ਫ਼ਾਜ਼ਿਲਕਾ ਦੇ ਥਾਣੇ ਵਿਚ ਗੀਤ ਗਾ ਕਾ ਮੁਲਾਜ਼ਮਾਂ ਦਾ ਮਨੋਰੰਜਨ ਕਰਨ ਵਾਲੇ ਐਸਐਚਓ...
ਫ਼ਾਜ਼ਿਲਕਾ: ਫ਼ਾਜ਼ਿਲਕਾ ਦੇ ਥਾਣੇ ਵਿਚ ਗੀਤ ਗਾ ਕਾ ਮੁਲਾਜ਼ਮਾਂ ਦਾ ਮਨੋਰੰਜਨ ਕਰਨ ਵਾਲੇ ਐਸਐਚਓ ਨੂੰ ਸਸਪੈਂਡ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਫ਼ਾਜ਼ਿਲਕਾ ਨਗਰ ਥਾਣਾ ਮੁਖੀ ਤੇ ਐਸਐਚਓ ਪ੍ਰੇਮ ਕੁਮਾਰ ਨੇ “ਮੇਰੇ ਸਪਨੋ ਕੀ ਰਾਣੀ ਕਬ ਆਏਗੀ ਤੂੰ” ਗੀਤ ਗਾ ਕੇ ਚੋਣਾਂ ਤੋਂ ਬਾਅਦ ਥਾਣੇ ਵਿਚ ਮਹਿਫ਼ਿਲ ਲੱਗਾ ਦਿੱਤੀ ਅਤੇ ਮੁਲਾਜ਼ਮਾਂ ਦਾ ਖੂਬ ਮਨੋਰੰਜਨ ਕੀਤਾ।
Suspend
ਇੰਨਾ ਹੀ ਨਹੀਂ ਸੋਸ਼ਲ ਮੀਡੀਆ ‘ਤੇ ਇਸ ਦੀ ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਉਹ ਇਲਾਕਾ ਵਿਚ ਕਾਫ਼ੀ ਮਸ਼ਹੂਰ ਹੋ ਗਏ, ਜਿਸ ਸਦਕਾ ਲੋਕ ਉਨ੍ਹਾਂ ਦੀ ਪ੍ਰਸ਼ੰਸਾ ਕਰ ਰਹੇ ਹਨ। ਮਿਲੀ ਜਾਣਕਾਰੀ ਅਨੁਸਾਰ ਗਾਣਾ ਗਾ ਕੇ ਇਲਾਕੇ ਵਿਚ ਪ੍ਰਸਿੱਧ ਹੋਣ ਵਾਲੇ ਐਸਐਚਓ ਪ੍ਰੇਮ ਕੁਮਾਰ ਅਪਣੀ ਕੁਰਸੀ ਗਵਾ ਬੈਠੇ ਹਨ। ਉਨ੍ਹਾਂ ਨੂੰ ਡਿਊਟੀ ਦੌਰਾਨ ਲਾਪ੍ਰਵਾਹੀ ਵਰਤਣ ਦੇ ਦੋਸ਼ ਵਿਚ ਸਸਪੈਂਡ ਕਰ ਦਿੱਤਾ ਗਿਆ ਹੈ। ਐਸਐਚਓ ਦੇ ਨਾਲ-ਨਾਲ ਏਐਸਆਈ ਸਰਬਜੀਤ ਸਿੰਘ ਤੇ ਹੌਲਦਾਰ ਪਿਆਰਾ ਸਿੰਘ ਨੂੰ ਵੀ ਸਸਪੈਂਡ ਕੀਤਾ ਗਿਆ ਹੈ।
Suspended
ਦੱਸ ਦਈਏ ਕਿ ਇਨ੍ਹਾਂ ਤਿੰਨਾਂ ਮੁਲਾਜ਼ਮਾਂ ਨੂੰ ਠੱਗੀ ਮਾਮਲੇ ਵਿਚ ਲਾਪ੍ਰਵਾਹੀ ਵਰਤਣ ਅਤੇ ਐਕਸਾਈਜ ਮਾਮਲੇ ਵਿਚ ਦੋਸ਼ੀ ਨੂੰ ਨਾ ਫੜਨ ਦੇ ਦੋਸ਼ ਵਿਚ ਸਸਪੈਂਡ ਕੀਤਾ ਗਿਆ ਹੈ। ਮਨੋਰੰਜਨ ਹਰ ਵਿਅਕਤੀ ਦੀ ਜ਼ਿੰਦਗੀ ਦਾ ਹਿੱਸਾ ਹੈ ਅਤੇ ਇਸ ਦਾ ਆਨੰਦ ਲੈਣਾ ਬੁਰੀ ਗੱਲ ਨਹੀਂ ਪਰ ਜਿੰਨੀ ਦਿਲਚਸਪੀ ਮਨੋਰੰਜਨ ਵਿਚ ਦਿਖਾਈ ਗਈ, ਉਨੀ ਹੀ ਦਿਲਚਸਪੀ ਡਿਊਟੀ ਕਰਨ ਵਿਚ ਦਿਖਾਉਣ ਵੀ ਪੁਲਿਸ ਦਾ ਫਰਜ ਬਣਦਾ ਹੈ।
