ਸ਼ੇਅਰ ਬਾਜ਼ਾਰ ਦੀ ਮਜ਼ਬੂਤ ਸ਼ੁਰੂਆਤ, ਸੈਂਸੈਕਸ 248 ਅੰਕ ਚੜਿ੍ਹਆ ਤੇ ਨਿਫ਼ਟੀ ਵੀ 16679 ਦੇ ਪਾਰ ਖੁਲ੍ਹਿਆ
ਮੁੰਬਈ, 22 ਜੁਲਾਈ : ਹਫ਼ਤੇ ਦੇ ਆਖ਼ਰੀ ਕਾਰੋਬਾਰੀ ਦਿਨ ਸ਼ੁੱਕਰਵਾਰ ਨੂੰ ਭਾਰਤੀ ਸ਼ੇਅਰ ਬਾਜ਼ਾਰ ’ਚ ਵਾਧਾ ਦੇਖਣ ਨੂੰ ਮਿਲ ਰਿਹਾ ਹੈ। ਸੈਂਸੈਕਸ 248.37 ਅੰਕ ਜਾਂ 0.45 ਫ਼ੀ ਸਦੀ ਵੱਧ ਕੇ 55930.32 ’ਤੇ ਅਤੇ ਨਿਫ਼ਟੀ 74.10 ਅੰਕ ਜਾਂ 0.45 ਫ਼ੀ ਸਦੀ ਵਧ ਕੇ 16679.40 ’ਤੇ ਕਾਰੋਬਾਰ ਕਰ ਰਿਹਾ ਹੈ। ਵੀਰਵਾਰ ਨੂੰ 79.95 ਪ੍ਰਤੀ ਡਾਲਰ ਦੇ ਬੰਦ ਹੋਣ ਦੇ ਮੁਕਾਬਲੇ ਰੁਪਿਆ ਅੱਜ 79.89 ਪ੍ਰਤੀ ਡਾਲਰ ’ਤੇ ਖੁਲ੍ਹਿਆ।
ਇਸ ਦੌਰਾਨ ਡਾਓ ਜੋਂਸ 150 ਅੰਕ ਚੜ੍ਹ ਕੇ ਬੰਦ ਹੋਇਆ ਜਦਕਿ ਨੈਸਡੈਕ 1.4 ਫ਼ੀ ਸਦੀ ਚੜਿ੍ਹਆ ਹੈ। ਨਿਫ਼ਟੀ ਵੀ ਹਰਿਆਲੀ ਦੇ ਨਾਲ ਕਾਰੋਬਾਰ ਕਰ ਰਿਹਾ ਹੈ। ਇਸ ਦੇ ਨਾਲ ਹੀ ਵੀਰਵਾਰ ਨੂੰ ਐਫ਼.ਆਈ.ਆਈ. ਨੇ ਨਕਦੀ ’ਚ 1799 ਕਰੋੜ ਰੁਪਏ ਦੀ ਖ਼ਰੀਦਦਾਰੀ ਕੀਤੀ।
ਡੀਆਈਆਈ ਨੇ ਵੀਰਵਾਰ ਨੂੰ 312 ਕਰੋੜ ਰੁਪਏ ਦੀ ਨਕਦੀ ਵੇਚੀ। ਸ਼ੁੱਕਰਵਾਰ ਨੂੰ ਸ਼ੁਰੂਆਤੀ ਵਪਾਰ ਵਿਚ ਜੇਐਸਡਬਲਯੂ ਐਨਰਜੀ 6 ਫ਼ੀ ਸਦੀ ਵੱਧ ਹੈ ਜਦੋਂ ਕਿ ਯੈੱਸ ਬੈਂਕ ਦੇ ਸ਼ੇਅਰ 2 ਫ਼ੀ ਸਦੀ ਵੱਧ ਹਨ। ਅੱਜ ਦੇ ਟਾਪ ਗੇਨਰਜ਼ ਯੂਪੀਐਲ, ਕੋਟਕ ਮਹਿੰਦਰਾ ਬੈਂਕ, ਨੇਸਲੇ ਇੰਡੀਆ, ਹਿੰਡਾਲਕੋ ਇੰਡਸਟਰੀਜ਼, ਐਮਐਂਡਐਮ ਰਹੇ ਅਤੇ ਟਾਪ ਲੂਜ਼ਰਜ਼ ਇਨਫ਼ੋਸਿਸ, ਓਐੱਨਜੀਸੀ, ਐੱਲਐਂਡਟੀ, ਅਪੋਲੋ ਹਸਪਤਾਲ ਰਹੇ। (ਏਜੰਸੀ)
