22 ਸਾਲ 'ਚ ਪਹਾੜ ਦਾ ਸੀਨਾ ਖੋਦ ਦੇਣ ਵਾਲਾ ਇਹ ਮਜ਼ਦੂਰ
ਚੰਡੀਗੜ੍ਹ: ਇਕੱਲਾ ਵਿਅਕਤੀ ਪਹਾੜ ਨਹੀਂ ਖੋਦ ਸਕਦਾ। ਇਸ ਕਹਾਵਤ ਨੂੰ ਝੂਠਲਾਇਆ, ਤੇ ਪਿਆਰ ਪਰਬਤਾਂ ਨੂੰ ਹਲਾ ਸਕਦਾ ਹੈ। ਇਸ ਕਵਾਹਤ ਨੂੰ ਇਕ ਵਿਅਕਤੀ ਦੀ ਸੱਚੀ ਦਾਸਤਾਨ ਨੇ ਸੱਚ ਕੀਤਾ ਹੈ। ਇਹ ਕਹਾਣੀ ਦਸ਼ਰਤ ਮਾਂਝੀ ਦੀ ਹੈ ਜੋ ਕਿ ਜੋਸ਼ ਤੇ ਜਜ਼ਬੇ ਦੀ ਮਿਸਾਲ ਹੈ। ਦਸ਼ਰਤ ਮਾਂਝੀ ਨੇ ਮੁਹੱਬਤ ਵਿਚ ਉਹ ਕਰ ਦਿਖਾਇਆ ਜਿਸ ਦੀ ਕਲਪਨਾ ਵੀ ਨਹੀਂ ਕੀਤੀ ਜਾ ਸਕਦੀ।
Bihar
ਬਿਹਾਰ ਦੇ ਗਯਾ ਦੇ ਪਿੰਡ ਗਹਿਲੋਰ ਦੇ ਰਹਿਣ ਵਾਲੇ ਦਸ਼ਰਤ ਮਾਂਝੀ ਨੇ 22 ਸਾਲ ਇਕ ਪਹਾੜ ਨੂੰ ਕੱਟਿਆ ਤੇ ਉਸ ਪਹਾੜ ਦੇ ਵਿਚ ਦੀ ਰਾਹ ਬਣਾ ਦਿੱਤਾ। ਇਹੀ ਵਜ੍ਹਾ ਹੈ ਕਿ ਉਸ ਨੂੰ ਅੱਜ ਵੀ ਪਰਬਤ ਮਨੁੱਖ ਜਾਂ ਫਿਰ ਮਾਨਟੇਨ ਮੈਨ ਕਹਿ ਕਿ ਯਾਦ ਕੀਤਾ ਜਾਂਦਾ ਹੈ। ਕੁੱਝ ਤਸਵੀਰਾਂ ਵਿਚ ਦੇਖਿਆ ਜਾ ਸਕਦਾ ਹੈ ਕਿ ਦੋ ਪਹਾੜਾਂ ਵਿਚਕਾਰ ਰਸਤਾ ਬਣਿਆ ਹੋਇਆ ਹੈ ਜੋ ਕਿ ਪਹਿਲਾਂ ਨਹੀਂ ਸੀ।
Bihar
70 ਸਾਲ ਪਹਿਲਾਂ ਇੱਥੇ 300 ਫੁੱਟ ਲੰਬਾ ਪਹਾੜ ਸੀ। 1934 ਵਿਚ ਪੱਛੜੇ ਪਿੰਡ ਗਹਿਲੌਰ ਵਿਚ ਪੈਦਾ ਹੋਏ ਦਸ਼ਰਤ ਮਾਂਝੀ ਨੇ ਇਹ ਕਰਿਸ਼ਮਾ ਕਰ ਵਿਖਾਇਆ। 1956 ਵਿਚ ਮਾਂਝੀ ਦਾ ਵਿਆਹ ਫਾਲਗੂਨੀ ਦੇਵੀ ਨਾਲ ਹੋਇਆ ਸੀ, ਫਾਲਗੂਨੀ ਦੇਵੀ ਜੋ ਕਿ ਦਸ਼ਰਤ ਮਾਂਝੀ ਦਾ ਬਚਪਨ ਦਾ ਪਿਆਰ ਸੀ ਅਤੇ ਹਰ ਇੱਛਾ ਦੀ ਪੂਰਤੀ ਕਰਨਾ ਦਸਰਤ ਨੇ ਅਪਣਾ ਫਰਜ਼ ਸਮਝਿਆ ਸੀ।
Dashrath Manjhi
ਵਿਆਹ ਤੋਂ ਬਾਅਦ ਦਸ਼ਰਤ ਫਾਲਗੂਨੀ ਨੂੰ ਅਪਣੇ ਪਿੰਡ ਗਹਿਲੌਰ ਲੈ ਆਉਂਦਾ ਹੈ, ਇਹ ਪਿੰਡ ਕਾਫੀ ਪਛੜਿਆ ਸੀ ਕਿਉਂ ਕਿ ਇਸ ਦੇ ਰਸਤੇ ਵਿਚ ਇਕ ਪਹਾੜ ਪੈਂਦਾ ਸੀ ਜਿਸ ਕਰ ਕੇ 55 ਕਿਲੋਮੀਟਰ ਵਲ ਕੇ ਸ਼ਹਿਰ ਜਾਣਾ ਪੈਂਦਾ ਸੀ। ਪਿੰਡ ਵਿਚ ਨਾ ਕੋਈ ਹਸਪਤਾਲ, ਨਾ ਕੋਈ ਦੁਕਾਨ, ਨਾ ਹੋਰ ਕੋਈ ਸੁਵਿਧਾ। ਉੱਤੋਂ ਪਿੰਡ ਦਾ ਮੁੱਖੀਆ ਜਾਤ-ਪਾਤ ਨੂੰ ਲੈ ਕੇ ਬਹੁਤ ਭੇਦ-ਭਾਵ ਕਰਦਾ ਸੀ।
Bihar
ਦਸਰਤ ਮਾਝੀ ਪਹਿਲਾਂ ਧਨਵਾਦ ਦੇ ਕੋਲਾ ਫੈਕਟਰੀ ਕਰਦਾ ਰਿਹਾ ਤੇ ਫਿਰ ਅਪਣੇ ਪਿੰਡ ਦੇ ਕੋਲ ਹੀ ਕਿਸੇ ਦੇ ਖੇਤਾਂ ਵਿਚ ਹੀ ਕੰਮ ਕਰਨ ਲੱਗ ਗਿਆ। ਫਿਰ ਅਪਣੇ ਪਿੰਡ ਦੇ ਵਿਚ ਹੀ ਕਿਸੇ ਦੇ ਖੇਤਾਂ ਵਿਚ ਮਜ਼ਦੂਰੀ ਕਰਨ ਲੱਗ ਗਿਆ। ਇਕ ਵਾਰ ਦਸ਼ਰਤ ਦੀ ਪਤਨੀ ਉਸ ਦੇ ਲਈ ਰੋਟੀ ਲੈ ਕੇ ਉਸ ਕੋਲ ਜਾਂਦੀ ਹੈ। ਉਸ ਸਮੇਂ ਉਹ ਦੂਜੀ ਵਾਰ ਗਰਭਵਤੀ ਸੀ।
Dashrath Manjhi
ਜਦੋਂ ਉਹ ਰਸਤੇ ਵਿਚ ਆਉਂਦੇ ਪਹਾੜ ਤੇ ਚੜਨ ਲਗਦੀ ਹੈ ਤਾਂ ਉਸ ਦਾ ਪੈਰ ਖਿਸਕ ਜਾਂਦਾ ਹੈ ਤੇ ਉਹ ਡਿੱਗ ਜਾਂਦੀ ਹੈ, ਇਸ ਤੋਂ ਬਾਅਦ ਉਸ ਦੀ ਹਾਲਤ ਬਹੁਤ ਗੰਭੀਰ ਬਣ ਜਾਂਦੀ ਹੈ। ਦਸਰਤ ਉਸ ਨੂੰ ਹਸਪਤਾਲ ਲੈ ਕੇ ਜਾਂਦਾ ਹੈ, ਉਹ ਬੱਚੀ ਨੂੰ ਜਨਮ ਦਿੰਦੀ ਹੈ ਪਰ ਉਸ ਦੀ ਖੁਦ ਦੀ ਮੌਤ ਹੋ ਜਾਂਦੀ ਹੈ। ਇਸ ਦਾ ਦਸ਼ਰਤ ਨੂੰ ਡੂੰਘਾ ਸਦਮਾ ਲਗਦਾ ਹੈ ਤੇ ਉਹ ਠਾਣ ਲੈਂਦਾ ਹੈ ਕਿ ਉਹ ਉਸ ਪਹਾੜ ਦੀ ਆਕੜ ਭੰਨ ਕੇ ਰਹੇਗਾ।
Bihar
ਇੱਥੋਂ ਹੀ ਇਹ ਕਹਾਣੀ ਦੀ ਸ਼ੁਰੂਆਤ ਹੁੰਦੀ ਹੈ। ਇਸ ਤੋਂ ਬਾਅਦ 1960 ਵਿਚ ਦਸਰਤ ਇਕ ਛੈਣੀ ਤੇ ਹਥੌੜਾ ਲੈ ਕੇ ਮਿਸ਼ਨ ਅਸੰਭਵ ਤੇ ਲਗ ਜਾਂਦਾ ਹੈ। ਇਸ ਦੌਰਾਨ ਉਸ ਨੂੰ ਬਹੁਤ ਸਾਰੀਆਂ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨਾ ਪਿਆ। ਪਰ ਉਸ ਦਾ ਹੌਸਲਾਂ ਉਸ ਪਰਬਤ ਦੀ ਉਚਾਈ ਤੋਂ ਵੀ ਕਾਫੀ ਉੱਚਾ ਸੀ। ਇਸ ਤੋਂ ਬਾਅਦ ਇਹ ਰਸਤਾ ਪਹਿਲਾਂ ਅਸਥਾਈ ਤੌਰ ਤੇ ਪੱਕਾ ਅਤੇ ਫਿਰ ਸਥਾਈ ਤੌਰ ਤੇ ਪੱਕਾ ਕੀਤਾ ਜਾਂਦਾ ਹੈ।
Bihar
ਦਸ਼ਰਤ ਮਾਂਝੀ ਤੇ ਇਕ ਫਿਲਮ ਵੀ ਬਣੀ ਹੈ ਤੇ 2006 ਵਿਚ ਦਸ਼ਰਤ ਨੂੰ ਪਦਮਸ਼੍ਰੀ ਦਾ ਇਨਾਮ ਵੀ ਦਿੱਤਾ ਜਾਂਦਾ ਹੈ ਪਰ ਇਹ ਇਨਾਮ ਉਸ ਦੇ ਨਸੀਬ ਵਿਚ ਨਹੀਂ ਸੀ ਕਿਉਂ ਕਿ ਉਸ ਨੂੰ ਕੈਂਸਰ ਦੀ ਬਿਮਾਰੀ ਸੀ ਤੇ 2007 ਵਿਚ ਉਹ ਈਮਸ ਹਸਪਤਾਲ ਵਿਚ ਕੈਂਸਰ ਨਾਲ ਜੂਝਦਾ ਹੋਇਆ ਇਸ ਦੁਨੀਆ ਨੂੰ ਅਲਵਿਦਾ ਕਹਿ ਜਾਂਦਾ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
