image
ਦੇਸ਼ 'ਚ ਕੋਰੋਨਾ ਦੇ 30,256 ਨਵੇਂ ਮਾਮਲੇ, 295 ਮੌਤਾਂ
ਨਵੀਂ ਦਿੱਲੀ, 20 ਸਤੰਬਰ : ਦੇਸ਼ ਵਿਚ ਕੋਰੋਨਾ ਦੇ 30,256 ਨਵੇਂ ਮਾਮਲੇ ਆਉਣ ਨਾਲ ਪੀੜਤਾਂ ਦੀ ਗਿਣਤੀ ਵੱਧ ਕੇ 3,34,78,419 ਹੋ ਗਈ, ਜਦਕਿ ਇਲਾਜ ਅਧੀਨ ਰੋਗੀਆਂ ਦੀ ਗਿਣਤੀ ਘੱਟ ਕੇ 3,18,181 ਹੋ ਗਈ ਜੋ 183 ਦਿਨਾਂ ਵਿਚ ਸੱਭ ਤੋਂ ਘੱਟ ਹੈ | ਕੇਂਦਰੀ ਸਿਹਤ ਮੰਤਰਾਲੇ ਨੇ ਇਹ ਜਾਣਕਾਰੀ ਦਿਤੀ | ਸਿਹਤ ਮੰਤਰਾਲੇ ਵਲੋਂ ਸੋਮਵਾਰ ਨੂੰ ਜਾਰੀ ਅੰਕੜਿਆਂ ਮੁਤਾਬਕ ਲਾਗ ਨਾਲ 295 ਹੋਰ ਲੋਕਾਂ ਦੀ ਜਾਨ ਚਲੀ ਗਈ, ਜਿਸ ਨਾਲ ਮਰਨ ਵਾਲਿਆਂ ਦੀ ਗਿਣਤੀ 4,45,133 ਹੋ ਗਈ ਹੈ | ਕੋਰੋਨਾ ਤੋਂ ਠੀਕ ਹੋਣ ਦੀ ਰਾਸ਼ਟਰੀ ਦਰ 97.72 ਫ਼ੀਸਦ ਹੈ | ਮੌਤ ਦਰ 1.33 ਫ਼ੀਸਦ ਹੈ | (ਪੀਟੀਆਈ)
