File Photo
ਅੱਜ ਇਥੇ ਆੜ੍ਹਤੀ ਦਲਜੀਤ ਸਿੰਘ ਗੁਰਮ (62) ਦੀ ਸੜਕ ਹਾਦਸੇ ਵਿਚ ਮੌਤ ਹੋ ਗਈ। ਜਾਣਕਾਰੀ ਅਨੁਸਾਰ ਦਲਜੀਤ ਸਿੰਘ ਗੁਰਮ ਮਾਛੀਵਾੜਾ ਅਨਾਜ ਮੰਡੀ ਵਿਚ
ਮਾਛੀਵਾੜਾ, 19 ਅਪ੍ਰੈਲ (ਭੂਸ਼ਣ ਜੈਨ, ਬਲਬੀਰ ਸਿੰਘ ਬੱਬ) : ਅੱਜ ਇਥੇ ਆੜ੍ਹਤੀ ਦਲਜੀਤ ਸਿੰਘ ਗੁਰਮ (62) ਦੀ ਸੜਕ ਹਾਦਸੇ ਵਿਚ ਮੌਤ ਹੋ ਗਈ। ਜਾਣਕਾਰੀ ਅਨੁਸਾਰ ਦਲਜੀਤ ਸਿੰਘ ਗੁਰਮ ਮਾਛੀਵਾੜਾ ਅਨਾਜ ਮੰਡੀ ਵਿਚ ਆੜ੍ਹਤ ਦਾ ਕਾਰੋਬਾਰ ਕਰਦਾ ਹੈ। ਉਕਤ ਆੜ੍ਹਤੀ ਅਪਣੇ ਮੋਟਰਸਾਈਕਲ ’ਤੇ ਸਵਾਰ ਹੋ ਕੇ ਕਣਕ ਦੀ ਖ਼ਰੀਦ ਦੀ ਸਬੰਧੀ ਬੇਟ ਖੇਤਰ ਦੇ ਪਿੰਡਾਂ ਵਲ ਨੂੰ ਜਾ ਰਿਹਾ ਸੀ।
File photo
ਪਿੰਡ ਚਕਲੀ ਆਦਲ ਤੋਂ ਪਹਿਲਾਂ ਹੀ ਮੋੜ ਉਤੇ ਉਸ ਦਾ ਮੋਟਰਸਾਈਕਲ ਸੰਤੁਲਨ ਗੁਆ ਬੈਠਾ ਜਿਸ ਕਾਰਨ ਉਹ ਨੇੜਲੇ ਖੇਤਾਂ ਵਿਚ ਜਾ ਡਿੱਗਿਆ। ਕਰਫ਼ਿਊ ਕਾਰਨ ਸੜਕ ਉਤੇ ਆਵਾਜਾਈ ਨਾ ਹੋਣ ਕਰ ਕੇ ਉਹ ਕਰੀਬ ਡੇਢ ਘੰਟਾ ਜ਼ਖ਼ਮੀ ਹਾਲਤ ਵਿਚ ਉਥੇ ਹੀ ਪਿਆ ਰਿਹਾ। ਕਾਫ਼ੀ ਸਮੇਂ ਬਾਅਦ ਜਦੋਂ ਕਿਸੇ ਰਾਹਗੀਰ ਨੇ ਉਸ ਜ਼ਖ਼ਮੀ ਹਾਲਤ ਵਿਖ ਵੇਖਿਆ ਤਾਂ ਰਾਹਗੀਰ ਨੇ ਇਸ ਦੀ ਸੂਚਨਾ ਤੁਰਤ ਉਸ ਦੇ ਪ੍ਰਵਾਰਕ ਮੈਂਬਰਾਂ ਨੂੰ ਦਿਤੀ ਜਿਸ ਉਤੇ ਉਸ ਦੇ ਪ੍ਰਵਾਰਕ ਮੈਂਬਰ ਉਸ ਚੁੱਕ ਕੇ ਹਸਪਤਾਲ ਲੈ ਕੇ ਆਏ। ਡਾਕਟਰਾਂ ਨੇ ਮੁਢਲੇ ਚੈੱਕਪ ਦੌਰਾਨ ਉਸ ਨੂੰ ਮ੍ਰਿਤਕ ਐਲਾਨ ਦਿਤਾ।
