏ ਕਿ ਜਦੋਂ ਕਿਸਾਨਾਂ ਨੂੰ ਇਸ ਘਟਨਾ ਬਾਰੇ ਪਤਾ ਚੱਲਿਆ ਤਾਂ ਗੁੱਸੇ ਵਿਚ ਆਏ ਕਿਸਾਨਾਂ ਨੇ ਮਹਿਲਾ ਨੂੰ ਘੇਰ ਲਿਆ ਅਤੇ ਉਸ ਦੀ ਚੰਗੀ ਰੇਲ ਬਣਾਈ। ਕਿਸਾਨਾਂ ਨੇ ਉਸੇ ਮਹਿਲਾ ਤੋਂ ਹੀ ਦੁਬਾਰਾ ਫਿਰ ਮੋਦੀ ਦੇ ਪੁਤਲੇ ਦੇ ਗਲ ਵਿਚ ਜੁੱਤੀਆਂ ਦਾ ਹਾਰ ਪਵਾਇਆ ਅਤੇ ਮਾਫੀ ਵੀ ਮੰਗਵਾਈ। ਮਾਫੀ ਮੰਗਵਾਉਣ ਦੇ ਨਾਲ-ਨਾਲ ਮਹਿਲਾ ਤੋਂ ਮੋਦੀ ਦੇ ਪੁਤਲੇ 'ਤੇ ਜੁੱਤੀਆਂ ਵੀ ਮਰਵਾਈਆਂ ਗਈਆਂ।
