ਜਲੰਧਰ ਵਿਚ ਅੱਜ ਇਕ ਬੈਲੱਡ ਬੈਂਕ ਵਲੋਂ ਓ ਪਾਜ਼ੇਟਿਵ ਦੀ ਬਜਾਏ ਏ ਓ ਪਾਜ਼ੇਟਿਵ ਖੂਨ ਦੇਣ ਤੋਂ ਬਾਅਦ ਮਰੀਜ਼ ਦੀ ਹਾਲਤ ਵਿਗੜ ਜਾਣ ਉਤੇ ਪਰਵਾਰ ਨੇ ਬੈਲੱਡ ਬੈਂਕ
ਜਲੰਧਰ,19 ਮਈ (ਵਰਿੰਦਰ ਸ਼ਰਮਾ): ਜਲੰਧਰ ਵਿਚ ਅੱਜ ਇਕ ਬੈਲੱਡ ਬੈਂਕ ਵਲੋਂ ਓ ਪਾਜ਼ੇਟਿਵ ਦੀ ਬਜਾਏ ਏ ਓ ਪਾਜ਼ੇਟਿਵ ਖੂਨ ਦੇਣ ਤੋਂ ਬਾਅਦ ਮਰੀਜ਼ ਦੀ ਹਾਲਤ ਵਿਗੜ ਜਾਣ ਉਤੇ ਪਰਵਾਰ ਨੇ ਬੈਲੱਡ ਬੈਂਕ ਦੇ ਬਾਹਰ ਹੰਗਾਮਾ ਪੈਦਾ ਕਰ ਦਿਤਾ। ਨਾਗਰਾ ਦੇ ਰਹਿਣ ਵਾਲੇ ਨਵਕੇਤਨ ਨੇ ਦਸਿਆ ਕਿ ਉਸ ਦਾ ਚਾਚਾ ਤ੍ਰਿਲੋਕ ਨਾਥ ਰਤਨ ਹਸਪਤਾਲ ਵਿਚ ਦਾਖ਼ਲ ਹੈ। ਉਸ ਨੂੰ ਖੂਨ ਚੜ੍ਹਨਾ ਸੀ, ਤਾਂ ਉਸ ਨੇ ਹਸਪਤਾਲ ਦੇ ਬੈਲੱਡ ਬੈਂਕ ਤੋਂ ਓ ਪਾਜ਼ੇਟਿਵ ਬੈਲੱਡ ਗਰੁੱਪ ਦਾ ਖ਼ੂਨ ਲਿਆਂਦਾ। ਜਦੋਂ ਡਾਕਟਰਾਂ ਨੇ ਉਸ ਨੂੰ ਖੂਨ ਚੜ੍ਹਾਇਆ, ਤਾਂ ਉਸ ਦੀ ਸਿਹਤ ਵਿਗੜਨ ਲੱਗੀ, ਜਿਸ ਨੂੰ ਡਾਕਟਰਾਂ ਨੇ ਕੰਟਰੋਲ ਕੀਤਾ। ਲਗਭਗ ਦੋ ਘੰਟੇ ਬਾਅਦ, ਜਦੋਂ ਉਸ ਨੂੰ ਦੁਬਾਰਾ ਖ਼ੂਨ ਚੜ੍ਹਾਇਆ ਗਿਆ, ਤਾਂ ਉਸ ਦੀ ਹਾਲਤ ਫਿਰ ਵਿਗੜਨ ਲੱਗੀ। ਇਨ੍ਹਾਂ ਸੱਭ ਹੋਣ ਤੋਂ ਬਾਅਦ ਉਹ ਅਪਣੇ ਪਰਵਾਰਕ ਮੈਂਬਰਾਂ ਨਾਲ ਬੈਲੱਡ ਬੈਂਕ ਗਿਆ ਅਤੇ ਉਥੇ ਮੌਜੂਦ ਟੈਕਨੀਸ਼ੀਅਨ ਨੂੰ ਖ਼ੂਨ ਦੇ ਗਰੁੱਪ ਦੀ ਜਾਂਚ ਕਰਨ ਲਈ ਕਿਹਾ। ਜਦੋਂ ਇਹ ਟੈਸਟ ਕੀਤਾ ਗਿਆ, ਤਾਂ ਉਹ ਏ ਪਾਜ਼ੇਟਿਵ ਨਿਕਲਿਆ, ਜਦੋਂ ਕਿ ਬੈਗ ਉਤੇ ਓ. ਪਾਜ਼ੇਟਿਵ ਦਾ ਸਟਿੱਕਰ ਸੀ। ਗ਼ਲਤ ਖ਼ੂਨ ਦੇਣ ਉਤੇ ਮਰੀਜ਼ ਦੇ ਪਰਵਾਰ ਨੇ ਬਲੱਡ ਬੈਂਕ ਦੇ ਬਾਹਰ ਰੋਸ਼ ਪ੍ਰਦਰਸ਼ਨ ਕਰਨਾ ਸ਼ੁਰੂ ਕਰ ਦਿਤਾ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਬੈਲੱਡ ਬੈਂਕ ਦੀ ਗ਼ਲਤੀ ਕਾਰਨ ਉਸ ਦੇ ਮਰੀਜ਼ ਦੀ ਹਾਲਤ ਵਿਗੜ ਗਈ ਹੈ।
