ਦਿੱਲੀ, ਹਰਿਆਣਾ ਤੋਂ ਇਲਾਵਾ ਕਈ ਰਾਜਾਂ ਵਿਚ 2400 ਰੁਪਏ ਹੈ ਰੇਟ
ਚੰਡੀਗੜ੍ਹ: ਸ਼ਹਿਰ ਵਿਚ ਪ੍ਰਾਇਵੇਟ ਲੈਬ ਵਿਚ ਹੁਣ ਕੋਰੋਨਾ ਟੈਸਟਿੰਗ ਲਈ ਸਿਰਫ 2 ਹਜ਼ਾਰ ਰੁਪਏ ਲੱਗਣਗੇ। ਚੰਡੀਗੜ੍ਹ ਪ੍ਰਸ਼ਾਸਨ ਨੇ ਸੋਮਵਾਰ ਨੂੰ ਪ੍ਰਾਇਵੇਟ ਲੈਬ ਵਿਚ ਕੋਰੋਨਾ ਟੈਸਟਿੰਗ ਲਈ ਰੇਟ ਤੈਅ ਕਰ ਦਿਤੇ ਹਨ। ਸੋਮਵਾਰ ਨੂੰ ਪ੍ਰਸ਼ਾਸਕ ਦੇ ਸਲਾਹਕਾਰ ਮਨੋਜ ਪਰੀਦਾ, ਪ੍ਰਿੰਸੀਪਲ ਸਕੱਤਰ ਸਿਹਤ ਅਰੁਣ ਕੁਮਾਰ ਗੁਪਤਾ ਅਤੇ ਐਸਆਰਐਲ ਡਾਇਗਨੋਸਟਿਕਸ ਲੈਬਾਰਟਰੀ ਦੇ ਪ੍ਰਤੀਨੀਧੀਆਂ ਵਿਚ ਬੈਠਕ ਹੋਈ।
Corona Virus
ਜਿਸ ਵਿਚ ਇਹ ਫ਼ੈਸਲਾ ਲਿਆ ਗਿਆ ਕਿ ਹੁਣ ਸ਼ਹਿਰ ਦੀ ਕੋਈ ਵੀ ਪ੍ਰਾਇਵੇਟ ਲੈਬ ਮਰੀਜ਼ਾਂ ਤੋਂ ਕੋਰੋਨਾ ਟੈਸਟਿੰਗ ਲਈ ਵਾਧੂ ਪੈਸੇ ਨਹੀਂ ਵਸੂਲ ਸਕੇਗੀ। ਦੇਸ਼ ਦੇ ਕਈ ਰਾਜਾਂ ਵਿਚ ਪਹਿਲਾਂ ਤੋਂ ਹੀ ਪ੍ਰਾਇਵੇਟ ਲੈਬ ਵਿਚ ਕੋਰੋਨਾ ਟੈਸਟਿੰਗ ਲਈ ਰੇਟ ਤੈਅ ਕੀਤੇ ਜਾ ਚੁੱਕੇ ਹਨ। ਲਗਾਤਾਰ ਚੰਡੀਗੜ ਵਿਚ ਕੋਰੋਨਾ ਟੈਸਟਿੰਗ ਦੇ ਨਾਮ ਤੇ ਪ੍ਰਾਇਵੇਟ ਲੈਬ ਵਲੋਂ ਮਨ ਮਰਜੀ ਦੇ ਪੈਸੇ ਵਸੂਲੇ ਜਾਣ ਦਾ ਮਾਮਲਾ ਸਾਹਮਣੇ ਆ ਰਿਹਾ ਸੀ।
Corona virus
ਜਿਸਦੇ ਬਾਅਦ ਚੰਡੀਗੜ ਪ੍ਰਸ਼ਾਸਨ ਨੇ ਸ਼ਹਿਰ ਦੀ ਪ੍ਰਾਇਵੇਟ ਲੈਬ ਐਸਆਰਐਲ ਲਈ ਕੋਰੋਨਾ ਟੈਸਟਿੰਗ ਦਾ ਰੇਟ ਤੈਅ ਕਰ ਦਿਤਾ ਹੈ। ਸ਼ਹਿਰ ਵਿਚ ਸਿਰਫ ਇਕ ਹੀ ਪ੍ਰਾਇਵੇਟ ਲੈਬ ਹੈ , ਜਿਸ ਨੂੰ ਆਈਸੀਐਮਆਰ ਵਲੋਂ ਕੋਰੋਨਾ ਟੈਸਟਿੰਗ ਦੀ ਮਨਜ਼ੂਰੀ ਹੈ। ਦਿੱਲੀ, ਹਰਿਆਣਾ ਦੇ ਇਲਾਵਾ ਦੇਸ਼ ਦੇ ਕਈ ਰਾਜਾਂ ਵਿਚ ਪ੍ਰਾਇਵੇਟ ਲੈਬ ਵਿਚ ਨਿਯਮ ਦੇ ਤਹਿਤ ਕੋਰੋਨਾ ਟੈਸਟਿੰਗ ਲਈ ਮਰੀਜਾਂ ਤੋਂ 2400 ਰੁਪਏ ਵਸੂਲੇ ਜਾ ਰਹੇ ਹਨ।
Corona virus
ਪਰ ਚੰਡੀਗੜ ਵਿਚ ਪੂਰੇ ਦੇਸ਼ ਦੇ ਮੁਕਾਬਲੇ ਪ੍ਰਾਇਵੇਟ ਲੈਬ ਵਿਚ ਕੋਰੋਨਾ ਸੈਂਪਲ ਦੀ ਟੈਸਟਿੰਗ ਦਾ ਸਭਤੋਂ ਘੱਟ ਰੇਟ ਰੱਖਿਆ ਗਿਆ ਹੈ। ਚੰਡੀਗੜ ਵਿਚ ਕੋਈ ਵੀ ਪ੍ਰਾਇਵੇਟ ਲੈਬ ਜਿਸ ਨੂੰ ਕੇਰੋਨਾ ਸੈਂਪਲ ਟੈਸਟਿੰਗ ਦੀ ਮਨਜ਼ੂਰੀ ਹੈ , ਉਹ 2 ਹਜਾਰ ਰੁਪਏ ਤੋਂ ਵਧ ਮਰੀਜ ਤੋਂ ਵਸੂਲ ਨਹੀਂ ਕਰ ਸਕਦੀ ਹੈ।
Corona virus
4500 ਰੁਪਏ ਤੱਕ ਵਸੂਲੇ ਜਾ ਰਹੇ ਸਨ ਟੈਸਟਿੰਗ ਲਈ- ਸ਼ਹਿਰ ਵਿਚ ਪ੍ਰਾਇਵੇਟ ਲੈਬ ਵਿਚ ਕੋਰੋਨਾ ਟੈਸਟਿੰਗ ਦੇ ਪਹਿਲੇ ਰੇਟ ਤੈਅ ਨਹੀਂ ਸਨ। ਜਿਸਦੇ ਚਲਦੇ ਸ਼ਹਿਰ ਵਿਚ ਕੋਰੋਨਾ ਟੈਸਟਿੰਗ ਲਈ ਹਾਲੇ ਤਕ 4500 ਰੁਪਏ ਤਕ ਵਸੂਲੇ ਜਾ ਰਹੇ ਸਨ। ਪਰ ਹੁਣ ਰੇਟ ਤੈਅ ਹੋ ਜਾਣ ਨਾਲ ਕੋਰੋਨਾ ਪਾਜੇਟਿਵ ਮਰੀਜਾਂ ਨੂੰ ਵੀ ਰਾਹਤ ਮਿਲੇਗੀ। ਹਾਲੇ ਸ਼ਹਿਰ ਦੇ ਸਰਕਾਰੀ ਹਸਪਤਾਲਾਂ ਵਿਚ ਕੋਰੋਨਾ ਟੈਸਟਿੰਗ ਕਰਾਉਣ ਵਿਚ 10 ਤੋਂ 12 ਘੰਟੇ ਦਾ ਸਮਾ ਲੱਗ ਜਾਂਦਾ ਹੈ।
Corona Virus
ਕਈ ਵਾਰ ਸੈਂਪਲ ਜ਼ਿਆਦਾ ਹੋਣ ਦੇ ਕਾਰਨ ਮਰੀਜਾਂ ਦੀ ਰਿਪੋਰਟ ਦੋ ਤੋਂ ਤਿੰਨ ਦਿਨ ਦੇ ਬਾਅਦ ਆਉਂਦੀ ਹੈ। ਅਜਿਹੇ ਵਿਚ ਹੁਣ ਮਰੀਜ ਦੋ ਹਜਾਰ ਰੁਪਏ ਵਿਚ ਸ਼ਹਿਰ ਦੀ ਪ੍ਰਾਇਵੇਟ ਲੈਬ ਤੋਂ ਵੀ ਆਪਣੇ ਸੈਂਪਲ ਦੇਕੇ ਕੋਰੋਨਾ ਦੀ ਟੈਸਟਿੰਗ ਕਰਵਾ ਸਕਣਗੇ। ਇਸ ਨਾਲ ਸ਼ਹਿਰ ਦੇ ਸਰਕਾਰੀ ਹਸਪਤਾਲਾਂ ਤੇ ਟੈਸਟਿੰਗ ਦਾ ਬੋਝ ਘੱਟ ਹੋਵੇਗਾ ਅਤੇ ਪ੍ਰਾਇਵੇਟ ਲੈਬ ਵਿਚ ਰੇਟ ਤੈਅ ਹੋਣ ਨਾਲ ਲੋਕਾਂ ਨੂੰ ਛੇਤੀ ਹੀ ਉਨ੍ਹਾਂ ਦੀ ਰਿਪੋਰਟ ਮਿਲ ਜਾਵੇਗੀ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
